ໂທລະເລກອວຍພອນ ເຖິງ: ສະຫາຍ ເລ ຮວ່າຍ ຈຸງ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກກອມມູນິດ ຫວຽດນາມ
ເຜີຍແຜ່ໂດຍ: admin ເວລາ: 15/05/2022 15:47:56 ຈຳນວນຢ້ຽມຊົມ 459 ຄັ້ງ ສຳເນົາສະຫາຍ ເລ ຮວ່າຍ ຈຸງ ທີ່ຮັກແພງ,
ເນື່ອງໃນໂອກາດ ລະນຶກການປະຕິວັດເດືອນສິງຫາ ຄົບຮອບ 76 ປີ (19/8/1945 - 19/8/ 2021) ແລະ ສະເຫຼີມສະຫຼອງວັນສະຖາປະນາ ສາທາລະນະລັດ ສັງຄົມນິຍົມ ຫວຽດນາມ ຄົບຮອບ 76 ປີ (02/9/1945 - 02/9/2021), ໃນນາມຄະນະພັກ, ຄະນະນໍາ ແລະ ພະນັກງານລັດຖະກອນ ຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍຢ່າງສຸດອົກສຸດໃຈ ແລະ ຄຳອວຍພອນໄຊອັນປະເສີດ, ຄວາມຮັກແພງອັນສະໜິດສະໜົມຖານສະຫາຍອ້າຍນ້ອງ ມາຍັງ ສະຫາຍ ພ້ອມດ້ວຍຄະນະພັກ, ຄະນະນຳ ແລະ ພະນັກງານລັດ ຖະກອນຂອງ ຄະນະພົວພັນຕ່າງປະເທດສູນກາງພັກກອມມູນິດຫວຽດນາມອ້າຍນ້ອງ ທຸກຖ້ວນໜ້າ.
ພວກຂ້າພະເຈົ້າ ຕີລາຄາສູງທີ່ເຫັນວ່າ, ໃນຕະຫຼອດໄລຍະ 76 ປີ ພາຍໃຕ້ການນໍາພາອັນຖືກຕ້ອງ, ສະຫຼາດສ່ອງໃສຂອງພັກກອມມູນິດ ຫວຽດນາມ ທີ່ມີກຽດສະຫງ່າ, ປະຊາຊົນຫວຽດນາມອ້າຍນ້ອງ ໄດ້ດໍາເນີນພາລະກິດຕໍ່ສູ້ປະຕິວັດ ທີ່ດຸເດືອດຂ້ຽວຂາດຢ່າງອົງອາດກ້າຫານ ເຕັມໄປດ້ວຍຄວາມເສຍສະຫຼະອັນໃຫຍ່ຫຼວງ ຕ້ານກັບພວກຮຸກຮານຕ່າງຊາດເປັນເວລາຫຼາຍທົດສະວັດ ແລະ ສາ ມາດຍາດໄດ້ໄຊຊະນະເປັນແຕ່ລະກ້າວໆມາຢ່າງຕໍ່ເນື່ອງ ຈົນເຖິງໄຊຊະນະຢ່າງສົມບູນ, ບັນລຸທ້ອນ ໂຮມປະເທດຊາດເປັນເອກະພາບ ໃນປີ 1975 ແລະ ສືບຕໍ່ປົກປັກຮັກສາ ແລະ ສ້າງສາພັດທະນາປະເທດຊາດ ຕາມທິດສັງຄົມນິຍົມ ສາມາດຍາດໄດ້ຜົນສໍາເລັດອັນໃຫຍ່ຫຼວງ, ຮອບດ້ານ, ມີຄວາມ ໝາຍປະຫວັດສາດໃນທຸກຂົງເຂດວຽກງານ, ໂດຍສະເພາະແມ່ນ ບັນດາຜົນສໍາເລັດຮອບດ້ານໃນການ ດໍາເນີນພາລະກິດປ່ຽນແປງໃໝ່ຂອງ ສສ ຫວຽດນາມ ອັນໄດ້ເຮັດໃຫ້ ສສ ຫວຽດນາມ ສືບຕໍ່ມີສະ ຖຽນລະພາບທາງດ້ານການເມືອງທີ່ໜັກແໜ້ນ, ເສດຖະກິດຂະຫຍາຍຕົວຢ່າງຕໍ່ເນື່ອງດ້ວຍຈັງຫວະສູງ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນ ໄດ້ຮັບການປັບປຸງດີຂື້ນເປັນກ້າວໆ, ວຽກງານປ້ອງກັນຊາດ-ປ້ອງກັນຄວາມສະຫງົບ ມີຄວາມເຂັ້ມແຂງ ແລະ ໜັກແໜ້ນ, ການພົວພັນຕ່າງປະ ເທດ ນັບມື້ນັບໄດ້ຮັບການເປີດກວ້າງ, ອັນໄດ້ເຮັດໃຫ້ບົດບາດ ແລະ ອິດທິພົນຂອງພັກກອມມູນິດ ຫວຽດນາມ ແລະ ສສ ຫວຽດນາມ ນັບມື້ໄດ້ຮັບການເຊີດຊູສູງເດັ່ນຂຶ້ນໃນເວທີພາກພື້ນ ແລະ ສາກົນ.
ໃນທ່າມກາງສະພາບການແຜ່ລະບາດຂອງເຊື້ອພະຍາດ ໂຄວິດ-19 ທີ່ຍັງຜັນແປໄປຢ່າງສັບສົນ, ສົ່ງຜົນກະທົບຢ່າງເລິກເຊິ່ງຕໍ່ການພັດທະນາເສດຖະກິດ-ສັງຄົມ ແລະ ຊີວິການເປັນຢູ່ຂອງປະຊາຊົນຫວຽດນາມ; ພັກ, ລັດຖະບານ ຫວຽດນາມ ໄດ້ດໍາເນີນບັນດາມາດຕະການປ້ອງກັນ ແລະ ສະກັດກັ້ນພະຍາດຢ່າງເປັນລະບົບ, ທັນການ ແລະ ໄດ້ຮັບຜົນສໍາເລັດໂດຍພື້ນຖານ; ເຊື່ອໝັ້ນວ່າ ພັກ, ລັດ ແລະ ປະຊາຊົນຫວຽດນາມ ຈະສາມາດຄວບຄຸມການແຜ່ລະບາດຂອງເຊື້ອພະຍາດດັ່ງກ່າວ ໃນເວລາອັນໃກ້ນີ້.
ພວກຂ້າພະເຈົ້າ ຂໍສະແດງຄວາມຊົມເຊີຍຢ່າງສຸດອົກສຸດໃຈ ແລະ ຕີລາຄາສູງຕໍ່ຜົນສໍາເລັດ ແລະ ໄຊຊະນະອັນໃຫຍ່ຫຼວງທີ່ປະຊາຊົນຫວຽດນາມອ້າຍນ້ອງ ຍາດມາໄດ້ໃນຕະຫຼອດໄລຍະຜ່ານມາ, ໃນນັ້ນ ມີການປະກອບສ່ວນອັນສໍາຄັນຂອງ ຄະນະພົວພັນຕ່າງປະເທດສູນກາງພັກກອມມູນິດ ຫວຽດ ນາມ ເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ, ສືບຕໍ່ຈັດຕັ້ງປະຕິບັດມະຕິກອງປະ ຊຸມໃຫຍ່ ຄັ້ງທີ XIII ຂອງພັກກອມມູນິດຫວຽດນາມ ໃຫ້ປະສົບຜົນສໍາເລັດຢ່າງມີໄຊ; ສືບຕໍ່ປະກອບ ສ່ວນອັນສໍາຄັນ, ຕັ້ງໜ້າເຂົ້າໃນການເພີ່ມພູມຄູນສ້າງ ແລະ ເສີມຂະຫຍາຍສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ລາວ-ຫວຽດນາມ ກໍ່ຄື ລະຫວ່າງ ສອງຄະນະພົວພັນຕ່າງປະເທດສູນກາງພັກ ລາວ-ຫວຽດນາມ ໃຫ້ນັບມື້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.
ໃນໂອກາດອັນມີຄວາມໝາຍສຳຄັນນີ້, ພວກຂ້າພະເຈົ້າ ໃນນາມຄະນະພັກ, ຄະນະນໍາ ພ້ອມດ້ວຍພະນັກງານລັດຖະກອນ ຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ ຂໍອວຍ ພອນໃຫ້ ສະຫາຍ ພ້ອມດ້ວຍຄະນະພັກ, ຄະນະນຳ ແລະ ພະນັກງານລັດຖະກອນຂອງ ຄະນະພົວ ພັນຕ່າງປະເທດສູນກາງພັກກອມມູນິດ ຫວຽດນາມ ທຸກຖ້ວນໜ້າ ຈົ່ງມີສຸຂະພາບເຂັ້ມແຂງ, ມີຄວາມຜາສຸກໃນຊີວິດຄອບຄົວ ແລະ ຍາດໄດ້ຜົນສຳເລັດໃໝ່, ໃຫຍ່ຫຼວງກວ່າເກົ່າໃນໜ້າທີ່ວຽກງານອັນມີກຽດຂອງບັນດາສະຫາຍ.
ຂໍອວຍພອນໃຫ້ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ ລະຫວ່າງ ສອງຄະນະພົວພັນຕ່າງປະເທດສູນກາງພັກ ລາວ-ຫວຽດນາມ ຈົ່ງໝັ້ນຄົງຂະໜົງແກ່ນຕະຫຼອດກາລະນານ.
ດ້ວຍຄວາມນັບຖື ແລະ ຮັກແພງ ຖານສະຫາຍອ້າຍນ້ອງ.
ນະຄອນຫຼວງວຽງຈັນ, ວັນທີ 30 ສິງຫາ 2021
ທອງສະຫວັນ ພົມວິຫານ
ກຳມະການສູນກາງພັກ,
ຫົວໜ້າຄະນະພົວພັນຕ່າງປະເທດສູນກາງພັກ
15/05/2022 15:52:33
07/07/2023 09:34:39
27/03/2023 14:14:59
11/04/2023 15:35:02
03/02/2023 11:05:16
12/11/2022 07:31:47
15/05/2022 15:50:50
15/05/2022 09:49:40
15/05/2022 15:49:53
15/05/2022 15:47:56
15/05/2022 16:59:46
14/05/2022 20:32:50
15/05/2022 15:48:31
15/05/2022 15:35:03
29/07/2022 14:58:20
12/05/2021 16:35:59
15/05/2022 10:24:39
12/05/2021 16:28:03