ຄວາມເປັນມາ ຄະນະພົວພັນຕ່າງປະເທດສູນກາງພັກ
ເຜີຍແຜ່ໂດຍ: admin ເວລາ: 31/03/2022 09:19:59 ຈຳນວນຢ້ຽມຊົມ 822 ຄັ້ງ ຄະນະພົວພັນຕ່າງປະເທດສູນກາງ ພັກປະຊາຊົນ ປະຕິວັດລາວ
COMITE DES RELATIONS EXTERIEURES DU COMITE CENTRAL DU PARTI
ວັນສ້າງຕັັ້ງຄະນະພົວພັນຕ່າງປະເທດສູນກາງພັກ
ຄະນະພົວພັນຕ່າງປະເທດຂອງສູນກາງພັກ ປະຊາຊົນປະຕິວັດລາວ ໄດ້ ສ້າງຕັັ້ງຂຶ້ນຢ່າງເປັນທາງການໃນປີ 1983 ຕາມກົດລະບຽບຂອງຄະນະພົວພັນ ຕ່າງປະເທດຂອງສູນກາງພັກ ທີີ່ຖືກຮັບຮອງໂດຍມະຕິຂອງກົມການເມືອງສູນກາງພັກ ໃນວັນທີ 29/06/1983.
I. ໄລຍະປີ 1983-1994
ສະຫາຍ ພູນ ສີປະເສີດ, ກໍາມະການກົມການເມືອງສູນກາງພັກ, ໄດ້ຖືກແຕ່ງຕັ້ງເປັນຫົວຫນ້າຄະນະພົວພັນຕ່າງປະເທດສູນກາງພັກ ທັງເປັນລັດຖະມົນຕີກະຊວງການຕ່າງປະເທດ, ໂຄງປະກອບການຈັດຕັ້ງຂອງຄະນະພົວພັນຕ່າງປະເທດສູນກາງພັກ ປະກອບມີ 3 ກົມ ຄື: ຫ້ອງການ, ກົມຄົ້ນຄວ້າ-ສັງລວມການພົວພັນລະຫວ່າງພັກກັບພັກ ແລະ ກົມຊີ້ນໍາການເຄື່ອນໄຫວສາກົນຂອງອົງການຈັດຕັ້ງມະຫາຊົນ.
ໃນປີ 1989 ໄດ້ມີການປັບປຸງກົງຈັກ ຄະນະພົວພັນຕ່າງປະເທດສູນກາງພັກ ເພື່ອໃຫ້ມີຄວາມສອດຄ່ອງກັບສະພາບການຕົວຈິງໃນໄລຍະນັ້ນ, ຈຶ່ງຫຼຸດລົງຍັງເຫຼືອພຽງກົມດຽວ ທີ່ຮັບຜິດຊອບທັງການເມືອງສູນກາງພັກ ແລະ ຄະນະເລຂາທິການສູນກາງພັກ ໃນການຄົ້ນຄວ້າ ການພົວພັນດ້ານພັກ ແລະ ອົງການຈັດຕັ້ງມະຫາຊົນ.
II. ໄລຍະປີ 1994-2006
ສະຫາຍ ສົມສະຫວາດ ເລັ່ງສະຫວັດ, ກໍາມະການສູນກາງພັກ ໄດ້ຖືກແຕ່ງຕັ້ງເປັນ ຫົວຫນ້າຄະນະພົວພັນຕ່າງປະເທດສູນກາງພັກ ທັງເປັນລັດຖະຕີກະຊວງ ການຕ່າງປະເທດ ໃນເດືອນ 12 ປີ 1994, ເຊິ່ງໄດ້ມີການປັບປຸງກົງຈັກ ໂດຍ ໂຮມເອົາ 3 ພາກສ່ວນເຂົ້າກັນ ຄື: ຄະນະພົວຕ່າງປະເທດຂອງສູນກາງພັກ, ຄະນະກໍາມະການເພື່ອສັນຕິພາບຂອງລາວ ແລະ ຄະນະຄົ້ນຄວ້າວິໄຈການເມືອງ, ຊຶ່ງໄລຍະນີ້ ກົງຈັກການຈັດຕັ້ງມີ 4 ກົມ ຄື: ຫ້ອງການ, ກົມຄົ້ນຄວ້າ-ສັງລວມ, ກົມພົວພັນພັກ ແລະ ກົມພົວພັນສາກົນຂອງອົງການຈັດຕັ້ງມະຫາຊົນ, ໃນເດືອນ 11 ປີ 2002 ຄະນະພົວພັນຕ່າງປະເທດສູນກາງພັກ ໄດ້ເພີ່ມອີກ 1 ກົມຄື: ກົມພົວພັນ ຄົນເຊື້ອຊາດລາວ ຢູ່ຕ່າງປະເທດ ລວມເປັນ 5 ກົມ.
III. ໄລຍະປີ 2006-2015
ສະຫາຍ ປອ. ທອງລຸນ ສີສຸລິດ, ກໍາມະການກົມການເມືອງສູນກາງພັກ ໄດ້ຖືກແຕ່ງຕັ້ງເປັນຫົວຫນ້າຄະນະພົວພັນຕ່າງປະເທດຂອງສູນກາງພັກ, ທັງເປັນລັດຖະມົນຕີກະຊວງການຕ່າງປະເທດ. ໃນເດືອນ 7 ປີ 2008, ໄດ້ມີການປັບປຸງ ກົງຈັກ ຈາກ 5 ກົມ ມາເປັນ 3 ກົມ ຄື: ຫ້ອງການ, ກົມພົວພັນພັກ ແລະ ກົມພົວພັນສາກົນຂອງອົງການຈັດຕັ້ງມະຫາຊົນ ຈົນຮອດປີ 2015.
IV. ໄລຍະປີ 2015-2021
ອີງຕາມມະຕິຕົກລົງ ຂອງຄະນະເລຂາທິການສູນກາງພັກວ່າດ້ວຍການ ແຍກອົງຄະນະພັກກະຊວງການຕ່າງປະເທດ ແລະ ອົງຄະນະພັກຄະນະພົວພັນຕ່າງປະເທດສູນກາງພັກ ໃນວັນທີ 4/5/2015; ສະຫາຍ ປອ. ນາງ ສູນທອນ ໄຊຍະຈັກ ກໍາມະການສູນກາງພັກ ໄດ້ຖືກແຕ່ງຕັ້ງເປັນຫົວຫນ້າຄະນະພົວພັນ ຕ່າງປະເທດສູນກາງພັກ, ໂຄງປະກອບການຈັດຕັ້ງປະກອບ ມີ 6 ກົມ ຄື: ຫ້ອງການ, ກົມຈັດຕັ້ງ-ພະນັກງານ, ກົມຄົ້ນຄວ້າ-ສັງລວມ, ກົມອາຊີ-ປາຊີຟິກ ແລະ ອາຟຣິກກາ, ກົມເອີຣົບ-ອາເມຣິກາ ແລະ ກົມພົວພັນສາກົນຂອງອົງການຈັດຕັ້ງມະຫາຊົນ.
V. ໄລຍະປີ 2021 ເຖິງປະຈຸບັນ
ສະຫາຍ ທອງສະຫວັນ ພົມວິຫານ ກໍາມະການສູນກາງພັກ ໄດ້ຖືກແຕ່ງຕັ້ງເປັນຫົວຫນ້າຄະນະພົວພັນຕ່າງປະເທດສູນກາງພັກ ແຕ່ວັນທີ 24/3/2021. ໂຄງປະກອບການຈັດຕັ້ງຂອງ ຄະນະພົວພັນຕ່າງປະເທດສູນກາງພັກ. ປະກອບມີ 6 ກົມ ຄື: ຫ້ອງການ, ກົມຈັດຕັ້ງ-ພະນັກງານ, ກົມຄົ້ນຄວ້າ-ສັງລວມ, ກົມອາຊີ-ປາຊີຟິກ ແລະ ອາຟຣິກກາ, ກົມເອີຣົບ-ອາເມຣິກາ ແລະ ກົມພົວພັນສາກົນຂອງອົງການຈັດຕັ້ງມະຫາຊົນ.
ອ່ານເພີ່ມຕື່ມ ໄດ້ທີ່: ແຜ່ນພັບ ຄຕພ ພາສາລາວ