ທີີ່ຕັັ້ງ ແລະ ພາລະບົດບາດ

ທີີ່ຕັັ້ງ ແລະ ພາລະບົດບາດ

ຄະນະພົວພັນຕ່າງປະເທດສູນກາງພັກ ຂຽນຫຍໍ້ ວ່າ "ຄຕພ" ເປັນອົງການຈັດຕັ້ງໜຶ່ງຂອງພັກຂຶ້ນກັບຄະນະບໍລິຫານງານສູນກາງພັກ, ມີຖານະທຽບເທົ່າຄະນະຂອງພັກຂັ້ນສູນກາງ; ມີພາລະບົດບາດເປັນເສນາທິການໂດຍກົງ ໃຫ້ຄະນະບໍລິຫານງານສູນກາງພັກ, ກົມການເມືອງສູນກາງພັກ ແລະ ຄະນະເລຂາທິການສູນກາງພັກ ໃນການຄົ້ນຄວ້າແຜນຍຸດທະສາດ, ແນວທາງນະໂຍບາຍການພົວພັນຕ່າງປະເທດຂອງພັກ; ຕາງໜ້າສູນກາງພັກ ໃນການພົວພັນ-ຮ່ວມມືກັບພັກການເມືອງຂອງຕ່າງປະເທດ ໃນຂອບເຂດສອງຝ່າຍ ແລະ ຫຼາຍຝ່າຍ ຕາມການມອບໝາຍ ຂອງກົມການເມືອງສູນກາງພັກ ແລະ ຄະນະເລຂາທິການສູນກາງພັກ ພ້ອມທັງເປັນເຈົ້າການຊີ້ນຳ, ຄຸ້ມຄອງການເຄື່ອນໄຫວວຽກງານພົວພັນຕ່າງປະເທດ ຂອງອົງການຈັດຕັ້ງພັກ ແລະ ການທູດປະຊາຊົນ ໃຫ້ມີຄວາມເປັນເອກະພາບ ໂດຍຜ່ານປະຕູດຽວ. 

ວິໄສທັດຮອດປີ 2030

- ສືບຕໍ່ຢຶດຫມັ້ນແນວທາງຕ່າງປະເທດ ສັນຕິພາບ, ເອກະລາດ, ມິດຕະພາບ, ການຮ່ວມມືເພື່ອການພັດທະນາ ແລະ ຖືການທູດປ້ອງກັນເຫດເປັນທິດສໍາຄັນ.

- ເປີດກວ້າງ ແລະ ເສີມຂະຫຍາຍການພົວພັນມິດຕະພາບ, ຄວາມສາມັກຄີ ແລະ ການຮ່ວມມືກັບບັນດາພັກກອມມຸນິດ, ກໍາມະກອນ, ພັກການເມືອງ ແລະ ຂະບວນການກ້າວຫນ້າຕ່າງໆ, ພັກກໍາອໍານາດໃນປະເທດຕ່າງໆຂອງໂລກ ເພື່ອຈຸດປະສົງຊກຍູ້ການພົວພັນດ້ານພັກ, ລັດ ແລະ ການທູດປະຊາຊົນ ລະຫວ່າງ ສປປ ລາວ ກັບຕ່າງປະເທດ.