ຄະນະບໍລິຫານງານສູນກາງພັກກອມມູນິດກູບາ ຂໍສົ່ງຄຳອວຍພອນກອງປະຊຸມໃຫຍ່ ຄັ້ງທີ XI ຂອງ ພັກປະຊາຊົນປະຕິວັດລາວ ຈົ່ງປະສົບຜົນສຳເລັດ ອັນຈົບງາມ. ພວກຂ້າພະເຈົ້າເຊື່ອໝັ້ນວ່າ ມະຕິກອງປະຊຸມໃຫຍ່ຄັ້ງນີ້ຈະປະກອບສ່ວນເຂົ້າໃນການກໍ່ສ້າງສັງຄົມນິຍົມໃຫ້ມີຄວາມເຂັ້ມແຂງ. ພວກຂ້າພະ ເຈົ້າສະແດງຄວາມຊົມເຊີຍຕໍ່ບັນດາເປົ້າໝາຍທີ່ວາງອອກຮອດປີ 2030 ເຊິ່ງຈະເປັນການຊຸກຍູ້ການພັດທະນາເສດຖະກິດແຫ່ງຊາດ ເພື່ອຜົນປະໂຫຍດ ຂອງສັງຄົມລາວ.
   ພັກກອມມູນິດກູບາ ແລະ ພັກປະຊາຊົນປະຕິວັດລາວ ໄດ້ມີການພັດທະນາສາຍພົວພັນພິເສດຖານອ້າຍນ້ອງ, ມີຄວາມໄວ້ເນື້ອເຊື່ອໃຈ ແລະ ຄວາມສາ ມັກຄີຊຶ່ງກັນ ແລະ ກັນ, ຊຶ່ງຄວາມສາມັກຄີລະຫວ່າງປະຊາຊົນຂອງພວກເຮົານັ້ນແມ່ນຢູ່ໃນລະດັບສູງສຸດແລ້ວ.
   ພວກຂ້າພະເຈົ້າຂໍສະແດງຄວາມຂອບໃຈ ແລະ ຮູ້ບຸນຄຸນມາຍັງ ພັກປະຊາຊົນປະຕິວັດລາວ ທີ່ໃຫ້ການສະໜັບສະໜູນແກ່ກູບາ ໂດຍສະເພາະແມ່ນ ການຕໍ່ສູ້ຕ້ານນະໂຍບາຍປິດລ້ອມທາງດ້ານເສດຖະກິດ, ການຄ້າ ແລະ ການເງິນ ຂອງລັດຖະບານສະຫະລັດອາເມລິກາ ອັນໄດ້ສ້າງຜົນກະທົບຕໍ່ການພັດ ທະນາທາງດ້ານເສດຖະກິດ ແລະ ການເງິນ ຢ່າງຮ້າຍແຮງ, ສ້າງຄວາມເສຍຫາຍໃຫ້ແກ່ຄອບຄົວ, ເປັນອຸປະສັກຕົ້ນຕໍ ໃນການພັດທະນາປະເທດຊາດ ແລະ ເປັນການລະເມີດສິດທິມະນຸດຕໍ່ປະຊາຊົນກູບາ.
   ໃນຖານະຜູ້ສືບທອດທີ່ສັດຊື່ຕໍ່ຄຳສອນຂອງສະຫາຍ Fidel Castro Ruz ຜູ້ນຳປະຕິວັດ ແລະ ຜູ້ບັນຊາການສູງສຸດກູບາ, ພວກຂ້າພະເຈົ້າຈະສືບຕໍ່ ເສີມຂະຫຍາຍສາຍພົວພັນອັນໃກ້ຊິດທີ່ເປັນພື້ນຖານແຫ່ງຄວາມສາມັກຄີຂອງພວກເຮົາໃຫ້ແໜ້ນແຟ້ນຍິ່ງຂື້ນ.

                                ຄະນະບໍລິຫານງານສູນກາງພັກກອມມູນິດກູບາ                             

                                    ຮາວານາ, ວັນທີ 14 ມັງກອນ 2021