ຫົວໜ້າຄະນະພົວພັນຕ່າງປະເທດສູນກາງພັກ ປປ ລາວ ສົ່ງໂທລະເລກອວຍພອນເຖິງ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນ
ເຜີຍແຜ່ໂດຍ: admin ເວລາ: 12/11/2022 07:31:47 ຈຳນວນຢ້ຽມຊົມ 549 ຄັ້ງ ສຳເນົາເຖິງ: ສະຫາຍ ຫຼິວ ຈ້ຽນຊາວ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດ ສູນກາງພັກກອມມູນິດຈີນ
ທີ່ ນະຄອນຫລວງປັກກິ່ງ
ສະຫາຍ ຫຼິວ ຈ້ຽນຊາວ ທີ່ຮັກແພງ,
ຂ້າພະເຈົ້າ ຂໍສະແດງຄວາມຊົມເຊີຍຢ່າງສຸດອົກສຸດໃຈ ຕໍ່ ຜົນສຳເລັດ ຂອງ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XX ຂອງ ພັກກອມມູນິດຈີນ ທີ່ຫາກໍ່ອັດລົງດ້ວຍຜົນສໍາເລັດຢ່າງຈົບງາມ.
ເນື່ອງໃນໂອກາດອັນສະຫງ່າລາສີນີ້ ຂ້າພະເຈົ້າ ຂໍສະແດງຄວາມຊົມເຊີຍຢ່າງສຸດໃຈ ຕໍ່ ສະຫາຍ ຫຼິວ ຈ້ຽນຊາວ ທີ່ໄດ້ຮັບເລືອກຕັ້ງເປັນ ກໍາມະການສູນກາງພັກກອມມູນິດຈີນ ໃນກອງປະຊຸມໃຫຍ່ຄັ້ງນີ້, ເຊິ່ງເປັນການສະແດງເຖິງຄວາມໄວ້ວາງໃຈ ຂອງ ຄະນະກຳມະການສູນກາງພັກກອມມູນິດຈີນ ກໍຄື ສະມາຊິກພັກ ຕໍ່ ການປະກອບສ່ວນອັນໃຫຍ່ຫຼວງ ແລະ ບົດຮຽນໃນການເຄື່ອນໄຫວຕ່າງປະເທດອັນອຸດົມສົມບູນ ຂອງສະຫາຍ.
ພວກຂ້າພະເຈົ້າ ໄດ້ຕິດຕາມຢ່າງໃກ້ຊິດ ການດຳເນີນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XX ຂອງ ພັກກອມມູນິດຈີນ, ເຊິ່ງເປັນຂີດໝາຍທີ່ສໍາຄັນທາງປະຫວັດສາດການເມືອງຂອງຈີນ ພ້ອມທັງເປັນເຫດການການເມືອງທີ່ມີຄວາມໝາຍສຳຄັນຍິ່ງ ໃນຊີວິດການເມືອງ ຂອງ ພັກກອມມູນິດຈີນ ແລະ ປະຊາຊົນຈີນອ້າຍນ້ອງ ໃນທ່າມກາງບັນຍາກາດທີ່ທົ່ວພັກ ແລະ ປະຊາຊົນຈີນບັນດາເຜົ່າ ພວມກ້າວເຂົ້າສູ່ໄລຍະໃໝ່ ແຫ່ງ ການກໍ່ສ້າງສັງຄົມນິຍົມທີ່ທັນສະໄໝຮອບດ້ານ ແລະ ພວມສຸມກຳລັງໃສ່ການບັນລຸເປົ້າໝາຍສູ້ຊົນ 100 ປີເຫດການທີສອງ ກໍຄື ການສູ້ຊົນບັນລຸຄວາມມຸ້ງຫວັງໃນການຟື້ນຟູຄວາມຈະເລີນສີວິໄລຂອງປະຊາຊາດຈີນ.
ຂ້າພະເຈົ້າ ຍິນດີຮ່ວມກັບ ສະຫາຍ ສືບຕໍ່ເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ກໍຄື ລະຫວ່າງ ສອງ ຄະນະພົວພັນຕ່າງປະເທດສຸນກາງພັກ ລາວ-ຈີນ ພວກເຮົາ ໃນເງື່ອນໄຂສະພາບການໃໝ່ ໃຫ້ເຂົ້າສູ່ລວງເລິກຢ່າງບໍ່ຢຸດຢັ້ງ.
ຂໍອວຍພອນໃຫ້ ສະຫາຍ, ຄະນະນຳ ແລະ ພະນັກງານຄະນະພົວພັນຕ່າງປະເທດສູນກາງພັກກອມມູນິດຈີນ ຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດອັນໃໝ່ໃຫຍ່ຫຼວງກວ່າເກົ່າ ໃນໜ້າທີ່ອັນມີກຽດຂອງຕົນ.
ຂໍອວຍພອນໃຫ້ສາຍພົວພັນມິດຕະພາບອັນເປັນມູນເຊື້ອ, ການຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ແລະ ການເປັນຄູ່ຮ່ວມຊະຕາກໍາ ລາວ-ຈີນ ຈົ່ງໝັ້ນຄົງຂະໜົງແກ່ນ ແລະ ສືບຕໍ່ໄດ້ຮັບການເສີມຂະຫຍາຍໃຫ້ແຕກດອກອອກຜົນຍິ່ງໆຂຶ້ນ.
ດ້ວຍຄວາມນັບຖືຖານສະຫາຍ,
ນະຄອນຫຼວງວຽງຈັນ, ວັນທີ 22 ຕຸລາ 2022
ທອງສະຫວັນ ພົມວິຫານ
ກໍາມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ
15/05/2022 15:52:33
07/07/2023 09:34:39
27/03/2023 14:14:59
11/04/2023 15:35:02
03/02/2023 11:05:16
12/11/2022 07:31:47
15/05/2022 15:50:50
15/05/2022 09:49:40
15/05/2022 15:49:53
15/05/2022 15:47:56
15/05/2022 16:59:46
14/05/2022 20:32:50
15/05/2022 15:48:31
15/05/2022 15:35:03
29/07/2022 14:58:20
12/05/2021 16:35:59
15/05/2022 10:24:39
12/05/2021 16:28:03