ກອງ​ປະ​ຊຸມຮ່ວມ​ມືຜ່ານ​ລະ​ບົບ​ກອງ​ປະ​ຊຸມ​ທາງ​ໄກ ລາວ-ຫວຽດ​ນາມ

ເຜີຍ​ແຜ່​ໂດຍ​: admin ເວ​ລາ: 11/03/2022 10:58:17 ຈຳ​ນວນ​​ຢ້ຽມ​ຊົມ 1258 ຄັ້ງ ​

ໂດຍ​ປະ​ຕິ​ບັດ​ຕາມ​ແຜນ​ການຈັດ​ກອງ​ປະ​ຊຸມ​ທາງ​ໄກ​ຮ່ວມ​ກັບ​ບັນ​ດາ​ອົງ​ການ​ໄອ​ຍະ​ການ​ປະ​ຊາ​ຊົນ​ສາ​ກົນ ຈຶ່ງ​ໄ​ດ້​ຈັດ​ກອງ​ປະ​ຊຸມຮ່ວມ​ມືຜ່ານ​ລະ​ບົບ​ກອງ​ປະ​ຊຸມ​ທາງ​ໄກ ລະ​ຫວ່າງ ກົມ​ແຜນ​ການ ແລະ ຮ່ວມ​ກັບ​ຕ່າງ​ປະ​ເທດ ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ແຫ່ງ ສ​ປ​ປ​ ລາວ ແລະ ກົມ​ພົວ​ພັນ​ຕ່າງ​ປະ​ເທດ ແລະ ຮ່ວມ​ມື​ທາງ​ອາ​ຍາ ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ແຫ່ງ ສ​ສ ຫວຽດ​ນາມ​ ຂຶ້ນ​ໃນ​​ວັນ​ທີ 6 ສິງ​ຫານີ້ ​ທີ່​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ໂດຍ​ການເຂົ້າຮ່ວມ​ຂອງ ທ່ານ ຄຳ​ເພັ​ດ ສົມ​ວໍ​ລະ​ຈິດ ຫົວໜ້າກົມ​ແຜນ​ການ ແລະ ຮ່ວມ​ມືກັບ​ຕ່າງ​ປະ​ເທດ  ແລະ ທ່ານ ນາງ ວູ​ທີ​ຮາຍ​ອຽນ ຫົວ​ໜ້າ​ກົມພົວ​ພັນ​ຕ່າງ​ປະ​ເທດ ແລະ ຮ່ວມ​ມື​ທາງ​ອາ​ຍາ ພ້ອມ​ດ້ວຍ​ຄະ​ນະທັງສອງຝ່າຍ.

​ກອງປະ​ຊຸມພົບ​​ສອງ​ຝ່າຍ​ໃນ​ຄັ້ງ​ນີ້ ແມ່ນມີ​ຈຸດ​ປະ​ສົງເພື່ອເປັນການ​ປຶກ​ສາ​ຫາ​ລືແລກ​ປ່ຽນ​ບົດ​ຮຽນ ແລະ ແຜນ​ການ​ວຽກ​ງານ​ຂອງກອງ​ປະ​ຊຸມໄອ​ຍະ​ການ​ ຈີນ​-ອາ​ຊຽນ, ການ​ຢ້ຽມ​ຢາມ​ແລກ​ປ່ຽນ​ບົດ​ຮຽນ, ຖອດ​ຖອນ​ບົດ​ຮຽ​ນຄະ​ນະ​ຜູ້​ແທນກ່ຽວ​ກັບ​ວາ​ລະ​ສານໄອ​ຍະ​ການ​ປະ​ຊາ​ຊົນ, ການ​ຈັດ​ຝຶກ​ອົບ​ຮົມ, ການ​ປຶກ​ສາ​ຫາ​ລື​ການ​ຢ້ຽມ​ຢາມ​ຂອງ​ຄະ​ນະ​ຜູ້​ແທນ​ຂັ້ນ​ສູງ​ໃນ​ທ້າຍ​ປີ 2021, ການ​ຢ້ຽມ​ຢາມ​ຖາມ​ຂ່າວຊຶ່ງ​ກັນ ແລະ ກັນ​ໃນ​ການ​ປະ​ສານ​ງານ​ໃນ​ຂົງ​ເຂດ​ວຽກ​ງານ ແລະ ປະ​ເທດ​ຮ່ວ​ມ​ຍຸດ​ທະ​ສາດ, ການ​ປຶກ​ສາ​ຫາ​ລືການ​ຈັດ​ຕັ້ງ​ປະ​ຕິ​ບັດ​ການ​ຮ່ວມ​ມື​ຕາມ​ບົດ​ບັນ​ທຶກ​ຊ່ວຍ​ຈຳ ລ​ະ​ຫວ່າງອົງ​ການ​ໄອ​ຍະ​ການ​ປະ​ຊາ​ຊົນສູງ​ສຸດ ແຫ່ງ ສ​ປ​ປ ລາວ ແລະ ອົງ​ການ​ໄອ​ຍະ​ການ​ປະ​ຊາ​ຊົນສູງ​ສຸດ ແຫ່ງ ສ​ສ ຫວຽດ​ນາມ ໃຫ້​ໄດ້​ຮັບ​ຜົນ​ສຳ​ເລັດ​ຕາມ​ຄາດ​ໝາຍ​ທີ່​ວາງ​ໄວ້.(ຂ່າວ-ພາບ: ແສງພະຈັນ)

---