ກອງປະຊຸມໃຫຍ່ ຄັ້ງທີ II ຂອງ ໜ່ວຍແມ່ຍິງ ກົມ ຄົ້ນຄວ້າ ແລະ ພົວພັນຫຼາຍຝ່າຍ ແລະ ກົມອາຊີ-ປາຊີຟິກ ແລະ ອາຟຣິກາ, ຄະນະພົວພັນຕ່າງປະເທດສູນກາງພັກ.
ເຜີຍແຜ່ໂດຍ: moderator ເວລາ: 24/06/2024 12:15:44 ຈຳນວນຢ້ຽມຊົມ 195 ຄັ້ງ ເພື່ອເປັນການກະກຽມໃຫ້ແກ່ການດໍາເນີນ ກອງປະຊຸມໃຫຍ່ ຄັ້ງທີ II ຂອງ ຄະນະບໍລິຫານງານສະຫະພັນແມ່ຍິງ ຄະນະພົວພັນຕ່າງປະເທດສູນກາງພັກ (ຄຕພ), ໃນຕອນບ່າຍຂອງ ວັນທີ 18 ມິຖຸນາ 2024, ໜ່ວຍແມ່ຍິງກົມ ຄົ້ນຄວ້າ ແລະ ພົວພັນຫຼາຍຝ່າຍ (ຄຄພ) ແລະ ກົມອາຊີ-ປາຊີຟິກ ແລະ ອາຟຣິກາ (ອປອ) ໄດ້ດໍາເນີນກອງປະຊຸມໃຫຍ່ສະມາຊິກແມ່ຍິງ ຄັ້ງທີ II ຂຶ້ນ ທີ່ສໍານັກງານ ຄຕພ ພາຍໃຕ້ການເປັນປະທານຂອງ ສະຫາຍ ປອ ສະເຫຼີມໄຊ ທະທົງສັກ, ຄະນະພັກ ຄຕພ, ເລຂາໜ່ວຍພັກກົມ ອປອ ແລະ ສະຫາຍ ນ. ສີລິພອນ ຄູຫາເທບ, ຄະນະພັກ ຄຕພ, ປະທານສະຫະພັນແມຍິງ ຄຕພ, ໂດຍມີຕາງໜ້າໜ່ວຍພັກກົມ ຄຄພ, ຕາງໜ້າບັນດາໜ່ວຍແມ່ຍິງອ້ອມຂ້າງພາຍໃນ ຄຕພ, ຕາງໜ້າໜ່ວຍຊາວໜຸ່ມ ແລະ ກໍາມະບານຂອງກົມ ຄຄພ-ອປອ ແລະ ສະມາຊິກແມ່ຍິງກົມ ຄຄພ-ອປອ ເຂົ້າຮ່ວມຢ່າງພ້ອມພຽງ.
ກອງປະຊຸມໄດ້ຜ່ານ ບົດລາຍງານການເມືອງ ແລະ ບົດສໍາຫຼວດການນໍາພາ ຂອງ ຄະນະໜ່ວຍແມ່ຍິງກົມ ຄຄພ-ອປອ ສະໄໝທີ I, ເຊິ່ງໄດ້ຕີລາຄາຜົນສຳເລັດ, ຈຸດດີ-ຈຸດຄົງຄ້າງ, ຂໍ້ສະດວກ-ຂໍ້ຫຍຸ້ງຍາກ ໃນການນຳພາ-ຊີ້ນຳວຽກງານແມ່ຍິງຂອງກົມ ຄຄພ-ອປອ ໃນໄລຍະ 5 ປີຜ່ານມາ ແລະ ທິດທາງຈຸດສຸມໃນໄລຍະ 5 ປີຕໍ່ໜ້າ. ຜົນງານຂອງໜ່ວຍແມ່ຍິງ ກົມ ຄຄພ-ອປອ ແມ່ນຕິດພັນຢ່າງສະໜິດແໜ້ນກັບຜົນງານຂອງໜ່ວຍພັກ, ຂອງກົມ ຄຄພ-ອປອ, ຖືເປັນກໍາລັງຫຼັກຂອງໜ່ວຍພັກກົມ ກໍ່ຄື ກົມ ຄຄພ-ອປອ ໃນການເປັນເສນາທິການໃຫ້ ຄະນະພັກ-ຄະນະນໍາ ຄຕພ ຊຸກຍູ້, ອໍານວຍຄວາມສະດວກ ແລະ ຈັດຕັ້ງປະຕິບັດ ບັນດາແຜນການຮ່ວມມື ລະຫວ່າງ ພັກເຮົາ ກັບພັກການເມືອງຕ່າງປະເທດ ໃນຂົງເຂດທີ່ກົມຮັບຜິດຊອບ; ພ້ອມກັນນັ້ນ ກໍ່ສາມາດຍາດໄດ້ນາມມະຍົດໜ່ວຍແມ່ຍິງ 3 ດີ ໄລຍະແຕ່ປີ 2019-2023, ເຊິ່ງຜົນງານເຫຼົ່ານີ້ ໄດ້ປະກອບສ່ວນອັນສໍາຄັນໃຫ້ແກ່ ສະຫະພັນແມ່ຍິງ ຄຕພ ໃນການຍາດໄດ້ທຸງໄຊ 3 ດີ ໃນຕໍໍ່ໜ້າ.
ກອງປະຊຸມໃຫຍ່ສະມາຊິກໜ່ວຍແມ່ຍິງ ກົມ ຄຄພ-ອປອ ຄັ້ງທີ II ໄດ້ປ່ອນບັດເລືອກຕັ້ງເອົາຄະນະໜ່ວຍຊຸດ ໃໝ່ເຊິ່ງປະກອບມີ ສະຫາຍ ນ. ສຳລອງ ທຳມະໂນລາດ, ເປັນຫົວໜ້າໜ່ວຍ; ສະຫາຍ ນ. ທິດາສະຫວັນ ພັນທະວົງ, ເປັນຮອງຫົວໜ້າໜ່ວຍ, ທັງເປັນປະທານກວດກາໜ່ວຍ ແລະ ສະຫາຍ ນ. ສຸລິພອນ ມັງໜໍ່ເມກ, ເປັນກໍາມະການ ໜ່ວຍແມ່ຍິງກົມ ຄຄພ-ອປອ.
ໃນກອງປະຊຸມ ສະຫາຍ ປອ ສະເຫຼີມໄຊ ທະທົງສັກ, ຄະນະພັກ ຄຕພ, ເລຂາໜ່ວຍພັກກົມ ອປອ ແລະ ສະຫາຍ ນ. ສິລິພອນ ຄູຫາເທບ, ຄະນະພັກ ຄຕພ, ປະທານສະຫະພັນແມ່ຍິງ ຄຕພ ໄດ້ໃຫ້ກຽດໂອ້ລົມຕໍ່ກອງປະຊຸມ, ໂດຍໄດ້ຊົມເຊີຍຜົນງານທີ່ຄະນະໜ່ວຍ ແລະ ສະມາຊິກແມ່ຍິງກົມ ຄຄພ-ອປອ ຍາດມາໄດ້ໃນສະໄໝຜ່ານມາ, ຮຽກຮ້ອງໃຫ້ຄະນະໜ່ວຍຊຸດໃໝ່ ສືບຕໍ່ນຳພາສະມາຊິກເສີມຂະຫຍາຍມູນເຊື້ອ, ຜົນສໍາເລັດດັ່ງກ່າວ ແລະ ເອົາໃຈໃສ່ແກ້ໄຂຂໍ້ຄົງຄ້າງ ໃຫ້ດີຂຶ້ນເທື່ອລະກ້າວ; ໄດ້ເນັ້ນໜັກໃຫ້ສືບຕໍ່ຍົກສູງດ້ານການເມືອງ-ແນວຄິດ ໃຫ້ໜັກແໜ້ນ, ເອົາໃຈໃສ່ຈັດຕັ້ງປະຕິບັດຂໍ້ແຂ່ງຂັນ 3 ດີ ຂອງສະຫະພັນແມ່ຍິງ ແລະ ຂໍ້ແຂ່ງຂັນຂອງກົມ ຄຄພ-ອປອ ຕາມຄາດໝາຍທີ່ວາງໄວ້
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20