ກອງປະຊຸມໃຫຍ່ ຄັ້ງທີ II ຂອງ ໜ່ວຍຊາວໜຸ່ມ ກົມອາຊີ-ປາຊີຟິກ ແລະ ອາຟຣິກາ
ເຜີຍແຜ່ໂດຍ: moderator ເວລາ: 14/06/2024 15:53:57 ຈຳນວນຢ້ຽມຊົມ 200 ຄັ້ງ ເພື່ອເປັນການກະກຽມໃຫ້ແກ່ການດໍາເນີນ ກອງປະຊຸມໃຫຍ່ ຄັ້ງທີ II ຂອງ ຄະນະບໍລິຫານງານຊາວໜຸ່ມ ຄະນະພົວພັນຕ່າງປະເທດສູນກາງພັກ (ຄຕພ), ໃນຕອນເຊົ້າຂອງ ວັນທີ 11 ມິຖຸນາ 2024, ໜ່ວຍຊາວໜຸ່ມກົມອາຊີ-ປາຊີຟິກ ແລະ ອາຟຣິກາ (ອປອ) ໄດ້ດໍາເນີນກອງປະຊຸມໃຫຍ່ສະມາຊິກຊາວໜຸ່ມ ຄັ້ງທີ II ຂຶ້ນ ທີ່ສໍານັກງານ ຄຕພ ພາຍໃຕ້ການເປັນປະທານຂອງ ສະຫາຍ ປອ ສະເຫຼີມໄຊ ທະທົງສັກ, ຄະນະພັກ ຄຕພ, ເລຂາໜ່ວຍພັກກົມ-ຫົວໜ້າກົມ ອປອ; ສະຫາຍ ວົງຄຳ ແສນສະທິດ, ວ່າການເລຂາຄະນະບໍລິຫານງານຊາວໝຸ່ມ ຄຕພ, ຮອງຫົວໜ້າກົມການທູດປະຊາຊົນ, ໂດຍມີຕາງໜ້າຄະນະໜ່ວຍຊາວໜຸ່ມຫ້ອງການ, ບັນດາກົມພາຍໃນ ຄຕພ ແລະ ສະມາຊິກຊາວໜຸ່ມກົມ ອປອ ເຂົ້າຮ່ວມຢ່າງພ້ອມພຽງ.
ກອງປະຊຸມໄດ້ຜ່ານ ບົດລາຍງານການເມືອງ ແລະ ບົດສໍາຫຼວດການນໍາພາ ຂອງ ຄະນະໜ່ວຍຊາວໜຸ່ມກົມ ສະໄໝທີ I, ເຊິ່ງໄດ້ຕີລາຄາຜົນສຳເລັດ, ຈຸດດີ-ຈຸດຄົງຄ້າງ, ຂໍ້ສະດວກ-ຂໍ້ຫຍຸ້ງຍາກ ໃນການນຳພາ-ຊີ້ນຳວຽກງານຊາວໜຸ່ມຂອງກົມ ໃນໄລຍະ 5 ປີຜ່ານມາ ແລະ ທິດທາງຈຸດສຸມໃນໄລຍະ 5 ປີຕໍ່ໜ້າ. ຜົນງານຂອງໜ່ວຍຊາວໜຸ່ມ ກົມ ອປອ ແມ່ນຕິດພັນຢ່າງສະໜິດແໜ້ນກັບຜົນງານຂອງໜ່ວຍພັກ, ຂອງກົມ ອປອ, ຖືເປັນກໍາລັງຫຼັກຂອງໜ່ວຍພັກກົມ ກໍ່ຄື ກົມ ອປອ ໃນການເປັນເສນາທິການໃຫ້ ຄະນະພັກ-ຄະນະນໍາ ຄຕພ ຊຸກຍູ້, ອໍານວຍຄວາມສະດວກ ແລະ ຈັດຕັ້ງປະຕິບັດ ບັນດາແຜນການຮ່ວມມື ລະຫວ່າງ ພັກເຮົາ ກັບພັກການເມືອງຕ່າງປະເທດ ໃນຂົງເຂດທີ່ກົມຮັບຜິດຊອບ; ພ້ອມກັນນັ້ນ ກໍ່ສາມາດຍາດໄດ້ນາມມະຍົດໜ່ວຍຊາວໜຸ່ມ 4 ບຸກ 3 ປີລຽນຕິດຄື: ປີ 2019, ປີ 2020 ແລະ ປີ 2021, ສໍາລັບປີ 2022 ແລະ 2023 ກໍໄດ້ປະເມີນ ແລະ ສົ່ງໃຫ້ ຄະນະບໍລິຫານງານຊາວໜຸ່ມ ຄຕພ ພິຈາລະນາແລ້ວ, ເຊິ່ງຜົນງານເຫຼົ່ານີ້ ໄດ້ປະກອບສ່ວນອັນສໍາຄັນໃຫ້ແກ່ ຄະນະບໍລິຫານງານຊາວໜຸ່ມ ຄຕພ ໃນການຍາດໄດ້ທຸງໄຊນໍາຂະບວນການຂໍ້ແຂ່ງຂັນ 4 ບຸກ ຊຶ່ງໄດ້ຈັດພິທີມອບ-ຮັບທຸງໄຊດັ່ງກ່າວໃນປີ 2023 ຜ່ານມາ.
ກອງປະຊຸມໃຫຍ່ສະມາຊິກຊາວໜຸ່ມ ກົມ ອປອ ຄັ້ງທີ II ໄດ້ປ່ອນບັດເລືອກຕັ້ງເອົາຄະນະໜ່ວຍຊຸດໃໝ່ ເຊິ່ງປະກອບມີ ສະຫາຍ ຄອນສະໄໝ ໄຊຍະຈັກ, ເປັນເລຂາໜ່ວຍ; ສະຫາຍ ເພັດອຸໄທ ເພຍໄຊ, ເປັນຮອງເລຂາ, ທັງເປັນປະທານກວດກາໜ່ວຍ ແລະ ສະຫາຍ ສົມໄພ ສຸພານີ, ເປັນກໍາມະການໜ່ວຍຊາວໜຸ່ມກົມ ອປອ.
ໃນກອງປະຊຸມ ສະຫາຍ ປອ ສະເຫຼີມໄຊ ທະທົງສັກ, ຄະນະພັກ ຄຕພ, ເລຂາໜ່ວຍພັກກົມ-ຫົວໜ້າກົມ ອປອ ແລະ ສະຫາຍ ວົງຄຳ ແສນສະທິດ, ວ່າການເລຂາຄະນະບໍລິຫານງານຊາວໜຸ່ມ ຄຕພ, ຮອງຫົວໜ້າກົມການທູດປະຊາຊົນ ໄດ້ໃຫ້ກຽດໂອ້ລົມຕໍ່ກອງປະຊຸມ, ໂດຍໄດ້ຊົມເຊີຍຜົນງານທີ່ຄະນະໜ່ວຍ ແລະ ສະມາຊິກຊາວໜຸ່ມກົມ ອປອ ຍາດມາໄດ້ໃນສະໄໝຜ່ານມາ, ຮຽກຮ້ອງໃຫ້ຄະນະໜ່ວຍຊຸດໃໝ່ ສືບຕໍ່ນຳພາສະມາຊິກເສີມຂະຫຍາຍມູນເຊື້ອ, ຜົນສໍາເລັດດັ່ງກ່າວ ແລະ ເອົາໃຈໃສ່ແກ້ໄຂຂໍ້ຄົງຄ້າງ ໃຫ້ດີຂຶ້ນເທື່ອລະກ້າວ; ໄດ້ເນັ້ນໜັກໃຫ້ສືບຕໍ່ຍົກສູງດ້ານການເມືອງ-ແນວຄິດ ໃຫ້ໜັກແໜ້ນ, ເອົາໃຈໃສ່ຈັດຕັ້ງປະຕິບັດຂໍ້ແຂ່ງຂັນ 04 ບຸກ ຂອງຊາວໜຸ່ມ ແລະ ຂໍ້ແຂ່ງຂັນຂອງກົມ ອປອ ຕາມຄາດໝາຍທີ່ວາງໄວ້.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20