ພິທີສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ.
ເຜີຍແຜ່ໂດຍ: moderator ເວລາ: 30/05/2024 13:44:34 ຈຳນວນຢ້ຽມຊົມ 237 ຄັ້ງ ໃນວັນທີ 31 ພຶດສະພາ 2024, ທີ່ ສໍານັກງານຄະນະພົວພັນຕ່າງປະເທດສູນກາງພັກ ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນ ວັນທີ 01 ມິຖຸນາ 2024 ແລະ ວັນປູກຕົ້ນໄມ້ແຫ່ງຊາດ ຄົບຮອບ 44 ປີ, ເຊິ່ງໃນພິທີດັ່ງກ່າວ ເປັນກຽດເຂົ້າຮ່ວມໂດຍ ສະຫາຍ ທອງສະຫວັນ ພົມວິຫານ, ກໍາມະການສູນກາງພັກ, ເລຂາຄະນະບໍລິຫານງານພັກຄະນະພົວພັນຕ່າງປະເທດສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ແລະ ສະຫາຍ ນາງ ສີຣິພອນ ຄູຫາເທບ, ປະທານສະຫະພັນແມ່ຍິງຄະນະພົວພັນຕ່າງປະເທດສູນກາງພັກ ພ້ອມດ້ວຍ ພັນລະຍາການນໍາ, ພໍ່ ແມ່, ຜູ້ປົກຄອງ, ລູກຫຼານຂອງພະນັກງານຄະນະພົວພັນຕ່າງປະເທດສູນກາງພັກ ເຂົ້າຮ່ວມຢ່າງພ້ອມພຽງ.
ຍ້ອນເຫັນໄດ້ຄວາມສໍາຄັນຂອງເດັກທີ່ເປັນໜໍ່ແໜງແຫ່ງຊີວິດໃນມື້ນີ້ ເພື່ອເປັນອານາຄົດອັນແຈ່ມໃສຂອງຊາດໃນມື້ໜ້າ ແລະ ຈະເປັນຜູ້ສືບທອດພະລະກິດຂອງພັກຂອງຊາດໃນອະນາຄົດ, ສະຫະພັນແມ່ຍິງຄະນະພົວພັນຕ່າງປະເທດສູນກາງພັກໄດ້ຮ່ວມກັບ ອົງການຈັດຕັ້ງຊາວໜຸ່ມ ແລະ ກໍາມະບານຂອງ ຄະນະພົວພັນຕ່າງປະເທດສູນກາງພັກ ຈັດກິດຈະກໍາດັ່ງກ່າວຂຶ້ນ ເພື່ອເປັນການສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ວັນທີ 01 ມິຖຸນາ ເພື່ອເປັນການສົ່ງເສີມທັກສະ ແລະ ປູກຈິດສຳນຶກ ໃຫ້ເດັກນ້ອຍດ້ວຍການຮຽນຮູ້ປະສົບການຈາກການເຮັດກິດຈະກໍາ, ເຊິ່ງກິດຈະກໍາດັ່ງກ່າວ ໄດ້ເປັນໂອກາດທີ່ດີໃຫ້ແກ່ເດັກນ້ອຍເຍົາວະຊົນ ແລະ ອານຸຊົນ ໄດ້ພົບປະແລກປ່ຽນສະແດງຄວາມຮູ້ຄວາມສາມາດຂອງຕົນ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20