“ຄະນະພົວພັນຕ່າງປະເທດສູນກາງພັກ ຈັດປາຖະກະຖາ ວັນສໍາຄັນຂອງພັກ, ຂອງຊາດ”
ເຜີຍແຜ່ໂດຍ: moderator ເວລາ: 20/05/2024 16:10:55 ຈຳນວນຢ້ຽມຊົມ 223 ຄັ້ງ ໃນວັນທີ 20 ພຶດສະພາ 2024, ຄະນະພົວພັນຕ່າງປະເທດສູນກາງພັກ ໄດ້ຈັດປາຖະກະຖາເຜີຍແຜ່ເອກະສານວັນກຳມະກອນສາກົນ ຄົບຮອບ 138 ປີ (01 ພຶດສະພາ 1886-01 ພຶດສະພາ 2024); ວັນໄຊຊະນະບັ້ນຮົບດຽນບຽນຟູ ຄົບຮອບ 70 ປີ (7.5.1954-7.5.2024); ວັນຜ່າວົງປິດລ້ອມຂອງກອງພັນທີ 2 ວິລະຊົນ ທີ່ທົ່ງໄຫຫີນຊຽງຂວາງ ຄົບຮອບ 65 ປີ (18.5.1959-18.5.2024) ແລະ ວິລະກຳໂຕນຄຸກຢ່າງມະຫັດສະຈັນຂອງບັນດາການນໍາຂອງພັກ ແລະ ແນວລາວຮັກຊາດ ຄົບຮອບ 64 ປີ (24.5.1960-24.5.2024), ໂດຍໃຫ້ກຽດເຜີຍແຜ່ ແລະ ເປັນປະທານຂອງ ສະຫາຍ ເກີລໍ່ ຢ່າງກໍ່, ກຳມະການຄະນະພັກ, ເລຂາໜ່ວຍພັກ, ຫົວໜ້າກົມຈັດຕັ້ງ-ພະນັກງານ, ມີບັນດາຄະນະພັກ, ຄະນະກົມ, ພະແນກ ແລະ ພະນັກງານທົ່ວຄະນະພົວພັນຕ່າງປະເທດສູນກາງພັກ ເຂົ້າຮ່ວມ ຈໍານວນ 130 ສະຫາຍ.
ໃນພິທີ ສະຫາຍ ເກີລໍ່ ຢ່າງກໍ່ ໄດ້ຍົກໃຫ້ເຫັນປະຫວັດຄວາມເປັນມາ ຂອງວັນກໍາມະກອນສາ ກົນ, ບັນດາອົງການຈັດຕັ້ງ, ສົນທິສັນຍາ, ຖະແຫຼງການ ແລະ ກອງປະຊຸມຕ່າງໆ ກ່ຽວກັບ ກໍາມະກອນ ແລະ ຊາວຜູ້ອອກແຮງງານໃນພາກພື້ນ, ສາກົນ ພ້ອມທັງຂະບວນການຕໍ່ສູ້, ຄວາມຮຽກຮ້ອງຕ້ອງການຂອງກຳມະກອນສາກົນ ລວມທັງກຳມະກອນລາວໃນຍຸກປັດຈຸບັນ (4.0), ການປະກອບສ່ວນໃນພາລະກິດປະຕິວັດຂອງກຳມະກອນລາວ ແລະ ການເສີມຂະຫຍາຍມູນເຊື້ອອັນດີງາມ ຂອງກຳມະກອນສາກົນ ໃນໄລຍະຜ່ານມາ.
ຈາກນັ້ນ ສະຫາຍ ປະທານ ໄດ້ຍົກໃຫ້ເຫັນເຖິງ ໄຊຊະນະອັນຍິ່ງໃຫຍ່ຂອງບັ້ນຮົບດຽນບຽນຟູ ທີ່ພິລະອາດຫານຂອງ ປະຊາຊົນຫວຽດນາມ ຕໍ່ສູ້ຕ້ານກັບພວກລ່າເມືອງຂຶ້ນແບບເກົ່າ, ແມ່ນໄຊຊະນະທີ່ສະຫວ່າງສະໄຫວທີ່ສຸດໃນປະຫວັດສາດການຕໍ່ສູ້ຂອງປະຊາຊົນ ຫວຽດນາມ ຕ້ານການຮຸກຮານຂອງຈັກກະພັດ ແລະ ໄດ້ຖືກບັນທຶກເຂົ້າໃນປະຫວັດສາດຂອງຊາດ ແລະ ຂອງໂລກຢູ່ໃນ ສະຕະວັດທີ XX. ໄຊຊະນະດຽນບຽນຟູ ແມ່ນໜຶ່ງໃນບັນດາປັດໄຈ ແລະ ໝາກຜົນຂອງ ຄວາມສາມັກຄີພິເສດ ແລະ ການຮ່ວມສຳພັນສູ້ຮົບ ລະຫວ່າງ ລາວ-ຫວຽດນາມ ໃນການຕ້ານສັດຕູຕົວດຽວກັນ, ການປະສານສົມທົບ ແລະ ຊ່ວຍໜູນເຊິ່ງກັນ ແລະ ກັນ, ມັນໄດ້ເຮັດໃຫ້ສັດຈະທຳມີຄວາມສະຫວ່າງສະໄຫວຂຶ້ນຢູ່ໃນຊາດເຄິ່ງສັກດີນາທີ່ເຄີຍເປັນຫົວເມືອງຂຶ້ນປະຊາກອນບໍ່ຫຼາຍ, ເສດຖະກິດຫຼ້າຫຼັງ, ກໍາລັງທະຫານ ແລະ ພາຫະນະ-ອາວຸດຍຸດໂທປະກອນມີໜ້ອຍ ແຕ່ດ້ວຍຄວາມສາມັກຄີຢ່າງແໜ້ນແຟ້ນພາຍໃນຊາດ, ການຊີ້ນຳ-ນຳພາຂອງພັກ ແລະ ປະທານໂຮ່ຈິມິນ ຜູ້ນຳທີ່ຍິ່ງໃຫຍ່, ປຸກລະດົມ ແລະ ໝູນໃຊ້ກຳລັງປະກອບອາວຸດປະຕິບັດໜ້າທີ່ປ້ອງກັນປະເທດທົ່ວປວງຊົນເພື່ອເຮັດສົງຄາມປະຊາຊົນ, ຕີເອົາໄຊຊະນະກັບສັດຕູຜູ້ຮຸກຮານ ທີ່ມີພື້ນຖານເສດຖະກິດ ແລະ ການທະຫານເຂັ້ມແຂງ ແລະ ທັນສະໄໝກວ່າຫຼາຍເທົ່າຈົນໄດ້ຮັບໄຊຊະນະ.
ໃນຕອນທ້າຍ, ສະຫາຍ ປະທານ ກໍ່ຫວນຄືນ ປະຫວັດສາດ ແລະ ມູນເຊື້ອການຜ່າວົງປິດລ້ອມຂອງ ກອງພັນທີ 2 ວິລະຊົນ ແລະ ການໂຕນຄຸກຢ່າງມະຫັດສະຈັນ ຂອງບັນດາຜູ້ນຳ ກໍ່ຍ້ອນມີພັກ ແລະ ພາຍໃຕ້ການນຳພາອັນສະຫຼາດສ່ອງໃສ ແລະ ປີຊາສາມາດຂອງພັກໂດຍມີ ປະທານ ໄກສອນ ພົມວິຫານ ເປັນເລຂາທິການໃຫຍ່, ມີຄວາມສາມັກຄີເປັນຈິດໜຶ່ງໃຈດຽວຂອງປະຊາຊົນລາວບັນດາເຜົ່າ, ມີນໍ້າໃຈຮັກ ຊາດ ອັນແຮງກ້າຂອງບັນດາຜູ້ນໍາ, ມີຄວາມຕັດສິນໃຈ ຕໍ່ສູ້ຍອມເສຍສະຫຼະເພື່ອຊາດ, ມີຄວາມປີຊາສາມາດຂົນຂວາຍ ກໍ່ສ້າງ ຮາກຖານການເມືອງ, ມີການຈັດຕັ້ງນຳພາ ບັນຊາທີ່ໜັກແໜ້ນ, ເດັດດຽວ, ເສີມຂະຫຍາຍຫົວຄິດປະດິດສ້າງຂອງໝົດທຸກຄົນ, ກຳແໜ້ນກາລະໂອກາດອັນ ເໝາະສົມ, ຈຶ່ງເຮັດໃຫ້ພະນັກງານ, ສະມາຊິກພັກ ແລະ ນັກຮົບກອງພັນທີ 2 ແລະ ບັນດາທ່ານຜູ້ນໍາສາມາດໂຕນອອກຈາກຄຸກໄປສູ່ເຂດປະຕິວັດໄດ້ຢ່າງປອດໄພ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20