ໜ່ວຍຊາວໜຸ່ມກົມຄົ້ນຄວ້າ ແລະ ພົວພັນຫຼາຍຝ່າຍ ຈັດກອງປະຊຸມໃຫຍ່ຄັ້ງທີ II
ເຜີຍແຜ່ໂດຍ: moderator ເວລາ: 02/05/2024 10:16:43 ຈຳນວນຢ້ຽມຊົມ 243 ຄັ້ງ ເພື່ອເປັນການກະກຽມ ໃຫ້ແກ່ກອງປະຊຸມໃຫຍ່ ຄັ້ງທີ II ຂອງຄະນະບໍລິຫານງານຊາວໜຸ່ມ ຄະນະພົວພັນຕ່າງປະເທດສູນກາງພັກ (ຄຕພ), ໃນຕອນເຊົ້າຂອງ ວັນທີ 30 ເມສາ 2024, ໜ່ວຍຊາວໜຸ່ມກົມຄົ້ນຄວ້າ ແລະ ພົວພັນຫຼາຍຝ່າຍ (ຄຄພ) ໄດ້ດໍາເນີນກອງປະຊຸມໃຫຍ່ສະມາຊິກຊາວໜຸ່ມ ກົມ ຄຄພ ຄັ້ງທີ II ຂຶ້ນ ທີ່ສໍານັກງານ ຄະນະພົວພັນຕ່າງປະເທດສູນກາງພັກ ພາຍໃຕ້ການເປັນຄະນະປະທານຂອງ ສະຫາຍ ວັງຮື ເນັງມົງວ່າງ, ຮັກສາການເລຂາໜ່ວຍພັກກົມ ຄຄພ, ສະຫາຍ ວົງຄຳ ແສນສະທິດ, ຮອງເລຂາ ຄະນະບໍລິຫານງານຊາວໝຸ່ມ ຄຕພ ໂດຍມີຕາງໜ້າຄະນະໜ່ວຍຊາວໜຸ່ມພາຍໃນ ຄຕພ ແລະ ສະມາກຊິກຊາວໜຸ່ມກົມ ຄຄພ ເຂົ້າຮ່ວມຢ່າງພ້ອມພຽງ.
ກອງປະຊຸມໄດ້ຜ່ານ ບົດລາຍງານການເມືອງ, ແຜນການເຄື່ອນໄຫວໃນຕໍ່ໜ້າ ແລະ ຜ່ານບົດສຳຫຼວດນໍາພາຂອງ ຄະນະໜ່ວຍຊາວໜຸ່ມກົມຊຸດເກົ່າ ເຊິ່ງໄດ້ຕີລາຄາຜົນສຳເລັດ, ລວມທັງຈຸດດີ, ຈຸດອ່ອນ, ຂໍ້ສະດວກຂໍ້ຫຍຸ້ງຍາກ ໃນການນຳພາ-ຊີ້ນຳວຽກງານຊາວໜຸ່ມຂອງກົມ ຄຄພ ໃນໄລຍະ 5 ປີຜ່ານມາ; ຜົນງານພົ້ນເດັ່ນແມ່ນໜ່ວຍຊາວໜຸ່ມ ຄຄພ ສາມາດຍາດໄດ້ນາມມະຍົດໜ່ວຍຊາວໜຸ່ມ 4 ບຸກ 3 ຄັ້ງລຽນຕິດຄື: ປີ 2019, ປີ 2020 ແລະ ປີ 2021, ສໍາລັບປີ 2022 ແລະ 2023 ກໍໄດ້ປະເມີນ ແລະ ສົ່ງໃຫ້ຄະນະບໍລິຫານງານຊາວໜຸ່ມຄະນະພົວພັນຕ່າງປະເທດສູນກາງພັກ ພິຈາລະນາແລ້ວ, ເຊິ່ງຜົນງານເຫຼົ່ານີ້ ໄດ້ປະກອບສ່ວນອັນສໍາຄັນໃຫ້ແກ່ ຄະນະບໍລິຫານງານຊາວໜຸ່ມ ຄຕພ ໃນການຍາດໄດ້ທຸງໄຊນໍາຂະບວນການຂໍ້ແຂ່ງຂັນ 4 ບຸກ ຊຶ່ງໄດ້ຈັດພິທີມອບ-ຮັບທຸງໄຊດ່ັງກ່າວໃນປີ 2023 ຜ່ານມາ.
ກອງປະຊຸມໃຫຍ່ສະມາຊິກຊາວໜຸ່ມ ກົມ ຄຄພ ຄັ້ງທີ II ໄດ້ປ່ອນບັດເລືອກຕັ້ງເອົາຄະນະໜ່ວຍຊຸດໃໝ່ ເຊິ່ງປະກອບມີ ສະຫາຍ ມິດຕະພອນ ລາຊະຈັນດາ, ເປັນເລຂາໜ່ວຍ; ສະຫາຍ ນາງ ຂັນປະເສີດ ສະແຫວງສຶກສາ, ເປັນຮອງເລຂາ, ທັງເປັນປະທານກວດກາ ໜ່ວຍ ແລະ ສະຫາຍ ດາລາທິບ ໝື່ນທະລັງສີ, ເປັນກໍາມະການໜ່ວຍຊາວໜຸ່ມກົມ ຄຄພ.
ໃນຕອນທ້າຍ ສະຫາຍ ວົງຄຳ ແສນສະທິດ, ຮອງເລຂາຄະນະບໍລິຫານງານຊາວໜຸ່ມ ຄຕພ ໄດ້ໃຫ້ກຽດໂອ້ລົມຕໍ່ກອງປະຊຸມ ໂດຍໄດ້ຊົມເຊີຍຜົນງານທີ່ຄະນະໜ່ວຍ ຕະຫຼອດຮອດສະມາຊິກຊາວໜຸ່ມ ກົມ ຄຄພ ທຸກສະຫາຍ ທີ່ຍາດມາໄດ້ໃນສະໄໝຜ່ານມາ, ຮຽກຮ້ອງໃຫ້ຄະນະໜ່ວຍຊຸດໃໝ່ສືບຕໍ່ນຳພາສະມາຊິກຮັກສາມູນເຊື້ອດັ່ງກ່າວ ແລະ ເອົາໃຈໃສ່ແກ້ໄຂຂໍ້ຄົງຄ້າງ ໃຫ້ໝົດໄປເທື່ອລະກ້າວ ຈົນກາຍເປັນຊາວໜຸ່ມຜູ້ດີເດັ່ນ ແລະ ຫ້າວຫັນ. ພ້ອມກັນນັ້ນ, ສະຫາຍ ຍັງໄດ້ເນັ້ນໜັກໃຫ້ສືບຕໍ່ຍົກສູງດ້ານການເມືອງແນວຄິດໃຫ້ໜັກແໜ້ນ ເອົາໃຈໃສ່ຈັດຕັ້ງປະຕິບັດຂໍ້ແຂ່ງຂັນ 04 ບຸກ ຂອງຊາວໜຸ່ມ ແລະ ຂໍ້ແຂ່ງຂັນຂອງກົມ ຄຄພ ຕາມຄາດໝາຍທີ່ວາງໄວ້.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20