ຄະນະພົວພັນຕ່າງປະເທດສູນກາງພັກ ເຜີຍແຜ່ເຊື່ອມຊຶມວັນສ້າງຕັ້ງສະຫະພັນກຳມະບານລາວ ຄົບຮອບ 68 ປີ.
ເຜີຍແຜ່ໂດຍ: moderator ເວລາ: 01/03/2024 08:33:49 ຈຳນວນຢ້ຽມຊົມ 340 ຄັ້ງ ວັນທີ 29 ກຸມພາ 2024, ຄະນະພົວພັນຕ່າງປະເທດສູນກາງພັກ (ຄຕພ) ໄດ້ຈັດປາຖະກະຖາເຊື່ອມຊຶມເອກະສານຄື: ວັນສ້າງຕັ້ງສະຫະພັນກຳມະບານລາວ ຄົບຮອບ 68 ປີ ໂດຍການເປັນ ປະທານຂອງສະຫາຍ ວາລະໄຊ ເລັ່ງສະຫວັດ, ກຳມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ ແລະ ມີບັນດາສະຫາຍໃນຄະນະບໍລິຫານງານພັກ, ຄະນະບໍລິຫານງານສະຫະພັນກໍາມະບານ ຄຕພ ຕະຫຼອດຮອດສະມາຊິກກຳມະບານ ທົ່ວຄະນະພົວພັນຕ່າງປະເທດສູນກາງພັກ ເຂົ້າຮ່ວມ 130 ສະຫາຍ.
ໃນພິທີ ສະຫາຍ ເກີລໍ່ ຢ່າງກໍ່, ກຳມະການຄະນະພັກ ຄຕພ, ກຳມະການຄະນະບໍລິຫານງານສູນກາງສະຫະພັນກຳມະບານລາວ, ປະທານສະຫະພັນກຳມະບານ ຄຕພ, ໄດ້ຍົກໃຫ້ເຫັນການກຳເນີດ ການເຕີບໃຫຍ່ຂະຫຍາຍຕົວ ແລະ ມູນເຊື້ອປະຕິວັດ, ຜົນງານປະກອບ ສ່ວນໃນພາລະກິດຕໍ່ສູ້ປົດປ່ອຍຊາດ ກໍຄືພາລະກິດປົກປັກຮັກສາ ແລະ ພັດທະນາປະເທດຊາດ; ປຸກລະດົມ ແລະ ສ້າງຈິດສໍານຶກສະມາຊິກກຳມະບານ ມີຄວາມບຸກບືນ, ປະກອບສ່ວນເຂົ້າໃນການ ເຄື່ອນໄຫວວຽກງງານກໍາມະບານ ແລະ ເປັນເຈົ້າປະຕິບັດຂໍ້ແຂ່ງຂັນ 5 ເປັນເຈົ້າ ຕິດພັນກັບຂໍ້ແຂ່ງຂັນ “ຮັກຊາດ ແລະ ພັດທະນາ” ໃຫ້ເປັນຂະບວນການກວ້າງ ຂວາງ ແລະ ຟົດຟື້ນກວ່າເກົ່າ.
ພ້ອມກັນນັ້ນ, ສະຫາຍ ຍັງໄດ້ຍົກໃຫ້ເຫັນເຖິງພາລະບົດບາດຂອງສະຫະພັນກຳມະບານລາວ ໃນໄລຍະໃໝ່ ຕໍ່ການປະກອບສ່ວນເຂົ້າໃນການປຸກລະດົມຂົນຂວາຍ, ສຶກສາອົບຮົມສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານລາວ ໃຫ້ເປັນເຈົ້າການປົກປັກຮັກສາ ແລະ ພັດທະນາປະເທດຊາດ ກ້າວຂຶ້ນສູ່ຈຸດໝາຍສັງຄົມນິຍົມ ຕາມແນວທາງນະໂຍບາຍຂອງພັກ; ໃນວັນດຽວກັນ ກໍ່ໄດ້ມີການຖາມ-ຕອບ ຄວາມຮູ້ກຽ່ວກັບ ປະທານຄໍາໄຕ ສີພັນດອນ ໃນໂອກາດສະເຫຼີມສະຫຼອງວັນເກີດຂອງເພິ່ນ ຄົບຮອບ 100 ປີ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20