ພິທີປາຖະກະຖາ ກ່ຽວກັບ ຜົນງານການເຄື່ອນໄຫວຂອງ ທ່ານ ໂຮເຊ ມາກຕີ, ວິລະຊົນແຫ່ງຊາດກູບາ.
ເຜີຍແຜ່ໂດຍ: editor ເວລາ: 16/02/2024 11:06:22 ຈຳນວນຢ້ຽມຊົມ 141 ຄັ້ງ ໃນຕອນເຊົ້າຂອງ ວັນທີ 20 ຕຸລາ 2023 ສະມາຄົມມິດຕະພາບ ລາວ-ກູບາ ຮ່ວມກັບສະຖານເອກອັກຄະລັດຖະທູດ ແຫ່ງ ສ.ກູບາ ປະຈໍາ ສປປ ລາວ ແລະ ໂຮງຮຽນ ມສ ດົງບັງ ມິດຕະພາບ ລາວ- ກູບາ ໄດ້ຈັດພິທີປາຖະກະຖາ, ຈັດກິດຈະກຳແຂ່ງຂັນຕອບຄຳຖາມ ແລະ ຂຽນບົດກອນ, ບົດຄວາມ ກ່ຽວກັບ ຜົນງານການເຄື່ອນໄຫວຂອງ ທ່ານ ໂຮເຊ ມາກຕີ, ວິລະຊົນແຫ່ງຊາດກູບາ. ໃຫ້ກຽດເຂົ້າຮ່ວມພິທີ ຂອງ ສະຫາຍ ນາງ ບັນດິດ ປະທຸມວັນ, ຮອງປະທານສະມາຄົມມິດຕະພາບ ລາວ-ກູບາ, ສະຫາຍ ເດຊານຸລາດ ແສນດວງເດດ, ຮອງອະທິການບໍດີ ມະຫາວິທະຍະໄລແຫ່ງຊາດ ແລະ ສະຫາຍ ນາງ ແອນນາ ເອັດເຕ ວຽງ ວາເດຣ (Enna Esther Viant Valdes), ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສ.ກູບາ ປະຈໍາ ສປປ ລາວ. ນອກນັ້ນ, ຍັງມີຄູອາຈານ, ນັກສຶກສາຈາກໜ່ວຍວິຊາພາສາ ແອດສະປາຍໂຍນ (ຄະນະອັກສອນສາດ ມຊ) ແລະ ນັກຮຽນຈາກໂຮງຮຽນ ມສ ດົງບັງ ມິດຕະພາບ ລາວ- ກູບາ ແລະ ອໍານາດການປົກຄອງບ້ານດົງບັງ, ເມືອງໄຊທານີ, ນະຄອນຫຼວງວຽງຈັນ ກໍໃຫ້ກຽດເຂົ້າຮ່ວມຮັບຟັງຈຳນວນ 200 ກວ່າຄົນ.
ໃນພິທີ ສະຫາຍ ນາງ ແອນນາ ເອັດເຕ ວຽງ ວາເດຣ, ເອກອັກຄະລັດຖະທູດ ແຫ່ງ ສ.ກູບາ ປະຈໍາ ສປປ ລາວ ໄດ້ໃຫ້ກຽດຂຶ້ນກ່າວປາຖະກະຖາ ເຊິ່ງມີເນື້ອໃນເວົ້້າເຖິງປະຫວັດຂອງ ທ່ານ ໂຮເຊ ມາກຕີ ແລະ ແນວຄິດອຸດົມການຄືການນຳພາຂອງເພີ່ນ ລວມທັງທົບທວນຄືນມູນເຊື້ອການຕໍ່ສູ້ກູ້ຊາດໃນໄລຍະຜ່ານມາຂອງກູບາ, ພິເສດແມ່ນການຕໍ່ສູ້ອັນພິລະອາດຫານຂອງປະຊາຊົນກູບາອ້າຍນ້ອງທີ່ເປັນສັນຍາລັກແຫ່ງການພົວພັນມິດຕະພາບ ແລະ ການຮ່ວມມືທີ່ມີມູນເຊື້ອອັນດີງາມ ລະຫວ່າງ ສອງພັກ, ສອງລັດ ກໍຄື ລະຫວ່າງ ສອງສະມາຄົມມິດຕະພາບ ລາວ-ກູບາ ແລະ ກູບາ-ລາວ ແລະ ເປັນສະຖານທີ່ໃນການສຶກສາອົບຮົມໃຫ້ນັກຮຽນນັກສຶກສາ, ປະຊາຊົນລາວຮັບຮູ້ ແລະ ເຂົ້າໃຈເຖິງປະຫວັດສາດແຫ່ງການຕໍ່ສູ້ປະຕິວັດອັນກ້າແກ່ນເປັນຈິດໜຶ່ງໃຈດຽວຂອງປະຊາຊົນກູບາ ແລະ ໝາກຜົນຂອງສາຍພົວພັນມິດຕະພາບ, ການຮ່ວມມືທີ່ເປັນມູນເຊື້ອທີ່ດີງາມ ລະຫວ່າງ ລາວ-ກູບາ ແລະ ທັງເປັນໂອກາດຮຽນຮູ້ກ່ຽວກັບຊີວິດ ແລະ ການເຄື່ອນໄຫວປະຕິວັດ ຂອງ ທ່ານ ໂຮເຊ ມາກຕີ, ວິລະຊົນແຫ່ງຊາດກູບາ.
ນອກນັ້ນ, ສະຫາຍເອກອັກຄະລັດຖະທູດ ຍັງໄດ້ຍົກໃຫ້ເຫັນເຖິງສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມື ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ກູບາ ໃນໄລຍະການຕໍ່ສູ້ກູ້ຊາດ ກໍ່ຄືໄລຍະປົກປັກຮັກສາ ແລະ ສ້າງສາປະເທດຊາດ ຍັງສືບຕໍ່ໄດ້ຮັບການເສີມຂະຫຍາຍ ແລະ ເພີ່ມພູນຄູນສ້າງຢ່າງບໍ່ຢຸດຢັ້ງ ເພື່ອນຳເອົາຜົນປະໂຫຍດມາສູ່ປະຊາຊົນ ສອງ ຊາດ ກູບາ ແລະ ລາວ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20