ຄະນະຜູ້ແທນຄະນະສັນຕິພາບ ຫວຽດນາມ ຢ້ຽມຢາມ ສປປ ລາວ
ເຜີຍແຜ່ໂດຍ: editor ເວລາ: 23/08/2023 14:25:07 ຈຳນວນຢ້ຽມຊົມ 236 ຄັ້ງ ໂດຍຕອບສະໜອງຕາມຄຳເຊີນ ຂອງ ຄະນະສັນຕິພາບ ແລະ ສາມັກຄີ ຂອງລາວ, ຄະນະຜູ້ແທນ ຄະນະສັນຕິພາບ ຫວຽດນາມ ນຳໂດຍ ສະຫາຍ ອວງ ຈູ ລິວ, ອະດີດກໍາມະການສູນກາງພັກ, ອະດີດ ຮອງປະທານສະພາແຫ່ງ ຊາດ, ປະທານຄະນະສັນຕິພາບ ຫວຽດນາມ ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ລະຫວ່າງວັນທີ 19-22 ສິງຫາ 2023.
ໃນວັນທີ 21 ສິງຫາ 2023 ໄດ້ຈັດກອງປະຊຸມພົບປະສອງຝ່າຍ ລະຫວ່າງ ຄະນະສັນຕິພາບ ແລະ ສາມັກຄີ ຂອງລາວ ແລະ ຄະນະສັນຕິພາບ ຫວຽດນາມ, ຝ່າຍລາວ ນຳໂດຍ ສະຫາຍ ສົມມາດ ພົລເສນາ, ກຳມະການສູນ ກາງພັກ, ຮອງປະທານສະພາແຫ່ງຊາດ, ປະທານຄະນະສັນຕິພາບ ແລະ ສາມັກຄີ ຂອງລາວ ແລະ ຝ່າຍຫວຽດນາມ ນຳໂດຍ ສະຫາຍ ອວງ ຈູ ລິວ, ອະດີດກໍາມະການສູນກາງພັກ, ອະດີດຮອງປະທານ ສະພາແຫ່ງຊາດ, ປະທານຄະນະ ສັນຕິພາບ ຫວຽດນາມ. ໃນກອງປະຊຸມ, ສອງຝ່າຍ ໄດ້ແຈ້ງສະພາບການ ພົ້ນເດັ່ນການພັດທະນາເສດຖະກິດ-ສັງຄົມ ຂອງແຕ່ລະປະເທດໃຫ້ກັນຊາບ, ປຶກສາຫາລື, ແລກປ່ຽນປະ ສົບການເຄື່ອນໄຫວວຽກງານສັນຕິພາບ ພ້ອມທັງແລກປ່ຽນຂໍ້ມູນ ແລະ ທັດສະນະກ່ຽວກັບສະພາບການ ພົ້ນເດັ່ນຂອງ ພາກພື້ນ ແລະ ຂອງໂລກ ທີ່ສອງຝ່າຍມີຄວາມສົນໃຈ. ພ້ອມນັ້ນ, ສອງຝ່າຍຍັງໄດ້ຈັດກອງ ປະຊຸມແລກປ່ຽນວຽກງານການທູດປະຊາຊົນລາວ ແລະ ຫວຽດນາມ, ເຊິ່ງມີການ ແລກປ່ຽນຂໍ້ມູນ, ບົດ ຮຽນເຊິ່ງກັນແລະກັນ ຢ່າງມີເນື້ອໃນອຸດົມສົມບູນ ແລະ ມີບັນຍາກາດ.
ນອກຈາກນັ້ນ, ຄະນະຜູ້ແທນຄະນະສັນຕິພາບ ຫວຽດນາມ ຍັງໄດ້ເຂົ້າຢ້ຽມຂ່ຳນັບ ສະຫາຍ ໄຊສົມພອນ ພົມວິຫານ, ກໍາມະການກົມການເມືອງສູນກາງພັກ, ປະທານສະພາແຫ່ງຊາດ. ສະຫາຍ ປະທານສະພາແຫ່ງຊາດ ໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງຄະນະຜູ້ ແທນຄະນະສັນຕິພາບ ຫວຽດນາມ ໃນຄັ້ງນີ້ຖືເປັນການປະກອບສ່ວນເຂົ້າໃນການເສີມຂະຫຍາຍ ແລະ ເພີ່ມພູນຄູນສ້າງສາຍພົວ ພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມື ຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ ແລະ ຫວຽດນາມ. ພ້ອມນັ້ນຍັງ ໄດ້ຕີລາຄາສູງຕໍ່ສາຍພົວພັນມິດ ຕະພາບ, ຄວາມສາມັກຄີພິເສດ ແລະ ການຮ່ວມມືຮອບ ດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ - ຫວຽດນາມ ທີ່ນັບມື້ໄດ້ຮັບ ການເສີມຂະຫຍາຍ ທັງທາງກ້ວາງ ແລະ ລວງເລິກ ແລະ ນໍາເອົາຜົນປະໂຫຍດຕົວຈິງມາ ສູ່ປະຊາຊົນສອງ ຊາດຢ່າງແທ້ຈິງ, ທັງໄດ້ຕີລາຄາສູງຕໍ່ການພົວພັນ ຮ່ວມມື ລະຫວ່າງ ຄະນະສັນຕິພາບ ສອງຝ່າຍ ທີ່ມີກົນໄກການພົວພັນ ຮ່ວມມື, ປະສານງານ, ແລກປ່ຽນທັດສະນະ ແລະ ສະໜັບສະໜູນເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນ, ປະກອບ ສ່ວນເຂົ້າໃນພາລະກິດສັນຕິພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ສາກົນ.
ສະຫາຍ ອວງ ຈູ ລິວ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງຝ່າຍລາວ ແລະ ໄດ້ແຈ້ງໃຫ້ ຊາບຈຸດປະສົງ ຂອງການມາຢ້ຽມຢາມ ສປປ ລາວ ແລະ ສະພາບໂດຍຫຍໍ້ກ່ຽວ ກັບການ ພັດທະນາຢູ່ ສສ ຫວຽດນາມ ກໍ່ຄື ການເຄື່ອນໄຫວໂດຍຫຍໍ້ ຂອງ ຄະນະສັນຕິພາບ ຫວຽດນາມ.
ນອກຈາ່ກພົບປະເຮັດວຽກ, ຄະນະຜູ້ແທນຄະນະສັນຕິພາບ ຫວຽດນາມ ໄດ້ຢ້ຽມຊົມສະຖານທີ່ ທ່ອງທ່ຽວ ທາງທຳມະຊາດ, ວັດທະນະທຳ ແລະ ປະຫວັດສາດ ຈຳນວນໜຶ່ງ ຢູ່ໃນນະຄອນຫຼວງວຽງຈັນ ແລະ ແຂວງຫຼວງ ພະບາງຈໍານວນໜຶ່ງ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20