ຄະນະຜູ້ແທນພັກ ປປ ລາວ ເຂົ້າຮ່ວມກອງປະຊຸມໂຕະມົນ ຜ່ານວິດີໂອທາງໄກ ພາຍໃຕ້ຫົວຂໍໍ້“ການພົວພັນແລກປ່ຽນ ລະຫວ່າງ ບັນດາອະລິຍະທຳ: ບັນດາປະເທດຢູ່ພາຍໃນທະວີບ ແລະ ໝູ່ເກາະ”
ເຜີຍແຜ່ໂດຍ: editor ເວລາ: 14/07/2023 16:28:34 ຈຳນວນຢ້ຽມຊົມ 335 ຄັ້ງ ໃນວັນທີ 14 ກໍລະກົດ 2023 ຄະນະຜູ້ແທນພັກ ປປ ລາວ ນໍາໂດຍ ສະຫາຍ ວາລະໄຊ ເລັ່ງສະຫວັດ, ຮອງຫົວ ໜ້າຄະນະພົວພັນຕ່າງປະເທດສູນກາງພັກ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມໂຕະມົນຜ່ານວີດີໂອທາງໄກ ພາຍໃຕ້ຫົວຂໍໍ້“ການພົວພັນແລກປ່ຽນ ລະຫວ່າງ ບັນດາອະລິຍະທຳ: ບັນດາປະເທດຢູ່ພາຍໃນທະວີບ ແລະ ໝູ່ເກາະ”(Dialogue Between Civilizations: Continental and Insular) ໂດຍການເປັນເຈົ້າພາບຂອງພັກຣັດເຊຍເອກະພາບ. ເຂົ້າຮ່ວມກອງປະຊຸມດັ່ງກ່າວ ມີຄະນະຜູ້ແທນຈາກ 4 ພັກການເມືອງຄື: ພັກກອມມູນິດຫວຽດນາມ, ພັກປະຊາຊົນປະຕິວັດລາວ, ພັກປະຊາຊົນກຳປູເຈຍ ແລະ ພັກໂກນກາຈາກອິນໂດເນເຊຍ. ກອງປະຊຸມຄັ້ງນີ້ ຈັດຂຶ້ນໂດຍຖືເປັນກິດຈະກຳໜຶ່ງຂອງແນວຄິດລິເລີ່ມກຳຈັດກາ (Kamchatka), ເຊິ່ງເປັນ “ເທດສະການມາຣາທອນ ກ່ຽວກັບ ວັດທະນະທຳ” “Festival Marathon of culture” ຄັ້ງທີ 6.
ໃນກອງປະຊຸມດັ່ງກ່າວ, ຫົວໜ້າຄະນະຜູ້ແທນພັກ ປປ ລາວ ໄດ້ປະກອບຄຳເຫັນໂດຍໄດ້ຕີລາຄາສູງ ແລະ ຊົມ ເຊີຍຕໍ່ການເປັນເຈົ້າພາບຈັດກອງປະຊຸມດັ່ງກ່າວ ຂອງພັກຣັດເຊຍເອກະພາບ; ສະແດງການສະໜັບສະໜູນແນວຄິດລິເລີ່ມຂອງບັນດາປະເທດເພື່ອນມິດ ທີ່ກ່ຽວຂ້ອງກັບການພົວພັນແລກປ່ຽນ ລະຫວ່າງ ບັນດາອະລິຍະທໍາ, ລວມທັງແນວຄິດລິເລີ່ມ ຂອງພັກຣັດເຊຍເອກະພາບໃນຄັ້ງນີ້ ເພື່ອເສີມຂະຫຍາຍການແລກປ່ຽນລະຫວ່າງ ບັນດາປະເທດໃນທະວີບ ແລະ ໝູ່ເກາະຕ່າງໆ ໃນດ້ານການເມືອງ, ດ້ານເສດຖະກິດ, ວັດທະນະທໍາ-ສັງຄົມ, ການສຶກສາ, ວິທະຍາສາດ ແລະ ອື່ນໆ; ຍົກໃຫ້ເຫັນການພັດທະນາອະລິຍະທໍາຂອງພາກພື້ນອາຊີ-ປາຊີຟິກ ໃນຂອບອາຊຽນ ກໍ່ຄື ອະລິຍະທໍາຂອງປະເທດລາວ ທີ່ໄດ້ຮັບການພັດທະນາມາແຕ່ສະໄໝບູຮານ, ເຊິ່ງຊາດລາວເປັນປະເທດໜື່ງທີ່ມີເອກະລັກສະເພາະ ແລະ ຄວາມອຸດົມສົມບູນທາງດ້ານວັດທະນະທຳ; ພັກ ປປ ລາວ ຖືເອົາວັດທະນະທໍາ ເປັນພື້ນຖານແຫ່ງການຍືນຍົງຂອງຊາດ, ເປັນໜື່ງໃນກຳລັງຊຸກດັນໃຫ້ແກ່ການຂະຫຍາຍຕົວຂອງເສດຖະກິດ-ສັງຄົມ ທັງແມ່ນຈຸດໝາຍຂອງການພັດທະນາ. ບົນພື້ນຖານດັ່ງກ່າວ, ພັກ ປປ ລາວ ຍົກສູງວຽກງານວັດທະນະທໍາ ແລະ ວາງແນວທາງນະໂຍບາຍ ແລະ ຍຸດທະສາດ ເພື່ອອະນຸລັກ, ສົ່ງເສີມ ແລະ ພັດທະນາວັດທະນະທໍາຂອງຊາດ, ເສີມຂະຫຍາຍຄຸນຄ່າວັດທະນະທຳທີ່ມີລັກສະນະຊາດ, ປະຊາຊົນ ແລະ ກ້າວໜ້າ ເພື່ອຮັບປະກັນຄວາມໝັ້ນຄົງ, ຄວາມຍຸຕິທໍາ ແລະຄວາມປອງດອງພາຍໃນຊາດ ແລະ ເຂົ້າຮ່ວມໃນການພັດທະນາວັດທະນະທໍາ ກໍ່ຄື ອະລິ ຍະທໍາ ຂອງພາກພື້ນອາຊີ-ປາຊີຟິກ ແລະທະວີບອື່ນໆໃນໂລກ ໂດຍການອະນຸລັກຮັກສາຈິດໃຈ ແລະ ຄວາມເປັນເອກະລັກຂອງພາກພື້ນ ແລະ ທະວີບຕ່າງໆ; ສະແດງຄວາມໝາຍໝັ້ນຂອງພັກ ປປ ລາວ ໃນການສືບຕໍ່ປຶກສາຫາລື ແລະ ຮ່ວມມືກັບບັນດາພັກການເມືອງ ແລະ ບັນດາປະເທດເພື່ອນມິດ ເພື່ອສົ່ງເສີມການພົວພັນແລກປ່ຽນ ລະຫວ່າງ ບັນດາອະລິຍະທໍາ ຂອງບັນດາປະເທດຕ່າງໆ ເພື່ອສັນຕິພາບ, ຄວາມໝັ້ນຄົງ, ມິດຕະພາບ, ການຮ່ວມມືເພື່ອການພັດທະນາ ແລະ ຄວາມຈະເລີນຮຸ່ງເຮືອງຂອງບັນດາປະຊາຊາດໃນໂລກ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20