ປະທານຄະນະສັນຕິພາບ ແລະ ສາມັກຄີ ຂອງລາວ ຕ້ອນຮັບການເຂົ້າຢ້ຽມຂໍ່ານັບ ຂອງ ຄະນະຜູ້ແທນຂັ້ນສູງມູນນິທິຈີນ ເພື່ອສັນຕິພາບ ແລະ ການພັດທະນາ
ເຜີຍແຜ່ໂດຍ: editor ເວລາ: 02/06/2023 14:58:06 ຈຳນວນຢ້ຽມຊົມ 281 ຄັ້ງ ໂດຍຕອບສະໜອງຕາມຄຳເຊີນ ຄະນະສັນຕິພາບແລະສາມັກຄີ ຂອງລາວ, ຄະນະຜູ້ແທນກອງທຶນຈີນເພື່ອ ສັນຕິພາບ ແລະ ການພັດທະນາ ນໍາໂດຍ ສະຫາຍ ຊູ ຈຽງກົ໋ວ, ເລຂາທິການກອງທຶນຈີນເພື່ອສັນຕິພາບ ແລະ ການພັດ ທະນາ ມາຢ້ຽມຢາມ ແລະ ເຮັດ ວຽກ ຢູ່ ສປປ ລາວ ແຕ່ວັນທີ 26-30 ພຶດສະພາ 2023.
ໃນວັນທີ 30 ພຶດສະພາ 2023 ຄະນະຜູ້ແທນ ໄດ້ເຂົ້າຢ້ຽມຂໍ່ານັບ ສະຫາຍ ສົມມາດ ພົລເສນາ, ກໍາມະການ ສູນກາງພັກ, ຮອງປະທານສະພາແຫ່ງຊາດ, ປະທານຄະນະສັນຕິພາບ ແລະ ສາມັກຄີ ຂອງລາວ. ສະຫາຍ ສົມມາດ ພົລເສນາ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກ ຂອງ ຄະນະຜູ້ ແທນ ກອງທຶນຈີນ ເພື່ອສັນຕິພາບ ແລະ ການພັດທະນາ ຖືເປັນການປະກອບສ່ວນເສີມຂະຫຍາຍ ແລະ ເພີ່ມພູນສ້າງ ສາຍພົວພັນມິດຕະພາບ ແລະ ການຮ່ວມມືແບບຄູ່ຮ່ວມຍຸດທະສາດ, ຮອບດ້ານ, ໝັ້ນຄົງຍາວນານ ຕາມທິດສີ່ດີ ແລະ ຄູ່ຮ່ວມຊະຕາກໍາ ລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ ແລະ ຈີນ. ສອງຝ່າຍຍັງໄດ້ຕີລາຄາສູງຕໍ່ ການພົວພັນຮ່ວມມືລະຫວ່າງສອງອົງການຈັດຕັ້ງສັນຕິພາບ ໃນການປະກອບສ່ວນເຂົ້າໃນການສ້າງສາພັດທະນາ ສປປ ລາວ ເປັນຕົ້ນແມ່ນການພັັດທະນາພື້ນຖານໂຄງລ່າງການສຶກສາ, ສາທາລະນະສຸກ ແລະ ມະນຸດສະທໍາ. ຄະນະສັນຕິ ພາບ ແລະ ສາມັກຄີ ຂອງລາວ ແລະ ກອງທຶນຈີນ ເພື່ອສັນຕິພາບ ແລະ ການພັດທະນາ ໄດ້ພົວພັນຮ່ວມມືກັນແຕ່ປີ 2012 ເປັນຕົ້ນມາ. ນັບແຕ່ນັ້ນເປັນຕົ້ນມາສອງຝ່າຍ ພົວພັນຮ່ວມມືກັນຢ່າງເປັນປົກກະຕິ ແລະ ໄດ້ຮ່ວມກັນສ້າງ ໂຮງຮຽນປະຖົມ ແລະ ມັດທະຍົມແລ້ວຈໍານວນ 12 ຫຼັງ, ຊ່ວຍເຫຼືອອຸປະກອນການຮຽນການສອນ, ອຸປະກອນການ ແພດໄລຍະການລະບາດ ຂອງພະຍາດໂຄວິດ 19 ລວມມູນຄ່າການຊ່ວຍເຫຼືອໃນໄລຍະຜ່ານມາ 3,500,000 ກວ່າ ໂດລາສະຫະລັດ ແລະ ໄລຍະປີ 2023-2025 ກອງທຶນຈີນເພື່ອສັນຕິພາບ ແລະ ການພັັດທະນາ ຍັງຈະໃຫ້ການຊ່ວຍ ເຫຼືອງົບປະມານອີກ 1,360,000 ໂດລາສະຫະລັດ.
ໃນການຢ້ຽມຢາມຄັ້ງນີ້ ຄະນະຍັງໄດ້ເຂົ້າຢ້ຽມຂໍ່ານັບ ສະຫາຍ ນາງ ຂັນທະລີ ສິຣິພົງພັນ, ຮອງ ຮອງລັດຖະ ມົນຕີ ກະຊວງສຶກສາທິການ ແລະ ກິລາ, ເຂົ້າຮ່ວມພິທີວາງສີລາເລີກໂຄງການ ກໍ່ສ້າງໂຮງຮຽນປະຖົມ 5 ຫຼັງໃນ 3 ແຂວງ(ສະຫວັນນະເຂດ, ສາລະວັນ ແລະ ໄຊຍະບູລີ), ເຊິ່ງເປັນໂຄງການທີ່ພວມກໍາລັງດໍາເນີນການໃນປະຈຸບັນ; ແລະ ຢ້ຽມຢາມໂຮງຮຽນປະຖົມສົມບູນບ້ານໜອງປີງ, ເມືອງຈັນທະບູລີ(2013), ໂຮງຮຽນມັດທະຍົມຕົ້ນບ້ານເມືອງນ້ອຍ, ເມືອງໄຊເສດຖາ, ນະຄອນຫຼວງວຽງຈັນ (2019) ແລະ ໂຮງຮຽນມັດທະຍົມສົມບູນພອນໄຊ, ນະຄອນຫຼວງພະບາງ, ແຂວງຫຼວງພະບາງ (2016), ເຊິ່ງເປັນໂຮງຮຽນທີ່ສ້າງສໍາເລັດແລ້ວໂດຍການພົວພັນຮ່ວມມືລະຫວ່າງ ຄະນະສັນຕິ ພາບ ແລະ ສາມັກຄີ ຂອງ ລາວ ແລະ ກອງທຶນຈີນ ເພື່ອສັນຕິພາບ ແລະ ການພັດທະນາ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20