ຄຕພ ເຜີຍແຜ່ມູນເຊື້ອ ວັນກໍາມະກອນສາກົນ ຄົບຮອບ 137 ປີ ແລະ ວັນສ້າງຕັ້ງຄະນະຊາວໜຸ່ມ ປປ ລາວ ຄົບຮອບ 68 ປີ
ເຜີຍແຜ່ໂດຍ: editor ເວລາ: 25/05/2023 16:23:20 ຈຳນວນຢ້ຽມຊົມ 615 ຄັ້ງ ໃນວັນທີ 25 ພຶດສະພາ 2023, ຄະນະພົວພັນຕ່າງປະເທດສູນກາງພັກ ໄດ້ຈັດປາຖະກະຖາ ເພື່ອຫວນຄືນມູນເຊື້ອວັນກໍາມະກອນສາກົນ ຄົບຮອບ 137 ປີ (01 ພຶດສະພາ 1886 - 01 ພຶດສະພາ 2023) ແລະ ວັນສ້າງຕັ້ງຄະນະຊາວໜຸ່ມ ປປ ລາວ ຄົບຮອບ 68 ປີ (14 ເມສາ 1955 - 14 ເມສາ 2023). ໃຫ້ກຽດປາຖະກະຖາໂດຍ ສະຫາຍ ວາລະໄຊ ເລັ່ງສະຫວັດ, ກໍາມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ, ຜູ້ຊີ້ນໍາວຽກງານສາມອົງການຈັດຕັ້ງມະຫາຊົນ ຄຕພ ແລະ ມີບັນດາສະຫາຍຄະນະບໍລິຫານງານກໍາມະບານ, ຄະນະບໍລິຫານງານຊາວໜຸ່ມ, ສະມາຊິກກໍາມະບານ ແລະ ສະມາຊິກຊາວໜຸ່ມ ຄຕພ ເຂົ້າຮ່ວມຢ່າງພ້ອມພຽງ.
ໃນພິທີ, ສະຫາຍ ວາລະໄຊ ເລັ່ງສະຫວັດ ໄດ້ຫວນຄືນມູນເຊື້ອວັນກຳມະກອນສາກົນ ໂດຍສະເພາະແມ່ນປະຫວັດຕົ້ນກໍາເນີດ ແລະ ຂະບວນວິວັດແຫ່ງການເຕີບໃຫຍ່ຂະຫຍາຍຕົວຂອງຊົນຊັ້ນກຳມະກອນ, ບັນດາຂະບວນ ການຕໍ່ສູ້ຂອງຊົນຊັ້ນກຳມະກອນສາກົນ ແລະ ພາລະກິດປະຕິວັດຂອງກຳມະກອນລາວໃນໄລຍະຜ່ານມາ ເພື່ອເສີມຂະຫຍາຍທາດແທ້ ແລະ ມູນເຊື້ອອັນດີງາມຂອງຊົນຊັ້ນກຳມະກອນລາວ ເປັນຕົ້ນແມ່ນຍົກໃຫ້ເຫັນບົດບາດຄວາມສຳຄັນຂອງຊົນຊັ້ນກຳມະກອນລາວ ທີ່ໄດ້ປະກອບສ່ວນເຂົ້າໃນຂະບວນການຕໍ່ສູ້ປົດປ່ອຍຊາດ ແລະ ສ້າງສາພັດທະນາປະເທດຊາດ ແລະ ໄດ້ປະກອບສ່ວນປຸກລະດົມເຕົ້າໂຮມຄວາມສາມັກຄີເປັນປຶກແຜ່ນ, ປະກອບສ່ວນເປັນກໍາລັງແຮງປັບປຸງຍົກລະດັບສີມືແຮງງານ ໃຫ້ນັບມື້ນັບທັນສະໄໝເທື່ອລະກ້າວ.
ໃນໂອກາດດຽວກັນ, ສະຫາຍ ວາລະໄຊ ເລັ່ງສະຫວັດ ໄດ້ສືບຕໍ່ເລົ່າມູນເຊື້ອປະຫວັດແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງ ຄະນະຊາວໜຸ່ມປະຊາຊົນ ປະຕິວັດລາວ, ເຊິ່ງໄດ້ຍົກໃຫ້ເຫັນມູນເຊື້ອຂອງຊາວໜຸ່ມລາວບັນດາເຜົ່າທີ່ໄດ້ເສຍສະຫຼະຊີວິດ-ເລືອດເນືື້ອ ເພື່ອປົກປັກຮັກສາເອກະລາດ ແລະ ຜືນແຜ່ນດິນຂອງຕົນໄວ້. ໂດຍຜ່ານຂະບວນການດັ່ງກ່າວນັ້ນ ໄດ້ເກີດມີບັນດາບັນພະບູລຸດທີ່ມີຊື່ສຽງ ເປັນຕົ້ນແມ່ນ: ເຈົ້າຂຸນບູລົມ, ເຈົ້າຟ້າງຸ່ມ, ເຈົ້າສຸລິຍະວົງສາ, ເຈົ້າໄຊຍະເສດຖາ, ເຈົ້າອານຸວົງ, ປະທານ ໄກສອນ ພົມວິຫານ ແລະ ຜູ້ອື່ນໆ. ນີ້ແມ່ນມູນເຊືື້ອ, ວິລະກຳອັນລ້ຳເລີດ ແລະ ທາດແທ້ຂອງຊາວໜຸ່ມລາວ ໃນການຕໍ່ສູ້ຢ່າງພິລະອາດຫານຕ້ານຜູ້ຮຸກຮານ ເພື່ອຍາດເອົາເອກະລາດແຫ່ງຊາດ ແລະ ເຮັດສໍາເລັດພາລະກໍາປະຫວັດສາດຂອງຕົນ. ຍ້ອນແນວນີ້, ພັກປະຊາຊົນ ປະຕິວັດລາວ ຈຶ່ງໄດ້ຂະໜານນາມໃຫ້ຊາວໜຸ່ມວ່າ: "ຊາວໜຸ່ມເປັນແຂນຂວາຂອງພັກ, ເປັນກະດູກສັນຫລັງຂອງປະເທດຊາດ, ເປັນຜູ້ສືບທອດມູນເຊືື້ອ ແລະ ວິລະກໍາປະຫວັດສາດທີ່ຈົງຮັກພັກດີຕໍໍ່ພັກ".
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20