ກອງປະຊຸມສໍາມະນາທິດສະດີ ລະຫວ່າງ ພັກປະຊາຊົນປະຕິວັດລາວ ແລະ ພັກກອມມູນິດຈີນ ຄັ້ງທີ 10

ເຜີຍ​ແຜ່​ໂດຍ​: editor ເວ​ລາ: 05/04/2023 15:19:19 ຈຳ​ນວນ​​ຢ້ຽມ​ຊົມ 429 ຄັ້ງ ​

ລະຫວ່າງວັນທີ 24-27 ມີນາ 2023, ຄະນະຜູ້ແທນສັນຕິພາບ ແລະ ສາມັກຄີ ຂອງລາວ ນໍາໂດຍ ທ່ານ ສົມມາດ ພົລເສນາ, ກຳມະການສູນກາງພັກ, ຮອງປະທານສະພາແຫ່ງຊາດ, ປະທານຄະນະສັນຕິພາບ ແລະ ສາມັກຄີ ຂອງລາວ ໄດ້ເຂົ້າຮ່ວມກອງປະຊຸມຜູ້ນໍາຊາວໜຸ່ມອາຊີ ຄັ້ງທີ II ໃນຫົວຂໍ້ “ເພີ່ມພູນຄູນສ້າງການຮ່ວມມື ຂອງຊາວໜຸ່ມ, ສ້າງຄວາມເຂັ້ມແຂງດ້ານຄຸນຄ່າຮ່ວມກັນ, ສົ່ງເສີມສັນຕິພາບ ແລະ ການພັດທະນາ ຂອງບັນດາປະເທດອາຊີ”  (Enhance Youth Cooperation, Strengthen Common Values and Promote the Peace and Development of Asia)” ຢູ່ ກວາງໂຈ, ສປ ຈີນ.  ກອງປະຊຸມໃນຄັ້ງນີ້ ມີຜູ້ແທນກວ່າ 400 ທ່ານ ຈາກ 31 ປະເທດເຂົ້າຮ່ວມ. ບັນດາທ່ານຄະນະຜູ້ແທນເຂົ້າຮ່ວມປະຊຸມ ໄດ້ປະກອບຄໍາຄິດເຫັນ, ແລກປ່ຽນໃນຫຼາຍຫົວຂໍ້ສະ ເພາະເຊັ່ນ:  ທ່າອ່ຽງຂອງໂລກ, ການແລກປ່ຽນທາງດ້ານທຸລະກິດຜູ້ນໍໍາຊາວໜຸ່ມອາຊີ, ເວທີສົນທະນາກ່ຽວກັບສຸຂະ ພາບ ແລະ ການດູແລທາງການແພດ, ເວທີສົນທະນາທາງດ້ານການເງິນ ແລະ ການລົງທຶນ, ນະວັດຕະກໍາ ແລະ ການພັດທະນາ, ອານາຄົດ ຂອງອາຊີ, ການຮ່ວມມື ແລະ ການພັດທະນາ ເຂດອ່າວກວາງຕຸ້ງ-ຮົງກົງ-ມາເກົ້າ ແລະ ອື່ນໆ. ພ້ອມນັ້ນ, ບັນດາທ່ານຜູ້ແທນໄດ້ ສະແດງຈຸດຢືນຮ່ວມກັນໃນການປົກປັກຮັກສາສັນຕິພາບ, ສົ່ງເສີມການຮ່ວມ ມືເພື່ອການພັດທະນາ ແລະ ການກ້າວໄປສູ່ອະນາຄົດທີ່ໝັ້ນຄົງ ຂອງຊາວໜຸ່ມໃນພາກພື້ນອາຊີ. ຄົນຮຸ່ນໜຸ່ມທີ່ເປັນຮຸ່ນ ສືບທອດຕ້ອງສືບຕໍ່ບັນດາກົນໄກການປະສານງານ, ກົນໄກການຮ່ວມມືທີ່ມີຢູ່ແລ້ວ ບວກກັບການປະດິດສ້າງຮູບແບບ ການພົວພັນ, ການແລກປ່ຽນບົດຮຽນ, ປະສົບການ ແລະ ການຮ່ວມມືແບບໃໝ່ ເພື່ອໃຫ້ສອດຄ່ອງກັບສະພາບ ແລະ ເງື່ອນໄຂແຕ່ລະໄລຍະ, ຊ່ວຍກັນເສີມຂະຫຍາຍຈຸດດີ, ຈຸດແຂງ ແລະ ປັບປຸງຈຸດອ່ອນ-ຂໍ້ຄົງຄ້າງ ຂອງກັນ ແລະ ກັນ ພ້ອມກັນພັດທະນາ ແລະ ກ້າວໄປດ້ວຍກັນຢ່າງແຂງແຮງ, ເພີ່ມທະວີການເຄື່ອນໄຫວສ້າງສະພາບແວດລ້ອມ ທີ່ເອື້ອອໍານວຍໃຫ້ແກ່ການເສີມສ້າງສັນຕິພາບ, ມິດຕະພາບ ແລະ ການພົວພັນຮ່ວມມືເພື່ອຄວາມຈະເລີນຮຸ່ງເຮືອງຢູ່ ພາກພື້ນ ແລະ ໃນໂລກ. ຄົນຮຸ່ນໜຸ່ມ ຕ້ອງກຽມພ້ອມຮອບດ້ານເພື່ອຮັບໃຊ້ ແລະ ປະກອບສ່ວນເຂົ້າໃນ ການພັດທະ ນາດັ່ງກ່າວ, ສືບຕໍ່ຜັນຂະຫຍາຍກົນໄກການພັດທະນາ, ການຮ່ວມມືທີ່ບັນດາການນໍາອາວຸໂສ ໄດ້ສ້າງມາກ່ອນນັ້ນ, ພ້ອມທັງຄົ້ນຄວ້າປະດິດສ້າງກົນໄກຮູບແບບໃໝ່ໃຫ້ ສອດຄ່ອງກັບສະພາບໃນແຕ່ລະໄລຍະ ເພື່ອເຮັດແນວໃດໃຫ້ ພາກພື້ນ ຂອງພວກເຮົາຈະເລີນຮຸ່ງເຮືອງ ປະກອບສ່ວນການພັດທະນາໃນທົ່ວໂລກ.

ຄະນະຜູ້ແທນຄະນະສັນຕິພາບ ແລະ ສາມັກຄີ ຂອງລາວ ໄດ້ປະກອບຄໍາເຫັນແລກປ່ຽນມີເນື້ອໃນວ່າ ອາຊີ ເປັນພາກພື້ນທີ່ມີບົດບາດສໍາຄັນ, ເປັນກໍາລັງແຮງຕົ້ນຕໍໃນການຂັບເຄື່ອນການພັດທະນາເສດຖະກິດ ຂອງໂລກ, ເປັນ ເຈົ້າການສ້າງບັນດາກົນໄກການພົວພັນຮ່ວມມື ເພື່ອເຊື່ອມໂຍງລະຫວ່າງພາກພື້ນ ແລະ ໃນໂລກ, ທັງມີຄວາມ ພ້ອມຮອບດ້ານທັງທາງດ້ານຊັບພະຍາກອນມະນຸດ, ຊັບພະຍາກອນທໍາມະຊາດ ແລະ ມີເງື່ອນໄຂເອື້ອອໍານວຍໃນການ ສົ່ງເສີມການລົງທຶນກໍ່ຄືການພັດທະນາ. ໂດຍໃນໄລຍະຜ່ານມາ, ສປປ ລາວ ກໍ່ໄດ້ປະກອບສ່ວນຢ່າງຕັ້ງໜ້າ ເຂົ້າໃນການ

ສົ່ງເສີມການພົວພັນຮ່ວມມືໃນພາກພື້ນ ແລະ ສາກົນ, ຍືດໝັ້ນແນວທາງການຕ່າງປະເທດສັນຕິພາບ, ເອກະລາດ, ມິດຕະພາບ ແລະ ການຮ່ວມມືຕ່າງຝ່າຍຕ່າງມີຜົນປະໂຫຍດ. ຜ່ານມາ, ຊາວໜຸ່ມປະຊາຊົນ ປະຕິວັດລາວ ໄດ້ເຄື່ອນ ໄຫວພົວພັນຮ່ວມມືກັບຊາວໜຸ່ມບັນດາປະເທດອາຊີ, ເຂົ້າຮ່ວມບັນດາກົນໄກ, ໂຄງການ, ກິດຈະກໍາ ເພື່ອບັນລຸເປົ້າ ໝາຍຮ່ວມກັນ, ເຊິ່ງມີກົນໄກການປະສານງານ, ການພົວພັນຮ່ວມມື ແລະ ແລກປ່ຽນເຊິ່ງກັນ, ມີການຊ່ວຍເຫຼືອ ເຊິ່ງກັນ ແລະ ກັນ ຢ່າງເປັນປົກກະຕິກັບຊາວໜຸ່ມບ້ານໃກ້ເຮືອນຄຽງ, ຊາວໜຸ່ມ ບັນດາປະເທດເພື່ອນມິດ. ຊາວໜຸ່ມ ສປປ ລາວ ມີຄວາມຍິນດີ ແລະ ພ້ອມທີ່ຈະພົວພັນຮ່ວມມື, ແລກປ່ຽນກັບ ຊາວໜຸ່ມບັນດາປະເທດໃນອາຊີ ເພື່ອສົ່ງເສີມການຮ່ວມມື, ການແລກປ່ຽນ ແລະ ການໄປມາຫາສູ່, ຮ່ວມມືກັນພັດທະນາ ປະກອບສ່ວນເຂົ້າໃນການ ສ້າງພາກພື້ນອາຊີເປັນພາກພື້ນແຫ່ງສັນຕິພາບ, ມິດຕະພາບ ແລະ ການຮ່ວມມື ເພື່ອການພັດທະນາ.

---