ສະມາຄົມມິດຕະພາບ ລາວ-ກູບາ ແລະ ສະຖານທູດ ກູບາ ປະຈຳລາວ ວ່າງກະຕ່າດອກໄມ້ ຢູ່ໜ້າຮູບຫລໍ່ເຄິ່ງຄີງຂອງ ທ່ານ ໂຮ່ເຊ ມາກຕິ ວິລະຊົນແຫ່ງຊາດ ກູບາ ເນື່ອງໃນໂອກາດວັນເກີດ ຄົບຮອບ 170 ປີ
ເຜີຍແຜ່ໂດຍ: editor ເວລາ: 02/02/2023 10:46:44 ຈຳນວນຢ້ຽມຊົມ 922 ຄັ້ງ ໃນຕອນເຊົ້າວັນທີ 30 ມັງກອນ 2023, ສະມາຄົມມິດຕະພາບ ລາວ-ກູບາ ຮ່ວມກັບສະຖານເອກອັກຄະລັດຖະທູດ ແຫ່ງ ສ.ກູບາ ປະຈໍາ ສປປ ລາວ ໄດ້ຈັດພິທີວາງກະຕ່າດອກໄມ້ ຢູ່ໜ້າຮູບຫຼໍ່ເຄິ່ງຄີງ ຂອງ ທ່ານ ໂຮເຊ ມາກຕີ, ວິລະຊົນແຫ່ງຊາດກູບາ ເນື່ອງໃນໂອກາດວັນເກີດ ທ່ານ ໂຮເຊ ມາກຕີ ຄົບຮອບ 170 ປີ ( 28/01/1853 – 28/01/2023 ) ທີໂຮງຮຽນ ມສ ດົງບັງມິດຕະພາບ ລາວ-ກູບາ, ເມືອງໄຊທານີ, ນະຄອນຫຼວງວຽງຈັນ.
ໃຫ້ກຽດເຂົ້າຮ່ວມໃນພິທີມີ: ທ່ານ ພວງແກ້ວ ສັງສີ, ຮອງປະທານສະມາຄົມມິດຕະພາບ ລາວ-ກູບາ ແລະ ທ່ານ ນາງ ແອນນາ ເອັດເຕ ວຽງ ວາເດຣ (Enna Esther Viant Valdes) ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສ.ກູບາ ປະຈໍາ ສປປ ລາວ. ນອກຈາກນັ້ນຍັງມີບັນດາ ທ່ານ ຄະນະບໍລິຫານງານສະມາຄົມມິດຕະພາບລາວ - ກູບາ, ຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ, ຜູ້ຕາງໜ້າຈາກອໍານາດການປົກຄອງເມືອງໄຊທານີ, ອະດິດນັກສຶກສາລາວຈົບຈາກ ກູບາ, ຄູອາຈານ, ນັກຮຽນໂຮງຮຽນ ມສ. ດົງບັງ ມິດຕະພາບ ລາວ-ກູບາ ແລະ ອຳນາດການປົກຄອງບ້ານດົງບັງ, ເມືອງໄຊທານີ, ນະຄອນຫຼວງວຽງຈັນ ກໍໃຫ້ກຽດເຂົ້າຮ່ວມຢ່າງພ້ອມພຽງ.
ໃນພິທີດັ່ງກ່າວ ແມ່ນເປັນການສະແດງເຖິງຄວາມເຄົາລົບຮັກ, ກະຕັນຍູຮູ້ບຸນຄຸນອັນໃຫ່ຍຫຼວງຕໍ່ ທ່ານ ໂຮເຊ ມາກຕີ, ຜູ້ທີ່ໄດ້ເສຍສະຫຼະເພື່ອການປະຕິວັດຂອງກູບາ, ທັງເປັນການສະແດງເຖິງການຮັດແໜັນສາຍພົວພັນມິດຕະ ພາບ ແລະ ການຮ່ວມມືທີ່ມີມູນເຊື້ອອັນດີງາມລະຫວ່າງ 2 ພັກ, 2 ລັດ, ປະຊາຊົນ 2 ຊາດລາວ ແລະ ກູບາ ກໍຄື 2 ສະມາຄົມມິດຕະພາບ ລາວ-ກູບາ ແລະ ກູບາ-ລາວໃຫ້ນັບມື້ມີບາດກ້າວໃໝ່ ແລະ ເພື່ອເຮັດໃຫ້ນັກຮຽນນັກສຶກສາ, ປະຊາຊົນລາວຮັບຮູ້ ແລະ ເຂົ້າໃຈເຖິງປະຫວັດສາດແຫ່ງການຕໍ່ສູ້ປະຕິວັດອັນກ້າແກ່ນເປັນຈິດໜຶ່ງໃຈດຽວຂອງປະຊາຊົນກູບາ ແລະ ໝາກຜົນຂອງສາຍພົວພັນມິດຕະພາບ, ການຮ່ວມມືທີ່ເປັນມູນເຊື້ອ ອັນດີງາມ ລະຫວ່າງ ລາວ-ກູບາ ແລະ ທັງເປັນໂອກາດຮຽນຮູ້ກ່ຽວກັບຊີວິດ ແລະ ການເຄື່ອນໄຫວປະຕິວັດ ຂອງ ທ່ານ ໂຮເຊ ມາກຕີ, ວິລະຊົນແຫ່ງຊາດກູບາດັ່ງກ່າວ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20