ຄະນະພົວພັນຕ່າງປະເທດສູນກາງພັກ

ການຈັດກິດຈະກຳບໍລິຈາກເລືອດ ເພື່ອຊົມເຊີຍ ວັນຊາດ ວັນທີ 02 ທັນວາ ຄົບຮອບ 47 ປີ, ວັນເກີດ ປະທານ ໄກສອນ ພົມວິຫານ ຄົບຮອບ 102 ປີ ວັນສ້າງຕັ້ງຄະນະພົວພັນຕ່າງປະເທດສູນກາງພັກ ຄົບຮອບ 40 ປີ

ເຜີຍແຜ່ໂດຍ: editor ເວລາ: 09/12/2022 10:39:52 ຈຳນວນຢ້ຽມຊົມ 768 ຄັ້ງ

ການຈັດກິດຈະກຳບໍລິຈາກເລືອດ ເພື່ອຊົມເຊີຍ ວັນຊາດ ວັນທີ 02 ທັນວາ ຄົບຮອບ 47 ປີ, ວັນເກີດ ປະທານ ໄກສອນ ພົມວິຫານ ຄົບຮອບ 102 ປີ ວັນສ້າງຕັ້ງຄະນະພົວພັນຕ່າງປະເທດສູນກາງພັກ ຄົບຮອບ 40 ປີ ອົງການຈັດຕັ້ງແມ່ຍິງ

...................................

ໃນວັນທີ 08 ທັນວາ 2022, ອົງການຈັດຕັ້ງແມ່ຍິງ, ກຳມະບານ ແລະ ຊາວໜຸ່ມ ຄະນະພົວພັນຕ່າງປະ ເທດສູນກາງພັກ ຮ່ວມກັບອົງການກາແດງແຫ່ງຊາດລາວ ໄດ້ຈັດກິດຈະກຳບໍລິຈາກເລືອດ ທີ່ສຳນັກງານຄະນະພົວ ພັນຕ່າງປະເທດສູນກາງພັກ, ພາຍໃຕ້ຄຳຂວັນ “ເນື່ອງໃນໂອກາດຊົມເຊີຍ ວັນຊາດ ວັນທີ 2 ທັນວາ ຄົບຮອບ 47 ປີ, ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 102 ປີ ແລະ ວັນສ້າງຕັ້ງຄະນະພົວພັນຕ່າງປະເທດສູນກາງພັກ ຄົບຮອບ 40 ປີ ອົງການຈັດຕັ້ງແມ່ຍິງ, ກໍາມະບານ, ຊາວໜຸ່ມ ຄະນະພົວພັນຕ່າງປະເທດສູນກາງພັກ ຂໍເຊີນຊວນທຸກໆ ສະຫາຍ ຮ່ວມບໍລິຈາກເລືອດ BLOOD DONATION”. ເຂົ້າຮ່ວມກິດຈະກໍາຄັ້ງນີ້ ເປັນກຽດເຂົ້າຮ່ວມໂດຍ ສະຫາຍ ທອງສະຫວັນ ພົມວິຫານ, ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ, ປະທານສະຫະພັນແມ່ຍິງຄະນະພົວພັນຕ່າງປະເທດສູນກາງພັກ ແລະ ສະຫາຍ ດຣ ຈັນທະລາ ສຸກສາຄອນ, ຫົວໜ້າສະຖາບັນເລືອດແຫ່ງຊາດ ແລະ ບັນດາອົງການຈັດຕັ້ງອ້ອມຂ້າງສູນກາງພັກ ພ້ອມດ້ວຍສະມາຊິກສະຫະພັນແມ່ຍິງ, ກຳມະບານ ແລະ ຊາວໜຸ່ມ, ພາຍໃນຄະນະພົວພັນຕ່າງປະເທດສູນກາງພັກ ພ້ອມບັນດາຜູ້ເຂົ້າຮ່ວມບໍລິຈາກເລືອດຈາກບັນດາອົງການຈັດຕັ້ງອ້ອມຂ້າງສູນກາງພັກ ມີທັງໝົດ 101 ສະຫາຍ ເຂົ້າຮ່ວມ.
ໃນກິດຈະກຳດັ່ງກ່າວ ເປັນກຽດກ່າວເປີດພິທີໂດຍ ສະຫາຍ ທອງສະຫວັນ ພົມວິຫານ, ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ ໂດຍໄດ້ຕີລາຄາສູງ ແລະ ສະແດງຄວາມຊົມເຊີຍຕໍ່ການຈັດກິດຈະກຳດັ່ງກ່າວຂອງ 3 ອົງການຈັດຕັ້ງມະຫາຊົນ ຂອງຄະນະພົວພັນຕ່າງປະເທດສູນກາງພັກ ຮ່ວມກັບ ອົງການກາແດງແຫ່ງຊາດລາວ ເພື່ອເປັນການຊົມເຊີຍ ເນື່ອງໃນໂອກາດວັນສຳຄັນຂອງພັກຂອງຊາດ ກໍຄື ວັນຊາດ ວັນທີ 2 ທັນວາ, ວັນຄ້າຍວັນເກີດ ປະທານ ໄກສອນ ພົມວິຫານ ແລະ ວັນສ້າງຕັ້ງຄະນະພົວພັນຕ່າງປະ ເທດສູນກາງພັກ ຄົບຮອບ 40 ປີ ທີ່ມີຄວາມໝາຍສຳຄັນ. ພ້ອມທັງຍົກໃຫ້ເຫັນເຖິງກິດຈະກຳດັ່ງກ່າວ ແມ່ນເປັນການຊຸກຍູ້ວຽກງານມະນຸດສະທຳຂອງປະເທດເຮົາ ແລະ ຊ່ວຍເຫຼືອເພື່ອນມະນຸດນຳກັນ; ທັງເປັນການເຕົ້າໂຮມຄວາມສາມັກຄີ,ການຮ່ວມມື ແລະ ຄວາມເປັນມິດທີ່ດີ ຈາກບັນດາອົງການຂອງສູນກາງພັກ ແລະ ອົງການຈັດຕັ້ງມະຫາຊົນຂັ້ນສູນກາງ ລວມທັງກະຊວງການຕ່າງປະເທດ ເພື່ອເຮັດໃຫ້ວຽກຊ່ວຍເຫຼືອສັງຄົມ ກໍຄືວຽກງານຂອງອົງການຈັດຕັ້ງມະຫາຊົນ ແລະ ການປະສານງານວຽກວິຊາສະເພາະໃຫ້ມີຜົນສຳເລັດຮ່ວມກັນ. ນອກນີ້, ທັງເປັນການຍົກໃຫ້ເຫັນການເຄື່ອນໄຫວດັ່ງກ່າວ ແມ່ນເພື່ອໃຫ້ບັນລຸບັນດາຂໍ້ແຂ່ງຂັນຂອງທັງ 3 ອົງການຈັດຕັ້ງມະຫາຊົນ ເປັນ ຕົ້ນ ຂໍ້ແຂ່ງຂັນ 3 ດີ ຂອງສະຫະພັນແມ່ຍິງ, ຂໍ້ແຂ່ງຂັນ 5 ເປັນເຈົ້າ ຂອງສະຫະພັນກຳມະບານ ແລະ ຂໍ້ແຂ່ງຂັນ 4 ບຸກ ຂອງຊາວໜຸ່ມ.