ສະຫະພັນກໍາມະບານ ຄຕພ ຈັດກອງປະຊຸມຄົບຄະນະບໍລິຫານງານ ຄັ້ງທີ 3 ສະໄໝທີ I
ເຜີຍແຜ່ໂດຍ: editor ເວລາ: 01/12/2022 09:34:27 ຈຳນວນຢ້ຽມຊົມ 595 ຄັ້ງ ໃນວັນທີ 28/11/2022, ສະຫະພັນກໍາມະບານ ຄະນະພົວພັນຕ່າງປະເທດສູນກາງພັກ ໄດ້ຈັດກອງປະຊຸມເປີດກ້ວາງຄົບຄະນະບໍລິຫານງານສະຫະພັນກໍາມະບານ ຄຕພ ຄັ້ງທີ 3 ສະໄໝທີ I ໂດຍການໃຫ້ກຽດເຂົ້າຮ່ວມ ແລະ ເປັນປະທານ ຂອງສະຫາຍ ວາລະໄຊ ເລັ່ງສະຫວັດ, ກໍາມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ ຜູ້ຊີ້ນໍາວຽກງານອົງການຈັດຕັ້ງມະຫາຊົນ; ມີບັນດາ ສະຫາຍ ຄະນະບໍລິຫານງານສະຫະພັນກໍາມະບານ ຄຕພ; ບັນດາ ສະຫາຍ ໃນຄະນະກໍາມະບານຮາກຖານຈາກກົມຕ່າງໆ; ບັນດາ ສະຫາຍ ເລຂາໜ່ວຍພັກ ແລະ ຜູ້ຕາງໜ້າຈາກອົງການຈັດຕັ້ງແມ່ຍິງ ແລະ ຊາວໜຸ່ມ ອ້ອມຂ້າງ ຄຕພ ເຂົ້າຮ່ວມ.
ໃນພິທີ ສະຫາຍ ເກີລໍ່ ຢາງກໍ່, ກໍາມະການຄະນະພັກ ຄຕພ, ກໍາມະການຄະນະບໍລິຫານງານສູນກາງສະຫະ ພັນກໍາມະບານລາວ, ປະທານຄະນະບໍລິຫານງານສະຫະພັນກໍາມະບານ ຄຕພ ໄດ້ກ່າວເປີດກອງປະຊຸມ, ຈາກນັ້ນ ສະຫາຍ ຫົງແກ້ວ ສຸກສະຫວັດ, ຮອງປະທານສະຫະພັນກໍາມະບານ ຄຕພ ແລະ ສະຫາຍ ສິງຫານະຄອນ ສີຫາລາດ, ກໍາມະການຄະນະບໍລິຫານງານສະຫະພັນກໍາມະບານ ຄຕພ ໄດ້ຜັນປ່ຽນກັນ ຜ່ານບົດສະຫຼຸບຕີລາຄາການຈັດຕັ້ງປະຕິ ບັດ ແລະ ການເຄື່ອນໄຫວໜ້າທີ່ວຽກງານກໍາມະບານປະຈໍາປີ 2022 ແລະ ທິດທາງແຜນການໃນປີ 2023 ແລະ ບົດສະຫຼຸບຜົນການປະເມີນຜົນເນື້ອໃນຂໍ້ແຂງຂັນ 5 ເປັນເຈົ້າ ຂອງຄະນະບໍລິຫານງານສະຫະພັນກໍາມະບານ ຄະນະພົວພັນຕ່າງປະເທດສູນກາງພັກ. ຜູ້ເຂົ້າຮ່ວມໄດ້ມີການປະກອບຄໍາເຫັນຢ່າງກົງໄປກົງຕໍ່ ບົດສະຫຼຸບດັ່ງກ່າວ ເຮັດໃຫ້ມີເນື້ອໃນຄົບຖ້ວນ ແລະ ອຸດົມສົມບຸນ. ກອງປະຊຸມໄດ້ຮັບຟັງການໂອ້ລົມຈາກ ສະຫາຍ ວາລະໄຊ ເລັ່ງສະຫວັດ, ກໍາມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ ຜູ້ຊີນໍາວຽກງານອົງການຈັດຕັ້ງມະຫາຊົນ ທີ່ໄດ້ສະແດງຄວາມຊົມເຊີຍຕໍ່ຜົນງານຂອງສະຫະພັນກໍາມະບານ ຄຕພ ທີ່ຍາດມາໄດ້ ແລະ ທັງໃຫ້ເອົາໃຈໃສ່ປະຕິບັດກົດໝາຍກໍຄືກົດລະບຽບຂອງສູນກາງສະຫະພັນກໍາມະບານລາວ ວາງອອກຢ່າງເຂັ້ມງວດ ເປັນຕົ້ນແມ່ນ ໃຫ້ເອົົາໃຈໃສ່ປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ, ເອົາໃຈໃສ່ປະຕິບັດລະບອບການດໍາເນີນຊີວິດການເມືອງໃຫ້ເປັນປົກກະຕິ.
ກອງປະຊຸມ ໄດ້ມີຄວາມເປັນເອກະພາບກັນຮັບຮອງເອົາບົດສະຫຼຸບການເຄື່ອນໄຫວປະຈໍາປີ 2022 ແລະ ທິດທາງທາງແຜນປີ 2023; ຜົນການປະເມີນຜົນເນື້ອນໃນຂໍ້ແຂ່ງຂັນ 5 ເປັນເຈົ້າ ປະຈໍາປີ 2022; ຮັບຮອງການແຕ່ງຕັ້ງຄະນະກໍາມະບານຮາກຖານ ຫ້ອງການ ຄຕພ ແລະ ກົມຈັດຕັ້ງ-ພະນັກງານ ທົດແທນຕໍາແໜ່ງທີ່ຫວ່າງ ແລະ ກອງປະຊຸມມີຄວາມຍິນດີຈະນໍາເອົາເນື້ອໃນທິດຊີ້ນໍາຂອງສະຫາຍ ວາລະໄຊ ເລັ່ງສະຫວັດ, ກໍາມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ ຜູ້ຊີນໍາວຽກງານອົງການຈັດຕັ້ງມະຫາຊົນ ໄປຜັນຂະຫຍາຍເຂົ້າສູ່ໜ້າທີ່ວຽກງານຕົວໃຫ້ເປັນຮູບປະທໍາ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20