ຮອງຫົວໜ້າ ຄຕພ ຕ້ອນຮັບການເຂົ້າຢ້ຽມຂ່ຳນັບ ຂອງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງເວເນຊູເອລາ ຄົນໃໝ່ ປະຈໍາ ສປປ ລາວ
ເຜີຍແຜ່ໂດຍ: editor ເວລາ: 11/11/2022 09:52:23 ຈຳນວນຢ້ຽມຊົມ 837 ຄັ້ງ ໃນຕອນເຊົ້າຂອງວັນທີ 9 ພະຈິກ 2022 ທີ່ສຳນັກງານ ຄະນະພົວພັນຕ່າງປະເທດສູນກາງພັກ, ທ່ານ ສົມພອນ ສີຈະເລີນ, ຮອງຫົວໜ້າຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ນ. ຕາເຕຍນາ ໂຮເຊຟີນາ ປຸກ ໂມເຣໂນ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ເວເນຊູເອລາ ປະຈຳ ສປປ ລາວ (ທີ່ມີສຳນັກງານຕັ້ງຢູ່ ສສ ຫວຽດນາມ), ເນື່ອງໃນໂອກາດທີ່ເດີນທາງມາຍື່ນສານຕາຕັ້ງ ທີ່ ສປປ ລາວ.
ທ່ານ ສົມພອນ ສີຈະເລີນ ໄດ້ສະແດງຄວາມຊົມເຊີຍ ທ່ານ ນ. ຕາເຕຍນາ ໂຮເຊຟີນາ ປຸກ ໂມເຣໂນ ທີ່ໄດ້ຮັບມອບໝາຍໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ເວເນຊູເອລາ ປະຈຳ ສປປ ລາວ ຄົນໃໝ່ ແລະ ສະແດງຄວາມເຊື່ອໝັ້ນວ່າ ທ່ານ ເອກອັກຄະລັດຖະທູດຄົນໃໝ່ ຈະສືບຕໍ່ໃຫ້ການຮ່ວມມື ແລະ ປະສານສົມທົບຢ່າງແໜ້ນແຟ້ນກັບ ຄະນະພົວພັນຕ່າງປະເທດສູນກາງພັກ ໃນການປະຕິບັດໜ້າທີ່ເປັນຂົວຕໍ່ປະສານງານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ເວເນຊູເອ ລາ-ລາວ ເພື່ອປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ເວເນຊູເອລາ ໃຫ້ນັບມື້ນັບມີປະສິດທິຜົນຍິ່ງໆຂຶ້ນ.
ທ່ານ ນ. ຕາເຕຍນາ ໂຮເຊຟີນາ ປຸກ ໂມເຣໂນ ໄດ້ສະແດງຄວາມຂອບໃຈເປັນຢ່າງສູງ ຕໍ່ການຕ້ອນຮັບຂອງ ຮອງຫົວໜ້າຄະນະພົວພັນຕ່າງປະເທດສູນກາງພັກໃນໂອກາດທີ່ຕົນມາຮັບໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ເວເນຊູເອລາ ປະຈຳ ສປປ ລາວ ຄົນໃໝ່ ແລະ ເນັ້ນໜັກວ່າ ຈະເຮັດສຸດຄວາມສາມາດຂອງຕົນ ເພື່ອປະຕິບັດໜ້າທີ່ວຽກງານການທູດ ໃນການເປັນຂົວຕໍ່ປະສານສົມທົບ ກັບ ຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ ກໍ່ຄືບັນດາກະຊວງ, ອົງການຂັ້ນສູນກາງ ແລະ ທ້ອງຖິ່ນຂອງລາວ ເພື່ອປະກອບສ່ວນເຂົ້າໃນການເພີ່ມພູນຄູນສ້າງ ໃຫ້ສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດເວເນຊູເອລາ - ລາວ ໃຫ້ນັບມື້ແຕກດອກອອກຜົນຍີ່ງໆຂື້ນ.
ໃນຕອນທ້າຍ ທ່ານ ສົມພອນ ສີຈະເລີນ ໄດ້ອວຍພອນໃຫ້ ທ່ານ ທູດ ຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດໃນການປະຕິບັດໜ້າທີ່ການທູດອັນມີກຽດສູງສົ່ງຂອງຕົນ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20