ຜົນສຳເລັດການຢ້ຽມຢາມ ແລະ ເຮັດວຽກ ຢູ່ ສສ ຫວຽດນາມ ຂອງຄະນະສັນຕິພາບ ແລະ ສາມັກຄີ ຂອງລາວ
ເຜີຍແຜ່ໂດຍ: editor ເວລາ: 11/10/2022 14:34:31 ຈຳນວນຢ້ຽມຊົມ 730 ຄັ້ງ ໂດຍຕອບສະໜອງຕາມການເຊີນ ຂອງ ຄະນະສັນຕິພາບ ຫວຽດນາມ, ຄະນະຜູ້ແທນຄະນະສັນຕິພາບ ແລະ ສາມັັກຄີຂອງລາວ ນຳໂດຍ ສະຫາຍ ສົມມາດ ພົລເສນາ, ກຳມະການສູນກາງພັກ, ຮອງປະທານສະພາແຫ່ງຊາດ, ປະທານຄະນະສັນຕິພາບ ແລະ ສາມັກຄີ ຂອງລາວ ໄດ້ເດີນທາງໄປຢ້ຽມຢາມ ແລະ ເຮັດວຽກຢູ່ ສສ ຫວຽດນາມ ແຕ່ວັນທີ 4-9 ຕຸລາ 2022.
ໃນວັນທີ 5 ຕຸລາ 2022, ຄະນະຜູ້ແທນຄະນະສັນຕິພາບ ແລະ ສາມັກຄີ ຂອງ ລາວ ໄດ້ເຂົ້າຢ້ຽມຂ່ຳນັບ ສະຫາຍ ເຈີນ ແທງ ເມີ້ນ, ກຳມະການກົມການເມືອງສູນກາງພັກ, ຮອງປະທານຜູ້ປະຈຳການສະພາແຫ່ງຊາດ, ປະທານຄະນະມິດຕະພາບລັດຖະສະພາ ຫວຽດນາມ-ລາວ. ສອງຝ່າຍ ໄດ້ຕີລາຄາສູງການພົວພັນຮ່ວມມືລະຫວ່າງສອງປະ ເທດ, ການນຳຂັ້ນສູງຂອງ ພັກ, ລັດ, ທຸກຂົງເຂດ, ຂະແໜງການຂອງ ສອງປະເທດ ລາວ - ຫວຽດນາມ ໄດ້ແລກປ່ຽນ ການຢ້ຽມຢາມໄປມາຫາສູ່ກັນ ແລະ ຮ່ວມມືກັນຢ່າງມີຜົນສໍາເລັດ ສະແດງໃຫ້ເຫັນເຖິງສາຍພົວພັນມິດຕະພາບອັນ ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນ ສອງຊາດ ລາວ - ຫວຽດນາມ ໄດ້ຮັບການເສີມຂະຫຍາຍທັງທາງກ້ວາງ ແລະ ທາງເລິກ, ສວຍສົດງົດງາມ ແລະ ເກີດດອກອອກ ຜົນນຳເອົາຜົນປະໂຫຍດຕົວຈິງ ມາສູ່ປະຊາຊົນສອງຊາດ ລາວ ແລະ ຫວຽດນາມ.
ນອກນັ້ນ, ຜູ້ແທນ ຄະນະສັນຕິພາບ ແລະ ສາມັກຄີ ຂອງລາວ ຍັງໄດ້ພົບປະເຮັດວຽກ ກັບ ສະຫາຍ ອວງ ຈູລິວ, ອາດີດກຳມະການສູນກາງພັກ, ຮອງປະທານສະພາແຫ່ງຊາດ, ປະທານຄະນະສັນຕິພາບ ຫວຽດນາມ ແລະ ສະຫາຍ ຫງວຽນ ເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດ ນາມ. ໃນການພົບປະສອງຝ່າຍ ໄດ້ຕີລາຄາການພົວພັນຮ່ວມມືໃນໄລຍະຜ່ານມາ, ປຶກສາຫາລື, ແລກປ່ຽນຂໍ້ມູນຂ່າວສານ ແລະ ທັດສະນະ ຕໍ່ບັນຫາ ແລະ ສະພາບການພາກພື້ນ ແລະ ສາກົນ. ພ້ອມກັນນັ້ນ ສອງຝ່າຍ ໄດ້ແຈ້ງສະພາບການອັນພົ້ນເດັ່ນການ ພັດທະນາເສດຖະກິດ-ສັງຄົມ ຂອງແຕ່ລະປະເທດໃຫ້ກັນຊາບ ແລະ ຍັງເຫັນດີເປັນເອກະພາບ ຈະສືບຕໍ່ການແລກ ປ່ຽນຢ້ຽມຢາມ, ສະໜອງຂໍ້ມູນຂ່າວສານ, ສະໜັບສະ ໜູນເຊິ່ງກັນ ແລະ ກັນ ໃນການເຄື່ອນໄຫວໃນເວທີພາກພື້ນ ແລະ ສາກົນ, ຮ່ວມມືກັນດວ້ຍຫລາຍຮູບ ການ ແລະ ຫລາຍວິທີ ເພື່ອເຮັດໃຫ້ການພົວພັນມີສີສັນ ແລະ ມີປະສິດທິພາບ ແລະ ປະສິດທິຜົນເພີ່ມຂຶ້ນ.
ນອກຈາກພົບປະເຮັດວຽກຢູ່ນະຄອນຫຼວງຮ່າໂນ້ຍ, ຄະນະຜູ້ແທນ ຍັງໄດ້ຢ້ຽມຢາມ ແລະ ພົບປະການນໍາແຂວງ ທ້າຍຫງວຽນ, ແຂວງຕຽນກວາງ ແລະ ຢ້ຽມຢາມ ສະຖານທີ່ທ່ອງທ່ຽວປະຫັວດສາດ, ວັດທະນະທໍາຈໍານວນໜຶ່ງ, ເຊິ່ງການໄປຢ້ຽມຢາມແຕ່ລະບ່ອນແມ່ນໄດ້ຮັບການຕ້ອນຮັບຢ່າງອົບອຸ່ນ ແລະ ອຳນວຍຄວາມສະດວກເປັນຢ່າງດີ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20