ຄະນະຜູ້ແທນພັກ ປປ ລາວ ເຂົ້າຮ່ວມກອງປະຊຸມ “2022 ເວທີປາໄສປັກກິ່ງ ກ່ຽວກັບ ສິດທິມະນຸດ” ໂດຍຜ່ານຮູບແບບວີດີໂອທາງໄກ

ເຜີຍ​ແຜ່​ໂດຍ​: editor ເວ​ລາ: 29/07/2022 15:04:44 ຈຳ​ນວນ​​ຢ້ຽມ​ຊົມ 574 ຄັ້ງ ​

       ໃນວັນທີ 26 ກໍລະກົດ 2022 ຄະນະຜູ້ແທນພັກ ປປ ລາວ ນຳໂດຍ ສະຫາຍ ປອ. ບຸນສີ ພຸດທະວົງ, ຮອງຫົວ     ໜ້າສະຖາບັນຄົ້ນຄວ້າສັງຄົມວິທະຍາ, ສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ ພ້ອມດ້ວຍຄະນະ  ໄດ້ເຂົ້າຮ່ວມກອງປະຊຸມ “2022 . ເວທີປາໄສປັກກິ່ງ ກ່ຽວກັບ ສິດທິມະນຸດ” ໂດຍຜ່ານຮູບແບບວີດີໂອທາງໄກ ຢູ່ທີ່ນະ ຄອນຫຼວງປັກກິ່ງ ໂດຍການເປັນເຈົ້າພາບຮ່ວມຂອງ ສະຖາບັນຄົ້ນຄວ້າສິດທິມະນຸດຂອງຈີນ ແລະ ກອງທຶນເພື່ອການພັດ ທະນາສິດທິມະນຸດຂອງຈີນ.

       ກອງປະຊຸມດັ່ງກ່າວໄດ້ດໍາເນີນໄປພາຍໃຕ້ຫົວຂໍ້ຫຼັກ “ເຮັດວຽກຮ່ວມກັນເພື່ອກ້າວໄປສູ່ການຄຸ້ມຄອງສິດທິມະ ນຸດສາກົນ ທີ່ເປັນທຳ ແລະ ຍຸດຕິທຳ ກວ່າເກົ່າ, ສົມເຫດສົມຜົນ ແລະ ຮອບດ້ານ” ແລະ ຫົວຂໍ້ຍ່ອຍ “ການພັດທະນາແບບຍືນຍົງ ແລະ ການປົກປ້ອງສິດທິມະນຸດ”, “ປະຊາທິປະໄຕ ແລະ ການປົກປ້ອງສິດທິມະນຸດ”, “ຄວາມໝັ້ນຄົງສາທາ ລະນະສຸກ ແລະ ການປົກປ້ອງສິດທິມະນຸດ”, ແລະ “ລັດທິຫຼາຍຝ່າຍ ແລະ ການຄຸ້ມຄອງສິດທິມະນຸດສາກົນ”. ຄະນະຜູ້ແທນທີ່ເຂົ້າຮ່ວມໃນກອງປະຊຸມຄັ້ງນີ້ ແມ່ນບັນດາຊ່ຽວຊານ, ນັກຄົ້ນຄວ້າ ແລະ ວິຊາການ ທັງໝົດ 192 ທ່ານ ທີ່ມາຈາກຂະແໜງການກ່ຽວຂ້ອງ ຈາກ 68 ປະເທດໃນທົ່ວໂລກ.

---