ຄະນະພົວພັນຕ່າງປະເທດສູນກາງພັກ ເຜີຍແຜ່ເຊື່ອມຊຶມມະຕິກອງປະຊຸມໃຫຍ່ ຄັ້ງທີ II ຂອງອົງຄະນະພັກ ຄະນະພົວພັນຕ່າງປະເທດສູນກາງພັກ ແລະ ວັນສໍາມະກອນສາກົນ ຄົບຮອບ 136 ປີ.

ເຜີຍ​ແຜ່​ໂດຍ​: editor ເວ​ລາ: 15/07/2022 11:11:04 ຈຳ​ນວນ​​ຢ້ຽມ​ຊົມ 383 ຄັ້ງ ​

       ໃນວັນທີ 12 ພຶດສະພາ 2022, ຄະນະພົວພັນຕ່າງປະເທດສູນກາງພັກ (ຄຕພ) ໄດ້ຈັດຕັ້ງເຜີຍແຜ່ ເຊື່ອມຊືມມະຕິກອງປະຊຸມໃຫຍ່ສະມາຊິກພັກ ຄັ້ງທີ II ຂອງອົງຄະນະພັກ ຄະນະພົວພັນຕ່າງປະເທດສູນກາງພັກ ແລະ ວັນກໍາມະກອນສາກົນ ຄົບຮອບ 136 ປີ ໂດຍການເປັນປະທານຂອງ ສະຫາຍ ທອງສະຫວັນ ພົມວິຫານ, ກໍາມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ ແລະ ໄດ້ມີບັນດາສະຫາຍ ໃນຄະນະບໍລິຫານງານພັກ, ສະມາຊິກພັກ - ພະນັກງານ ​ທົ່ວຄະນະພົວພັນຕ່າງປະເທດສູນກາງພັກ ເຂົ້າຮ່ວມຢ່າງພ້ອມພຽງ.

       ໃນພິທີ ສະຫາຍ ທອງສະຫວັນ ພົມວິຫານ, ກໍາມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ໃຫ້ກຽດເຜີຍແຜ່ມະຕິກອງປະຊຸມໃຫຍ່ສະມາຊິກພັກ ຄັ້ງທີ II ຂອງອົງຄະນະພັກ ຄະນະພົວພັນຕ່າງປະເທດສູນກາງພັກ ໂດຍໄດ້ຕີລາຄາການຈັດຕັ້ງປະຕິບັດຜົນຂອງກອງປະຊຸມໃຫຍ່ສະມາຊິກພັກ ຂອງອົງຄະນະພັກ ຄະນະພົວພັນຕ່າງປະເທດສູນກາງພັກ ຄັ້ງທີ I, ການຈັດຕັ້ງປະຕິບັດຮອບດ້ານ ແລະ ເລິກເຊິ່ງ ໂດຍສະເພາະແມ່ນການຕີລາຄາຜົນໄດ້ຮັບ ແລະ ຂໍ້ຄົງຄ້າງ, ທິດທາງໜ້າທີ່ ແລະ ວຽກງານຈຸດສຸມທີ່ມະຕິກອງປະຊຸມໃຫຍ່ຄັ້ງທີ II ຂອງອົງຄະນະພັກ ຄຕພ ວາງອອກ ເພື່ອນໍາໄປຜັນຂະຫຍາຍໃຫ້ປະກົດຜົນເປັນຈິງ ໂດຍຫັນເປັນແຜນງານ, ໂຄງການລະອຽດ, ມີແຜນວຽກຈຸດສຸມ ໃນແຕ່ລະໄລຍະ.

       ຫຼັງຈາກນັ້ນ, ສະຫາຍ ວາລະໄຊ ເລັ່ງສະຫວັດ, ກໍາມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ ຜູ້ຊີ້ນໍາວຽກງານອົງການຈັດຕັ້ງມະຫາຊົນ ຂອງ ຄຕພ ໄດ້ຫວນຄືນ​ມູນ​ເຊື້ອປະຫວັດສາດວັນກໍາມະກອນສາກົນ ຄົບຮອບ 136 ປີ ໂດຍສະຫາຍໄດ້ເນັ້ນເຖິງ​ຄວາມ​ເປັນ​ມາ, ຄວາມໝາຍ, ຄວາມ​ສຳຄັນ ແລະ ການເຕີບໃຫຍ່ຂະຫຍາຍຕົວຂອງ ອົງການຈັດຕັ້ງກຳມະບານລາວ ທີ່ໄດ້ເສີມຂະຫຍາຍທາດແທ້, ລັກສະນະດີເລີດຂອງຊາວຜູ້ອອກແຮງງານ ແນໃສ່ເພື່ອໃຫ້ສະມາຊິກພັກ, ພະນັກງານ ແລະ ສະມາຊິກກຳມະບານ ພາຍໃນ ຄຕພ ໄດ້ຮັບຮູ້ ແລະ ເຂົ້າໃຈຕໍ່ວັນສຳຄັນດັ່ງກ່າວ. ໂອກາດດັ່ງກ່າວສະຫາຍ ຍັງໄດ້ຮຽກຮ້ອງ​ໃຫ້​ ​ສະມາຊິກກຳມະບານ

       ພາຍໃນ ຄຕພ ​ເພີ່ມ​ທະວີ ​ເອົາ​ໃຈ​ໃສ່​ວຽກງານ ສຶກສາ​ອົບຮົມ​ການ​ເມືອງ-​ແນວ​ຄິດ, ມີ​ຄວາມ​ສາມັກຄີ​ ຊ່ວຍ​ເຫລືອ​ເຊິ່ງກັນ ​ແລະ ກັນ, ນຳ​ເອົາ​ເນື້ອ​ໃນ​ຈິດ​ໃຈຂໍ້​ແຂ່ງຂັນ 5 ​ເປັນ​ເຈົ້າຄື: 1) ເປັນເຈົ້າການຝຶກຝົນຫຼໍ່ຫຼອມທາງດ້ານການເມືອງ-ແນວຄິດ; 2) ເປັນເຈົ້າການປະຕິບັດກົດໝາຍ ແລະ ລະບຽບການຂອງລັດ; 3) ເປັນເຈົ້າການພັດທະນາຕົນເອງ ແລະ ການຈັດຕັ້ງ; 4) ເປັນເຈົ້າການປົກປ້ອງສິດ ແລະ ຜົນປະໂຫຍດອັນຊອບທໍາ; 5) ເປັນເຈົ້າການປະຕິບັດໜ້າທີ່ວິຊາສະເພາະຢ່າງປະດິດສ້າງ ທີ່​ສູນ​ກາງ​ສະຫະພັນ​ກຳມະບານວາງ​ອອກ ເພື່ອ​ນຳ​ໄປ​ຜັນ​ຂະຫຍາຍ ແລະ ຈັດ​ຕັ້ງ​ປະຕິບັດ ​ຢູ່​ພາຍ​ໃນ ກຳມະບານ​ຮາກ​ຖານ​ ຂອງ​ຕົນ ​ໃຫ້​ນັບ​ມື້​ໄດ້​ຮັບ​ຜົນ​​ດີ​ຂຶ້ນ​ເລື້ອຍໆ.

---