ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບການເຂົ້າຢ້ຽມຂ່ຳນັບ ຂອງເອກອັກຄະລັດຖະທູດສ.ກູບາ ຄົນໃໝ່
ເຜີຍແຜ່ໂດຍ: admin ເວລາ: 09/05/2022 10:06:28 ຈຳນວນຢ້ຽມຊົມ 957 ຄັ້ງ ໃນຕອນເຊົ້າຂອງວັນທີ 26 ເມສາ 2022, ທີ່ສຳນັກງານ ຄະນະພົວພັນຕ່າງປະເທດສູນກາງພັກ, ສະຫາຍທອງສະຫວັນ ພົມວິຫານ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວໄດ້ຕ້ອນຮັບການເຂົ້າຢ້ຽມຂ່ຳນັບຂອງສະຫາຍນ. ເອັກນາ ເວຍ ວາລເດດສ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ.ກູບາປະຈຳສປປລາວໃນໂອກາດທີ່ມາຮັບໜ້າທີ່ໃໝ່ຢູ່ສປປລາວ.
ສະຫາຍທອງສະຫວັນ ພົມວິຫານ ໄດ້ສະແດງຄວາມຊົມເຊີຍ ສະຫາຍນ. ເອັກນາ ເວຍ ວາລເດດສ ທີ່ໄດ້ຮັບມອບໝາຍໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງສ.ກູບາປະຈຳ ສປປລາວຄົນໃໝ່; ຕີລາຄາສູງຕໍ່ການພົວພັນ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ສ. ກູບາ ກໍ່ຄື ລະ ຫວ່າງ ພັກປະຊາຊົນປະຕິວັດລາວ ແລະ ພັກກອມມູນິດກູບາ ທີ່ນັບມື້ໄດ້ຮັບການເສີມຂະຫຍາຍ ແລະ ແໜ້ນແຟ້ນຍິ່ງໆຂຶ້ນ, ສະແດງຄວາມເຊື່ອໝັ້ນວ່າ ສະຫາຍ ເອກອັກຄະລັດຖະທູດຄົນໃໝ່ຈະສືບຕໍ່ໃຫ້ການຮ່ວມມື ແລະ ປະສານສົມທົບຢ່າງແໜ້ນແຟ້ນ ກັບ ຄະນະພົວພັນຕ່າງປະເທດສູນກາງພັກໃນການປະຕິບັດໜ້າທີ່ເປັນຂົວຕໍ່ປະສານງານ ລະຫວ່າງ ພັກ, ລັດຂອງສອງປະເທດ ກູບາ-ລາວ ເວົ້າລວມ, ເວົ້າສະເພາະ ລະຫວ່າງ ບັນດາອົງການຈັດຕັ້ງຂອງພັກ, ອົງການຈັດຕັ້ງມະຫາຊົນຂອງລາວແລະກູບາເພື່ອປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອລະຫວ່າງສອງປະເທດ ກໍ່ຄື ລະຫວ່າງ ປະຊາຊົນສອງຊາດລາວ-ກູບາ ໃຫ້ນັບມື້ນັບເລິກເຊິ່ງ ແລະ ມີປະສິດທິຜົນ ຍິ່ງໆຂຶ້ນ.
ສະຫາຍນ. ເອັກນາ ເວຍ ວາລເດດສ ໄດ້ສະແດງຄວາມປິຕິຍິນດີເປັນຢ່າງຍິ່ງທີ່ໄດ້ມີໂອກາດເຂົ້າຢ້ຽມຂ່ຳນັບ ສະຫາຍຫົວໜ້າຄະນະພົວພັນຕ່າງປະເທດສູນກາງພັກໃນໂອກາດມາຮັບໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງສ.ກູບາປະຈຳ ສປປລາວຄົນໃໝ່ແລະຢືນຢັນວ່າຈະເຮັດສຸດຄວາມສາມາດຂອງຕົນເພື່ອປະຕິບັດໜ້າທີ່ວຽກງານການຕ່າງປະເທດ ເປັນຂົວຕໍ່ໃນການປະສານສົມທົບກັບຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວກໍ່ຄືບັນດາກະຊວງ, ອົງການຂັ້ນສູນກາງແລະທ້ອງຖິ່ນຂອງລາວເພື່ອປະກອບສ່ວນເຂົ້າໃນການເພີ່ມພູນຄູນສ້າງ ແລະ ເຮັດໃຫ້ສາຍພົວພັນມິດຕະພາບອັນເປັນມູນເຊື້ອ ລະຫວ່າງສອງພັກ, ສອງລັດແລະປະຊາຊົນສອງຊາດກູບາ-ລາວໃຫ້ນັບມື້ແຕກດອກອອກຜົນຍີ່ງໆຂື້ນ.
ໃນຕອນທ້າຍ ສະຫາຍ ທອງສະຫວັນ ພົມວິຫານ ໄດ້ອວຍພອນໃຫ້ ສະຫາຍ ນ. ເອັກນາ ເວຍ ວາລເດດສ ຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດໃນການປະຕິບັດໜ້າທີ່ການທູດ ຢູ່ ສປປ ລາວ;ຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ ມີຄວາມຍິນດີ ໃຫ້ການຮ່ວມມື ກັບເອກອັກຄະລັດຖະທູດ ກໍ່ຄື ສະຖານເອກອັກຄະລັດຖະທູດ ແຫ່ງ ສ. ກູບາ ປະຈຳ ສປປ ລາວ ເພື່ອປະກອບສ່ວນເຂົ້າໃນການເພີ່ມພູນຄູນສ້າງ ແລະ ເສີມຂະຫຍາຍສາຍພົວພັນມິດຕະພາບອັນເປັນມູນເຊຶ້ອອັນດີງາມ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ-ກູບາ ໃຫ້ເຂົ້າສູ່ລວງເລີກ ແລະ ມີປະສິດທິຜົນຍີ່ງໆຂຶ້ນ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
24/05/2022 08:54:20