ຄະນະຜູ້ແທນສະມາຄົມມິດຕະພາບ ຫວຽດນາມ - ລາວ ສູນກາງ ມາຢ້ຽມຢາມ ແລະ ເຂົ້າຮ່ວມກອງປະຊຸມປະຊຸມທົ່ວປະເທດ ຄັ້ງທີ III ຂອງສະມາຄົມມິດຕະພາບ ລາວ - ຫວຽດນາມສູນກາງ
ເຜີຍແຜ່ໂດຍ: moderator ເວລາ: 19/07/2024 09:36:38 ຈຳນວນຢ້ຽມຊົມ 67 ຄັ້ງ ໂດຍຕອບສະໜອງຕາມຄຳເຊີນ ຂອງ ສະມາຄົມມິດຕະພາບ ລາວ - ຫວຽດນາມ ຂັ້ນສູນກາງ, ຄະນະຜູ້ແທນສະມາຄົມມິດຕະພາບ ຫວຽດນາມ - ລາວ ຂັ້ນສູນກາງສູນກາງ ຈໍານວນ 6 ສະຫາຍ; ນໍາໂດຍ ສະຫາຍ ຫງວຽນ ດັກວິງ, ກຳມະການສູນກາງພັກ, ຄະນະປະຈຳສະພາແຫ່ງຊາດ, ປະທານກຳມາທິການວັດທະນະທຳ-ກິລາ ຂອງສະພາແຫ່ງຊາດ, ປະທານສະມາຄົມມິດຕະພາບ ຫວຽດນາມ-ລາວ ຂັ້ນສູນກາງ ເດີນທາງມາຢ້ຽມຢາມ ແລະ ເຂົ້າຮ່ວມກອງປະຊຸມທົ່ວປະເທດຄັ້ງທີ III ຂອງສະມາຄົມມິດຕະພາບ ລາວ - ຫວຽດນາມ ແຕ່ວັນທີ 18-20 ກໍລະກົດ 2024.
ໃນວັນທີ 18 ກໍລະກົດ 2024, ໄດ້ມີກອງປະຊຸມພົບປະ ລະຫວ່າງ ສະມາຄົມມີິດຕະພາບ ລາວ-ຫວຽດນາມ ແລະ ຫວຽດນາມ - ລາວ ຂັ້ນສູນກາງ. ຝ່າຍ ລາວ ນໍາໂດຍ ສະຫາຍ ບັນດິດ.ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ລັດຖະມົນຕີກະຊວງເຕັກໂນໂລຊີ່ ແລະ ການສື່ສານ, ປະທານສະມາຄົມມິດຕະພາບ ລາວ-ຫວຽດນາມ ຂັ້ນສູນກາງ; ຝ່າຍ ຫວຽດນາມ ນໍາໂດຍ ສະຫາຍ ຫງວຽນ ດັກວິງ, ກຳມະການສູນກາງພັກ, ຄະນະປະຈຳສະພາແຫ່ງຊາດ, ປະທານກຳມາທິການວັດທະນະທຳ-ກິລາສະພາແຫ່ງຊາດ, ປະທານສະມາຄົມມິດຕະພາບຫວຽດນາມ-ລາວ ຂັ້ນສູນກາງ. ໃນກອງປະຊຸມ ສອງຝ່າຍ ໄດ້ທົບທວນຕີລາຄາຄືນການພົວພັນຮ່ວມມື ແລະ ຈັດກິດຈະກໍາຮ່ວມກັນໃນໄລຍະຜ່ານມາ ແລະ ປຶກສາຫາລືທິດທາງແຜນການພົວພັນຮ່ວມມືໃນຕໍ່ໜາ້ ໂດຍສະເພາະກິດຈະກໍາຕິດພັນກັບວັນສໍາຄັນຂອງສອງປະເທດ. ພ້ອມນັ້ນສອງຝ່າຍຍັງໄດ້ແຈ້ງສະພາບການພົ້ນເດັ່ນຂອງແຕ່ລະປະເທດໃຫ້ກັນຊາບ. ສອງຝ່າຍເຫັນດີຈະສືບຕໍ່ສືບຕໍ່ກົນໄກປະສານງານ, ແລກປ່ຽນ ແລະ ສ້າງກິດຈະກໍາຮ່ວມກັນ ເພື່ອປະກອບສ່ວນເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ - ຫວຽດນາມ ໃຫ້ນັບມື້ເຂົ້າສູ່ລວງເລິກ, ຂຽວສົດງົດງາມ ແລະ ເກີດດອກອອກຜົນ ເພື່ອນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ ແລະຫວຽດນາມ.
ໃນວັນດຽວກັນ, ຄະນະຜູ້ແທນສະມາຄົມມິດຕະພາບ ຫວຽດນາມ-ລາວ ໄດ້ເຂົ້າຢ້ຽມຂໍ່ານັບ ສະຫາຍ ປອ. ກິແກ້ວ ໄຂຄໍາພິທູນ, ກໍາມະການກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະ ມົນຕີ. ສະຫາຍ ປອ. ກິແກ້ວ ໄຂຄໍາພິທູນ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຕີລາຄາສູງຕໍ່ການຢ້ຽມຢາມ ຂອງ ຄະນະຜູ້ແທນ ຖືເປັນການປະກອບສ່ວນເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນລາວ-ຫວຽດນາມ. ພ້ອມນັ້ນຍັງໄດ້ສະແດງຄວາມຊົມເຊີຍຕໍ່ການເຄື່ອນໄຫວ ຂອງ ສະມາຄົມມິດຕະພາບ ຫວຽດນາມ-ລາວ ທີ່ໄດ້ສົມທົບກັບຄູ່ຮ່ວມມື ຂອງລາວ ເຄື່ອນໄຫວໂຄສະນາສຶກສາອົບຮົມ ປະຊາຊົນສອງປະເທດໂດຍສະເພາະຄຸນລຸ່ນໃໝ່ ໃຫ້ເຂົ້າໃຈຈະແຈ້ງ, ເລິກເຊິ່ງຕໍ່ສາຍພົວພັນລາວ-ຫວຽດນາມ. ສະຫາຍປະທານສະມາຄົມມິດຕະພາບ ຫວຽດນາມ-ລາວ ສະແດງຄວາມຂອບໃຈຕໍ່ ການຕ້ອນຮັບອັນອົບອຸ່ນ, ທັງໄດ້ໄດ້ແຈ້ງຈຸດປະສົງ, ລາຍງານສະພາບການພົ້ນເດັ່ນການພັດທະນາ ຂອງ ສສ ຫວຽດນາມ ແລະ ການເຄື່ອນໄຫວຂອງສະມາຄົມມິດຕະພາບ ຫວຽດນາມ-ລາວ ໃຫ້ຊາບ. ສອງຝ່າຍ ຕີລາຄາສູງ ແລະ ປິຕິຍິນດີ ທີ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຂອງ ສອງພັກ, ສອງລັດ ແລະ ປະຊາຊົນສອງຊາດ ລາວ ແລະ ຫວຽດນາມ ຍັງສືບຕໍ່ໄດ້ຮັບການເສີມຂະຫຍາຍ ແລະ ເພີ່ມພູນຄູນສ້າງ ໃຫ້ຂຽວສົດງົດງາມ, ເກີດດອກອອກຜົນ ນໍາເອົາຜົນປະໂຫຍດມາສູ່ປະຊາຊົນສອງປະເທດ.
ນອກຈາກພົບປະເຮັດວຽກຢ້ຽມຊົມສະຖານທີ່ທ່ອງທ່ຽວ ປະຫວັດສາດ, ວັດທະນະທໍາ ແລະ ທໍາມະຊາດ ຈໍານວນໜຶ່ງຢູ່ນະຄອນຫຼວງວຽງຈັນ ແລະ ແຂວງຫຼວງພະບາງຈໍານວນໜຶ່ງ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20