ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບການເຂົ້າຢ້ຽມຂໍ່ານັບ ຂອງຄະນະຜູ້ແທນສະມາຄົມມິດຕະພາບອົດສະຕຣາລີ-ລາວ.
ເຜີຍແຜ່ໂດຍ: moderator ເວລາ: 20/03/2024 15:22:22 ຈຳນວນຢ້ຽມຊົມ 251 ຄັ້ງ ໃນວັນທີ 20 ມີນາ 2024, ທີ່ສໍານັກງານຄະນະພົວພັນຕ່າງປະເທດສູນກາງພັກ ທ່ານ ທອງສະຫວັນ ພົມວິຫານ, ກໍາມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ນາງ ລິນດາ ວໍໄທຊົ່ງ (Mme Lynda Worthaisong), ປະທານສະມາຄົມມິດຕະພາບ ອົດສະຕຣາລີ-ລາວ ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.
ໃນໂອກາດດັັ່ງກ່າວ, ທ່ານ ທອງສະຫວັນ ພົມວິຫານ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຕີລາຄາສູງຕໍ່ການມາຢ້ຽມຢາມ ສປປ ລາວ ຂອງຄະນະຜູ້ແທນສະມາຄົມມິດຕະພາບອົດສະຕຣາລີ-ລາວ, ເຊິ່ງຖືເປັນການປະກອບສ່ວນສຳຄັນເຂົ້າໃນການເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງສອງປະເທດກໍຄືປະຊາຊົນສອງຊາດລາວ ແລະ ອົດສະຕຣາລີ ໃຫ້ນັບມື້ໄດ້ຮັບການພັດທະນາ ແລະ ກ້າວຂຶ້ນສູ່ລະດັບໃໝ່. ພ້ອມນັ້ນ, ທ່ານຫົວໜ້າຄະນະພົວພັນຕ່າງປະເທດສູນກາງພັກ ຍັງໄດ້ຊົມເຊີຍຕໍ່ສະມາຄົມມິດຕະພາບ ອົດສະຕຣາລີ-ລາວ ເຖິງແມ່ນວ່າຫາກໍ່ໄດ້ຮັບການແຕ່ງຕັ້ງມາຫວ່າງບໍ່ດົນມານີ້ ແຕ່ມີການເຄື່ອນໄຫວຢ່າງຫ້າວຫັນ ແລະ ມີແຜນຈັດກິດຈະກໍາຫຼາຍຢ່າງຮ່ວມມືກັບຝ່າຍລາວ. ສ່ວນ ທ່ານ ນາງ ລິນດາ ວໍໄທຊົ່ງ, ປະທານສະມາຄົມມິດຕະພາບ ອົດສະຕຣາລີ-ລາວ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ໄດ້ແຈ້ງຈຸດປະສົງການຢ້ຽມຢາມ ແລະ ເຮັດວຽກໃນເທື່ອນີ້.
ໃນການພົບປະສອງຝ່າຍໄດ້ຕີລາຄາສູງ ແລະ ປະຕິຍິນດີ ທີ່ສາຍພົວພັນ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ອົດສະຕຣາລີ ທີ່ນັບມື້ໄດ້ຮັບການພັດທະນາສູ່ລະດັບໃໝ່.
ໃນວັນດຽວກັນ, ຄະນະຜູ້ແທນສະມາຄົມມິດຕະພາບ ອົດສະຕຣາລີ-ລາວ ໄດ້ພົບປະເຮັດວຽກກັບພາກສ່ວນກ່ຽວຂ້ອງ ຂອງລາວ. ໃນກອງປະຊຸມສອງຝ່າຍໄດ້ປຶກສາຫາລືເພື່ອສ້າງກົນໄກການປະສານງານ, ກົນໄກການແລກປ່ຽນ ເຊິ່ງກັນ ແລະ ກັນໃນຕໍ່ໜ້າ ແລະ ສ້າງກິດຈະກໍາຮ່ວມກັນ ເພື່ອສະໜັບສະໜູນ, ຊຸກຍູ້ສົ່ງເສີມ ການໄປມາຫາສູ່ ແລະ ລະຫວ່າງປະຊາຊົນສອງປະເທດ ລາວ ແລະ ອົດສະຕຣາລີ ໃຫ້ນັບມື້ຫຼາຍຂຶ້ນ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20