ອົງການຈັດຕັ້ງມະຫາຊົນ ຄະນະພົວພັນຕ່າງປະເທດສູນກາງພັກ ໄດ້ໄປທັດສະນະສຶກສາຢ້ຽມຊົມ ອະນຸສອນສະຖານ ປະທານ ສຸພານຸວົງ ແລະ ຄຸກໂພນເຄັງ ໃນວັນທີ 12 ຕຸລາ 2023
ເຜີຍແຜ່ໂດຍ: editor ເວລາ: 26/01/2024 12:54:00 ຈຳນວນຢ້ຽມຊົມ 259 ຄັ້ງ ໃນຕອນເຊົ້າ ຂອງວັນທີ 12 ຕຸລາ 2023, ອົງການຈັດຕັ້ງມະຫາຊົນ ຄະນະພົວພັນຕ່າງປະເທດສູນກາງພັກ (ກໍາມະບານ, ແມ່ຍິງ ແລະ ຊາວໜຸ່ມ) ຈໍານວນ 30 ສະຫາຍ ນໍາໂດຍຂອງ ວົງຄໍາ ແສນສະທິດ, ຮັກສາການຫົວໜ້າ ກົມການທູດປະຊາຊົນ, ຮອງເລຂາຮອງຄະນະບໍລິການງານຊາວໜຸ່ມ ຄະນະພົວພັນຕ່າງປະເທດສູນກາງພັກ ໄດ້ໄປທັດສະນະສຶກສາຢ້ຽມຊົມ ອະນຸສອນສະຖານ ປະທານ ສຸພານຸວົງ ແລະ ຄຸກໂພນເຄັງ ເພື່ອສຶກສາຂໍ້ມູນປະຫວັດສາດ ແລະ ຈາລຶກບຸນຄຸນຕໍ່ການເສຍສະຫຼະ ເພື່ອປະເທດຊາດຂອງ ປະທານ ສຸພານຸວົງ ແລະ ບັນດາອະດີດທ່ານຜູ້ນໍໍາອື່ນໆ, ທັງເປັນການສ້າງຂະບວນການຂໍ່ານັບຮັບຕ້ອນວັນສໍາຄັນຕ່າງໆຂອງພັກ, ຂອງຊາດ ກໍ່ຄື ວັນປະກາດເອກະລາດ ແລະ ວັນການທູດລາວ ຄົບຮອບ 78 ປີ (12/10/1945-12/10/2023) ໃນຄັ້ງນີ້.
ການໄປທັດສະນະຄັ້ງນີ້້ ຜູ້ເຂົ້າຮ່ວມ ໄດ້ຮັບຟັງການບັນລະຍາຍ ກ່ຽວກັບວິລະກໍາການຕໍ່ສູ້ກູ້ຊາດຂອງ ການນໍາພັກ-ລັດ ກໍ່ຄື ປະທານ ສຸພານຸວົງ ເຮັດໃຫ້ແຕ່ລະສະຫາຍໄດ້ຮັບຮູ້ ແລະ ເຫັນແຈ້ງຕໍ່ເຫດການຕໍ່ສູ້ທາງດ້ານການເມືອງ, ການທະຫານ ອັນສະຫຼາດຄ່ອງແຄ້ວຂອງ ປະທານ ສຸພານຸວົງ ແລະ ບັນດາທ່ານຜູ້ນໍາແນວລາວຮັກຊາດ ໃນເວລາຖືກຄຸມຂັງ ແລະ ໃນເວລາໂຕນອອກຈາກຄຸກ ເພື່ອໄປສູ່ເຂດທີ່ໝັ້ນຂອງການປະຕິວັດຢ່າງປອດໄພ, ເຊິ່ງເປັນການທັດສະ ນະສຶກສາ, ຮຽນຮູ້ທັງເປັນການປຸກຈິດສໍານຶກ, ຍົກສູງສະຕິຕໍ່ຊາດ, ການສຶກສາອົບຮົມການເມືອງແນວຄິດໃຫ້ພະນັກງານ-ສະມາຊິກ 3 ອົງການຈັດຕັ້ງມະຫາຊົນ ໄດ້ກໍາແໜ້ນ ແລະ ຮັບຮູ້ເຖິງປະຫວັດອັນພິລະອາດຫານ, ຄວາມເສຍສະຫຼຸະ ເພື່ອຊາດ ເພື່ອປະຊາຊົນ, ຮັກບ້ານເກີດເມືອງນອນ ຂອງການນໍາລຸ່ນກ່ອນ ແລະ ນໍາເອົາບົດຮຽນທາງປະຫວັດຊາດມາໜູນໃຊ້ ເຂົ້າໃນໜ້າທີ່ວຽກງານການເມືອງຕົວຈິງຂອງຕົນ ໃຫ້ມີຜົນສໍາເລັດຍິ່ງໆຂຶ້ນ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20