ຄະນະຜູ້ແທນສະມາຄົມມິດຕະພາບ ລາວ-ຫວຽດນາມ ຂັ້ນສູນກາງ ໄປເຂົ້າຮ່ວມກອງປະຊຸມ ແລະ ຢ້ຽມຢາມ ສສ ຫວຽດນາມ
ເຜີຍແຜ່ໂດຍ: editor ເວລາ: 26/01/2024 12:08:42 ຈຳນວນຢ້ຽມຊົມ 147 ຄັ້ງ ໂດຍຕອບສະໜອງຕາມຄຳເຊີນ ສະມາຄົມມິດຕະພາບ ຫວຽດນາມ-ລາວ ສູນກາງ, ຄະນະຜູ້ແທນສະມາຄົມມິດຕະພາບ ລາວ-ຫວຽດນາມ ສູນກາງ ນຳໂດຍ ສະຫາຍ ບັນດິດ.ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ປະທານສະມາຄົມມິດຕະພາບ ລາວ-ຫວຽດນາມ ສູນກາງ ໄດ້ໄປເຂົ້າຮ່ວມກອງປະຊຸມໃຫຍ່ທົ່ວປະເທດ ຄັ້ງທີ V ຂອງສະມາຄົມມິດຕະພາບ ຫວຽດນາມ-ລາວ ສູນກາງຢູ່ ສສ ຫວຽດນາມ ແຕ່ວັນທີ 08-10 ຕຸລາ 2023.
ໃນວັນທີ 09 ຕຸລາ 2023, ຄະນະຜູ້ແທນໄດ້ເຂົ້າຮ່ວມກອງປະຊຸມໃຫຍ່ທົ່ວປະເທດ ຄັ້ງທີ V ຂອງສະມາຄົມມິດຕະພາບ ຫວຽດນາມ-ລາວສູນກາງ. ໃນໂອກາດດັ່ງກ່າວ, ສະຫາຍ ບັນດິດ.ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ປະທານສະມາຄົມມິດຕະພາບ ລາວ-ຫວຽດນາມ ສູນກາງ ໄດ້ຕາງໜ້າໃຫ້ ສະມາຄົມມິດຕະພາບ ລາວ-ຫວຽດນາມ ສູນກາງ ມີຄໍາເຫັນສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສໍາເລັດທີ່ສະມາຄົມມິດຕະພາບ ຫວຽດນາມ-ລາວ ຍາດມາໄດ້ຕະຫຼອດໄລຍະ 5 ປີຜ່ານມາ ເຮັດໃຫ້ພາລະບົດບາດ ຂອງ ສະມາຄົມມິດຕະພາບ ຫວຽດນາມ-ລາວ ເປັນທີ່ຮັບຮູ້ຢ່າງກວ້າງຂວາງ, ໄດ້ເຜີຍແຜ່ມູນເຊື້ອສາຍພົວພັນໃຫ້ແກ່ປະຊາຊົນຫວຽດນາມ ໂດຍສະເພາະແມ່ນຄົນຮຸ່ນໜຸ່ມ. ພ້ອມນັ້ນ ຍັງໄດ້ຮ່ວມກັບຝ່າຍລາວ ສ້າງບັນດາກິດຈະກຳອັນພົ້ນເດັ່ນເປັນຕົ້ນແມ່ນການຈັດວັນບຸນມະໂຫລານປະຊາຊົນສອງປະເທດລາວ ແລະ ຫວຽດນາມ ເພື່ອເຜີຍແຜ່ມູນເຊື້ອອັນຍິ່ງໃຫຍ່ ຂອງ ສອງປະເທດທີ່ບັນດາສະຫາຍການນໍາຮຸ່ນກ່ອນໄດ້ສ້າງ, ຖະໜຸຖະໜອມດ້ວຍເລືອດເນື້ອເຫື່ອແຮງ ຈົນກາຍເປັນກົດເກນແຫ່ງການຄົງຕົວ ແລະ ຂະຫຍາຍຕົວ ຂອງສອງປະເທດ, ເປັນມໍລະດົກອັນລໍ້າຄ່າ ໃຫ້ແກ່ປະຊາຊົນສອງຊາດ ລາວ ແລະ ຫວຽດນາມ. ໃນພິທີດັ່ງກ່າວ, ສອງຝ່າຍ ຍັງໄດ້ຈັດພິທີປະດັບຫຼຽນຍ້ອງຍໍເຊິ່ງກັນ ແລະ ກັນ ຢ່າງມີບັນຍາກາດ.
ໃນວັນດຽວກັນ, ສະມາຄົມມິດຕະພາບ ສອງຝ່າຍ ໄດ້ຈັດກອງປະຊຸມພົບປະ, ສອງຝ່າຍເຫັນດີຈະສືບຕໍ່ປະຕິບັດຕາມພາລະບົດບາດໃນການພົວພັນຮ່ວມມືຖອດຖອນບົດຮຽນນຳກັນ ແລະ ສືບຕໍ່ກົນໄກປະສານງານ, ແລກປ່ຽນຂໍ້ມູນຂ່າວສານ ແລະ ສ້າງກິດຈະກໍາຮ່ວມກັນ ເພື່ອປະກອບສ່ວນເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ - ຫວຽດນາມ ທີ່ນັບມື້ເຂົ້າສູ່ລວງເລິກ, ຂຽວສົດງົດງາມ ແລະ ເກີດດອກອອກຜົນ ເພື່ອນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ ແລະຫວຽດນາມ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20