ຄະນະພົວພັນຕ່າງປະເທດສູນກາງພັກ

ຄະນະພົວພັນຕ່າງປະເທດສູນກາງພັກ ເຜີຍແຜ່ເຊື່ອມຊຶມ ເອກະສານດຳເນີນກອງປະຊຸມກາງສະໄໝ

ເຜີຍແຜ່ໂດຍ: editor ເວລາ: 15/06/2023 09:50:09 ຈຳນວນຢ້ຽມຊົມ 413 ຄັ້ງ

ໃນວັນທີ 13 ມິຖຸນາ 2023 ຄະນະພົວພັນຕ່າງປະເທດສູນກາງພັກ (ຄຕພ) ໄດ້ເຜີຍແຜ່ເອກະສານເພື່ອກະກຽມໃຫ້ແກ່ກອງປະຊຸມກາງສະໄໝ ໂດຍການໃຫ້ກຽດເຜີຍແຜ່ຂອງ ສະຫາຍ ທອງສະຫວັນ ພົມວິຫານ ກຳມະການ ສູນກາງພັກ, ເລຂາຄະນະພັກ ຫົວໜ້າ ຄະນະພົວພັນຕ່າງປະເທດສູນກາງພັກ, ມີບັນດາຄະນະພັກ, ຄະນະກົມ, ພະແນກ ແລະ ພະນັກງານທົ່ວ ຄະນະພົວພັນຕ່າງປະເທດສູນກາງພັກ ເຂົ້າຮ່ວມ ຈຳນວນ 102 ກວ່າ ສະຫາຍ, ເອກະສານທີ່ນຳມາເຜີຍແຜ່ຄັ້ງນີ້ມີ: ຄຳສັ່ງ ສະບັບເລກທີ 268/ຄລສພ, ລົງວັນທີ 20 ມັງກອນ 2023; ຄຳແນະນຳການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກວ່າດ້ວຍການດຳເນີນກອງປະຊຸມຄົບຄະນະກາງສະໄໝຂອງຄະນະບໍລິຫານງານພັກແຕ່ລະຂັ້ນ ສະບັບເລກທີ 25/ຄຈສພ, ລົງວັນທີ 24/1/2023 ແລະ ຄຳແນະນຳເລກທີ 74/ຄກສພ, ລົງວັນທີ 27 ມີນາ 2023; ມະຕິຕົກລົງວ່າດ້ວຍມາດຖານຂອງພະນັກງານນຳພາ-ຄຸ້ມຄອງ ສະບັບເລກທີ 030/ກມສພ, ລົງວັນທີ 03 ມັງກອນ 2018.

ໃນການເຊື່ອມຊຶມຄັ້ງນີ້ ສະຫາຍປະທານກອງປະຊຸມ ໄດ້ຍົກໃຫ້ເຫັນຄວາມສຳຄັນ ແລະ ຈຳເປັນ, ຈຸດປະສົງ, ເນື້ອໃນ, ເປົ້າໝາຍ, ມາດຖານບຸກຄະລາກອນ ແລະ ຂັ້ນຕອນຕ່າງໆ ຂອງການຈັດກອງປະຊຸມຄົບຄະນບໍລິຫານງານກາງສະໄໝ ຂອງຄະນະພົວພັນຕ່າງປະເທດສູນກາງພັກ ຊຶ່ງແມ່ນຄວາມຈຳເປັນພາວະວິໄສ ແລະ ແມ່ນຄວາມຮຽກຮ້ອງຕ້ອງການອັນຮີບດ່ວນ ເພື່ອປັບປຸງ, ເຊີດຊູສະຕິຄວາມຮັບຜິດຊອບຂອງຄະນະພັກ, ຄະນະນຳທຸກຂັ້ນໃຫ້ມີຄວາມປອດໃສ, ໜັກແໜ້ນ, ເຂັ້ມແຂງຕາມທີ່ມະຕິກອງປະຊຸມໃຫຍ່ ຄັ້ງທີ XI ຂອງສູນກາງພັກ ແລະ ມະຕິກອງປະຊຸມໃຫຍ່ ຄັ້ງທີ II ຂອງອົງຄະນະພັກ ຄະນະພົວພັນຕ່າງປະເທດສູນກາງພັກ ທີ່ໄດ້ວາງຄາດໝາຍໄວ້.