ຄະນະຜູ້ແທນພັກ ປປ ລາວ ເຂົ້າຮ່ວມກອງປະຊຸມໜ່ວຍງານວິຊາການຂອງກອງປະຊຸມສາກົນຂອງບັນດາພັກກອມມູນິດ ແລະ ກຳມະກອນ ໃນວັນທີ 8-11 ມິຖຸນາ 2023, ທີ່ອິດສະຕັນບູນ, ປະເທດຕວັກກີ
ເຜີຍແຜ່ໂດຍ: editor ເວລາ: 13/06/2023 15:03:07 ຈຳນວນຢ້ຽມຊົມ 336 ຄັ້ງ ຄະນະຜູ້ແທນພັກປະຊາຊົນປະຕິວັດລາວ ນໍາໂດຍ ສະຫາຍ ທອງສະຫວັດ ພັນທະວົງ, ຮອງຫົວໜ້າກົມຄົ້ນ ຄວ້າ ແລະ ພົວພັນຫຼາຍຝ່າຍ, ຄະນະພົວພັນຕ່າງປະເທດສູນກາງພັກ ໄດ້ເດີນທາງໄປເຂົ້້າຮ່ວມກອງປະຊຸມໜ່ວຍງານວິຊາການ (Working Group) ຂອງກອງປະຊຸມສາກົນຂອງບັນດາພັກກອມມູນິດ ແລະ ກຳມະກອນ (IMCWP) ທີ່ ອິດສະຕັນບູນ, ປະເທດຕວັກກີ ໃນລະຫວ່າງວັນທີ 8-11 ມິຖຸນາ 2023 ໂດຍການເປັນເຈົ້າພາບຂອງພັກກອມມູນິດຕວັກກີ. ກອງປະຊຸມດັ່ງກ່າວ ມີຜູ້ເຂົ້າຮ່ວມທັງໝົດ 44 ສະຫາຍ ຈາກ 24 ພັກການເມືອງຂອງພັກກອມມູນິດ ແລະ ກໍາມະກອນ, ຂະບວນການຝ່າຍຊ້າຍ ແລະ ຂະບວນການກ້າວໜ້າໃນໂລກ ຈາກ 22 ປະເທດ. ກອງປະຊຸມຄັ້ງນີ້ ເປັນກອງປະຊຸມປຶກສາຫາລືເພື່ອກະກຽມໃຫ້ແກ່ການຈັດກອງປະຊຸມສາກົນຂອງບັນດາພັກກອມມູນິດ ແລະ ກຳມະ ກອນ ຄັ້ງທີ 23, ຊຶ່ງຈະຈັດຂື້ນໃນເດືອນຕຸລາ 2023 ທີ່ຈະມາເຖິງນີ້. ກອງປະຊຸມໜ່ວຍງານວິຊາການຂອງກອງປະຊຸມ IMCWP ມີຄວາມສຳຄັນ ໃນການເປັນເສນາທິການໃຫ້ແກ່ກອງປະຊຸມ IMCWP, ຊຶ່ງເປັນຂອບການຮ່ວມມື ແລະ ເຕົ້າໂຮມຄວາມສາມັກຄີ, ແລກປ່ຽນບົດຮຽນ ແລະ ປະສານສົມທົບການເຄື່ອນໄຫວດ້ານຕ່າງໆ ເພື່ອເສີມສ້າງຄວາມເຂັ້ມແຂງໃຫ້ແກ່ບັນດາພັກກອມມູນິດ ແລະ ກຳມະກອນ ເພື່ອພາລະກິດສັນຕິພາບ, ການພັດທະນາທີ່ສົມດຸນຂອງບັນ ດາປະຊາຊາດ ແລະ ເພື່ອສັງຄົມນິຍົມ. ສຳລັບການເຂົ້າຮ່ວມກອງປະຊຸມຄັ້ງນີ້ຂອງຄະນະຜູ້ແທນພັກ ປປ ລາວ ແມ່ນເປັນຄັ້ງທຳອິດ ພາຍຫຼັງທີ່ພັກ ປປ ລາວ ໄດ້ຖືກຮັບຮອງເຂົ້າເປັນສະມາຊິກໜ່ວຍງານວິຊາການໃນກອງປະຊຸມຂອງ IMCWP ຄັ້ງທີ 22 ທີ່ຈັດຂື້ນຢູ່ ສ. ກູບາ ໃນປີ 2022 ທີ່ຜ່ານມາ.
ໃນກອງປະຊຸມດັ່ງກ່າວ, ຄະນະຜູ້ແທນໄດ້ລົງເລິກປຶກສາຫາລືຕາມວາລະກອງປະຊຸມ ເປັນຕົ້ນ ຫົວຂໍ້ກອງປະ ຊຸມ, ຮູບແບບຂອງກອງປະຊຸມ, ມາດຕະການຮ່ວມຂອງກອງປະຊຸມ, ບັນຫາການພິຈາລະນາຮັບຮອງເອົາພັກການເມືອງເຂົ້າໃນບັນຊີລາຍຊື່ພັກການເມືອງໃນເຄືອຂ່າຍໂຊລິດເນັດ, ວັນເວລາ ແລະ ສະຖານທີ່ຈັດກອງປະຊຸມ IMCWP ຄັ້ງທີ 24 ໃນປີ 2024 ແລະ ປຶກສາຫາລືກ່ຽວກັບການຈັດສຳມະນາໃນຫົວຂໍ້ສະເພາະ. ກອງປະຊຸມໄດ້ເຫັນດີ ຈັດກອງປະ ຊຸມສາກົນ IMCWP ຄັ້ງທີ 23 ໃນລະຫວ່າງວັນທີ 18-22 ຕຸລາ 2023 ໂດຍການເປັນເຈົ້າ ພາບຂອງພັກກອມມູນິດ ຕວັກກີ ພາຍໃຕ້ຫົວຂໍ້: “ການຕໍ່ສູ້ທາງດ້ານການເມືອງ ແລະ ອຸດົມການ ເພື່ອປະເຊີນໜ້າກັບ ທຶນນິຍົມ ແລະ ລັດທິຈັກກະພັດນິຍົມ. ພາລະກິດຂອງບັນດານັກກອມມູນິດ ໃນການແຈ້ງຂໍ້ມູນຂ່າວສານ ແລະ ຂົນຂວາຍຊົນຊັ້ນກຳ ມະ ກອນ, ຊາວໜຸ່ມ, ແມ່ຍິງ ແລະ ປັນຍາຊົນ ໃນການຕໍ່ສູ້ຕ້ານການກົດຂີ່ຂູດຮີດ, ການປາບປາມ, ກົນອຸບາຍຂອງຈັກ ກະພັດ ແລະ ລັດທິແກ້ປະຫວັດສາດ; ເພື່ອສິດປະຊາທິປະໄຕ ແລະ ສັງຄົມ ຂອງກຳມະກອນ ແລະ ປະຊາຊົນ; ຕ້ານລັດທິທະຫານນິຍົມ ແລະ ສົງຄາມ, ເພື່ອສັນຕິພາບ ແລະ ສັງຄົມນິຍົມ”.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20