ຫົວໜ້າ ຄຕພ ລາວ ແລະ ຫວຽດນາມ ຮ່ວມກັນປູກຕົ້ນໄມ້ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ປະຈຳປີ 2023

ເຜີຍ​ແຜ່​ໂດຍ​: editor ເວ​ລາ: 02/06/2023 13:48:40 ຈຳ​ນວນ​​ຢ້ຽມ​ຊົມ 511 ຄັ້ງ ​

ໃນວັນທີ 02 ມິຖຸນາ 2023, ສະຫາຍ ທອງສະຫວັນ ພົມວິຫານ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ປະຊາຊົນ ປະຕິວັດລາວ ແລະ ສະຫາຍ ເລ ຮວ່າຍ ຈຸງ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ພ້ອມດ້ວຍພະນັກງານຂອງສອງພາກສ່ວນ ໄດ້ຮ່ວມກັນປູກຕົ້ນໄມ້  (ຕົ້ນຈຳປາ) ຢູ່ບໍລິເວນດ້ານໜ້າ ສຳນັກງານຄະນະພົວພັນຕ່າງປະເທດສູນກາງພັກ (ຫຼັກ 06), ເນື່ອງໃນໂອກາດທີ່ ສະຫາຍ ເລ ຮວ່າຍ ຈຸງ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 01-02 ມິຖຸນາ 2023. ພິທີປູກຕົ້ນໄມ້ໃນຄັ້ງນີ້ ແມ່ນເປັນສັນຍາລັກ ແຫ່ງໄມຕີຈິດມິດຕະພາບທີ່ສະໜິດສະໜົມ ລະຫວ່າງ ຄະນະພົວພັນຕ່າງປະເທດສູນກາງພັກ ປະຊາຊົນ ປະຕິວັດລາວ ແລະ ຄະນະພົວພັນຕ່າງປະເທດສູນກາງພັກກອມມູນິດຫວຽດນາມ, ເປັນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ປະຈຳປີ 2023 ແລະ ທັງເປັນການສ້າງຂະບວນການຂໍ່ານັບຮັບຕ້ອນວັນສ້າງຕັ້ງ ຄະນະພົວພັນຕ່າງປະເທດສູນກາງພັກ ປປ ລາວ ຄົບຮອບ 40 ປີ ໃນວັນທີ 29/06/2023 ທີ່ຈະມາເຖິງນີ້.

---