ຄະນະຜູ້ແທນສະມາຄົມມິດຕະພາບ ລາວ-ສ.ເກົາຫຼີ ເຂົ້າຮ່ວມກອງປະຊຸມປະຈຳປີ ຄັ້ງທີ XII ຂອງ ສອງສະມາຄົມ ມິດຕະພາບ ລາວ - ສ.ເກົາຫຼີ ແລະ ສ.ເກົາຫຼີ - ລາວ.
ເຜີຍແຜ່ໂດຍ: editor ເວລາ: 04/05/2023 10:50:34 ຈຳນວນຢ້ຽມຊົມ 313 ຄັ້ງ ໃນວັນທີ 25 ເມສາ 2023, ທີ່ນະຄອນຫຼວງເຊອູນ, ສາທາລະນະລັດ ເກົາຫຼີ, ສະມາຄົມມິດຕະພາບ ລາວ-ສ.ເກົາຫຼີ ແລະ ສະມາຄົມມິດຕະພາບ ສ.ເກົາຫຼີ-ລາວ ໄດ້ຈັດກອງປະຊຸມຮ່ວມ ຂອງ ສອງສະມາຄົມ ຄັ້ງທີ XII ໂດຍການເປັນປະທານຮ່ວມ ຂອງ ທ່ານ ຄໍາສວຍ ແກ້ວດາລາວົງ, ປະທານ ສະມາຄົມມິດຕະພາບ ລາວ - ສ.ເກົາຫຼີ ແລະ ທ່ານ ໂອ ມິງຮວັນ, ປະທານສະມາຄົມມິດຕະພາບ ສ.ເກົາຫຼີ - ລາວ, ໂດຍການໃຫ້ກຽດເຂົ້າຮ່ວມ ຂອງ ທ່ານ ສົງການ ຫຼວງມຸນິນທອນ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສ.ເກົາຫຼີ. ນອກນີ້, ຍັງມີບັນດາທ່ານຄະນະບໍລິຫານງານສະມາຄົມມິດຕະພາບ ລາວ - ສ.ເກົາຫຼີ ແລະ ສ.ເກົາຫຼີ - ລາວ ແລະ ພາກສ່ວນທີ່ກ່ຽວຂ້ອງຂອງທັງສອງຝ່າຍເຂົ້າ ຮ່ວມ.
ກອງປະຊຸມໄດ້ທົບທວນ ແລະ ຕີລາຄາໝາກຜົນການພົວພັນຮ່ວມມື ແລະ ການຈັດຕັ້ງປະຕິບັດກິດຈະກຳຂອງ ສອງສະມາຄົມໃນໄລຍະຊຸມປີຜ່ານມາ ແລະ ວາງແຜນການໃນຕໍ່ໜ້າ. ພ້ອມນີ້ ຍັງໄດ້ປຶກສາຫາລືແລກປ່ຽນ ຄໍາເຫັນກ່ຽວກັບກົນໄກການຮ່ວມມື, ການແລກປ່ຽນຂໍ້ມູນຂ່າວສານ, ການແລກປ່ຽນການຢ້ຽມຢາມເຊິ່ງກັນ ແລະກັນ. ພິເສດ, ທັງສອງສະມາຄົມໄດ້ບັນລຸການເຊັນບົດບັນທຶກຄວາມເຂົ້າໃຈ (MOU) ໄລຍະ 5 ປີ (2023-2027) ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດການພົວພັນຮ່ວມມື ລະຫວ່າງ ສອງສະມາຄົມ ໃຫ້ມີບາດກ້າວອັນໃໝ່ໃນຕໍ່ໜ້າ. ໄລຍະຜ່ານມາ, ສະມາຄົມມິດຕະພາບ ລາວ-ສ.ເກົາຫຼີ ແລະ ສ.ເກົາຫຼີ-ລາວ ໄດ້ປະກອບສ່ວນເຂົ້າໃນການສ້າງສາພັດທະນາ ສປປ ລາວ ໂດຍສະເພາະແມ່ນການພັດທະນາພື້ນຖານໂຄງລ່າງດ້ານການສຶກສາ, ວັດທະນະທຳສັງຄົມ ແລະ ມະນຸດສະທໍາ. ຄະນະຜູ້ແທນທັງສອງຝ່າຍ ໄດ້ສະແດງຄວາມພາກພູມໃຈຕໍ່ສາຍພົວພັນ ແລະ ການຮ່ວມມື ຂອງ ສປປ ລາວ ແລະ ສ.ເກົາຫຼີ ເວົ້າລວມເວົ້າສະເພາະແມ່ນ ສອງສະມາຄົມມິດຕະພາບ ລາວ-ສ.ເກົາຫຼີ ແລະ ສ.ເກົາຫຼີ-ລາວ ທີ່ໄດ້ຮັບການພັດທະນາ ແລະ ເສີມຂະຫຍາຍ ຢ່າງຕໍ່ເນື່ອງເຮັດໃຫ້ປະຊາຊົນຂອງທັງສອງປະເທດມີຄວາມເຂົ້າໃຈອັນດີຕໍ່ກັນ, ໄປມາຫາສູ່, ຮັກແພງຊ່ວຍເຫຼືອເຊິ່ງ ກັນແລະກັນ ແລະ ຮ່ວມມືກັນເພື່ອການພັດທະນາ. ຄວາມຜູກພັນດັ່ງກ່າວນັ້ນໄດ້ກາຍເປັນກົນໄກເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງລັດຖະບານ ແລະ ປະຊາຊົນທັງສອງປະເທດ ແລະ ສົ່ງເສີມ ຜົນປະໂຫຍດຮ່ວມກັນຢ່າງກວ້າງຂວາງ.
ໃນໂອກາດໄປເຂົ້າຮ່ວມກອງປະຊຸມຄັ້ງນີ້ ຍັງໄດ້ປະດັບຫຼຽນກາມິດຕະພາບ ໃຫ້ແກ່ຄະນະບໍລິຫານງານສະມາຄົມມິດຕະພາບ ສ.ເກົາຫຼີ-ລາວ ຈຳນວນ 06 ທ່ານ ທີ່ມີຜົນງານໃນການປະກອບສ່ວນທຶນຮອນ ແລະ ວັດຖຸເຂົ້າໃນການເຄື່ອນໄຫວວຽກງານ ສະມາຄົມມິດຕະພາບ ລາວ-ສ.ເກົາຫຼີ ໄລຍະຜ່ານມາ. ນອກຈາກນັ້ນ, ຄະນະຜູ້ແທນໄດ້ໄປຢ້ຽມຊົມ ແລະ ທັດສະນະສຶກສາຢູ່ສະຖານທີ່ທ່ອງທ່ຽວທາງປະຫວັດສາດ, ວັດທະນະທໍາ ແລະ ທໍາມະຊາດ ຢູ່ ນະຄອນຫຼວງເຊອູນ ແລະ ຕ່າງແຂວງ ຈໍານວນໜຶ່ງ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20