ກອງປະຊຸມສະຫຼຸບການເຄື່ອນໄຫວວຽກງານປະຈໍາປີ 2022 ແລະ ທິດທາງແຜນໃນຕໍ່ໜ້າ ຂອງ ຊາວໜຸ່ມ ຄະນະພົວພັນຕ່າງປະເທດສູນກາງພັກ
ເຜີຍແຜ່ໂດຍ: editor ເວລາ: 23/01/2023 09:52:12 ຈຳນວນຢ້ຽມຊົມ 641 ຄັ້ງ ໃນຕອນບ່າຍ ຂອງວັນທີ 18 ມັງກອນ 2023, ທີ່ສຳນັກງານ ຄະນະພົວພັນຕ່າງປະເທດສູນກາງພັກ ໄດ້ຈັດກອງປະຊຸມສະຫຼຸບປີ 2022 ຂອງ ຊາວໜຸ່ມ ຄະນະພົວພັນຕ່າງປະເທດສູນກາງພັກ ພາຍໃຕ້ການເປັນປະທານຂອງ ສະຫາຍ ຄຳເຟື້ອງ ພັນທະໄຊ, ກໍາມະການຄະນະພັກ, ກໍາມະການຄະນະບໍລິຫານງານສູນກາງຊາວໜຸ່ມ ປປ ລາວ, ເລຂາຄະນະບໍລິຫານງານຊາວໜຸ່ມ ຄະນະພົວພັນຕ່າງປະເທດສູນກາງພັກ ແລະ ໃຫ້ກຽດເຂົ້າຮ່ວມໂດຍ ສະຫາຍ ວາລະໄຊ ເລັ່ງສະຫວັດ, ກຳມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ. ພ້ອມນັ້ນ, ຍັງມີຕາງໜ້າບັນດາໜ່ວຍພັກ, ອົງການຈັດຕັ້ງກໍາມະບານ, ແມ່ຍິງ ແລະ ສະມາຊິກຊາວໜຸ່ມທົ່ວຄະນະພົວພັນຕ່າງປະເທດສູນກາງພັກ ເຂົ້າຮ່ວມຢ່າງພ້ອມພຽງ.
ໃນກອງປະຊຸມ, ສະຫາຍ ຄຳເຟື້ອງ ພັນທະໄຊ ໄດ້ຂຶ້ນຜ່ານບົດສະຫຼຸບປະຈຳປີ 2022, ເຊິ່ງໄດ້ຕີລາຄາບັນດາຜົນສໍາເລັດ, ຈຸດດີ, ຈຸດອ່ອນ ແລະ ສະເໜີທິດທາງແຜນການ ປະຈໍາປີ 2023. ຕະຫຼອດໄລຍະປີ 2022, ຄະນະຊາວໜຸ່ມ ຄຕພ ສາມາດຍາດໄດ້ຜົນສໍາເລັດຫຼາຍດ້ານ ເປັນຕົ້ນແມ່ນການສຶກສາອົບຮົມການເມືອງ-ແນວຄິດ ເຮັດໃຫ້ສະມາຊິກຊາວໜຸ່ມພາຍໃນ ຄຕພ ມີແນວຄິດອຸ່ນອ່ຽງທຸ່ນທ່ຽງ, ເຊື່ອໝັ້ນຕໍ່ການນໍາພາຂອງພັກ, ສາມາດເຊື່ອມຊຶມແນວທາງນະໂຍບາຍ, ມະຕິຄຳສັ່ງຂອງພັກ ແລະ ກົດໝາຍຂອງລັດ; ຮູ້ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII, ມະຕິກອງປະຊຸມໃຫຍ່ ຄັ້ງທີ II ຂອງອົງຄະນະພັກ ຄຕພ ແລະ ມະຕິກອງປະຊຸມໃຫ່ຍຊາວໜຸ່ມຄຕພ ຄັ້ງທີ I ໃຫ້ເປັນແຜນງານ, ໂຄງການເຄື່ອນໄຫວຂອງຕົນ. ນອກນັ້ນ, ຄະນະຊາວໜຸ່ມ ຄຕພ ຍັງໄດ້ເອົາໃຈໃສ່ເຄື່ອນໄຫວວຽກງານວິຊາສະເພາະ ທີ່ເປັນໜ້າທີ່ການເມືອງຕົ້ນຕໍຂອງຕົນ ດ້ວຍຄວາມເປັນເຈົ້າການ ແລະ ມີຜົນສໍາເລັດສູງ, ຄຽງຄູ່ກັບການເຄື່ອນໄຫວກິດຈະກໍາຕ່າງໆເຊັ່ນ: ຂະບວນການ 4 ບຸກ, ການຈັດພົບປະແລກປ່ຽນບົດຮຽນໃນຫົວຂໍ້ສະເພາະ ແລະ ການຈັດກອງປະຊຸມສຳມະນາສາກົນ (ແບບຈຳລອງ) ຫົວຂໍ້ “ການຫັນເປັນດິຈິຕອນ ແລະ ລະບຽບການໃໝ່ຂອງໂລກ” ຮ່ວມກັບຊາວໜຸ່ມບັນດາອົງການອ້ອມຂ້າງສູນກາງພັກ. ນອກນັ້ນ, ຄະນະຊາວໜຸ່ມ ຄຕພ ຍັງໄດ້ເຄື່ອນໄຫວຮ່ວມກັບສູນກາງຊາວໜຸ່ມ ປະຊາຊົນປະຕິວັດລາວ, ຊາວໜຸ່ມກະຊວງອົງການ ໃນການປະກອບສ່ວນຊ່ວຍເຫຼືອສັງຄົມ ເຊັ່ນ: ການບໍລິຈາກເລືອດ, ນໍາເອົາເຄື່ອງນຸ່ງຫົ່ມໄປຊ່ວຍເຫຼືອປະຊາຊົນຢູ່ເຂດຫ່າງໄກສອກຫຼິກ.
ກອງປະຊຸມ ໄດ້ຮັບຟັງການໂອ້ລົມ ຂອງ ສະຫາຍ ວາລະໄຊ ເລັ່ງສະຫວັດ, ກຳມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ, ເຊິ່ງໄດ້ຍ້ອງຍໍຊົມເຊີຍຜົນງານທີ່ ຄະນະຊາວໜຸ່ມ ຄຕພ ຍາດມາໄດ້ໃນປີຜ່ານມາ ແລະ ໃຫ້ທິດຊີ້ນໍາ ຕໍ່ວຽກງານບູລິມະສິດຈໍານວນໜຶ່ງ ທີ່ຕ້ອງໄດ້ເອົາໃຈໃສ່ຈັດຕັ້ງປະຕິບັດໃນຕໍ່ໜ້າ, ອັນໄດ້ກາຍເປັນເຂັມຊີ້ທິດເຍືອງທາງ, ທັງເປັນການໃຫ້ກຳລັງໃຈອັນແຮງກ້າ ໃຫ້ແກ່ສະມາຊິກຊາວໜຸ່ມທົ່ວຄະນະພົວພັນຕ່າງປະເທດສູນກາງພັກ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20