ພິທີສຳມະນາຫົວຂໍ້ສະເພາະ ແລະ ກອງປະຊຸມສາກົນຈຳລອງ ຂອງຄະນະບໍລິຫານງານຊາວໜຸ່ມ ຄະນະພົວພັນຕ່າງປະເທດສູນກາງພັກ
ເຜີຍແຜ່ໂດຍ: editor ເວລາ: 29/08/2022 17:57:24 ຈຳນວນຢ້ຽມຊົມ 740 ຄັ້ງ ວັນທີ 25 ສິງຫາ 2022, ຄະນະບໍລິຫານງານຊາວໜຸ່ມຄະນະພົວພັນຕ່າງປະເທດສູນກາງພັກ ໄດ້ຈັດສຳມະນາຫົວຂໍ້ສະເພາະ “ບົດຮຽນການເຄື່ອນໄຫວການທູດປະຊາຊົນ” ແລະ ກອງປະຊຸມສາກົນຈຳລອງ. ໃຫ້ກຽດເຂົ້າຮ່ວມໂດຍ ສະຫາຍ ສົມພອນ ສີຈະເລີນ, ຮອງເລຂາຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ, ປະທານກວດກາຄະນະພົວພັນຕ່າງປະເທດສູນກາງພັກ; ມີ ສະຫາຍ ບຸນຍັງ ໄຊຊະນະວົງ, ອະດີດເອກອັກຄະລັດຖະທູດລາວ ປະຈຳມົງໂກລີ, ອະດີດຫົວໜ້າກົມພົວພັນສາກົນ ຂອງອົງການຈັດຕັ້ງມະຫາຊົນ, ຄະນະພົວພັນຕ່າງປະເທດສູນກາງພັກ ພ້ອມດ້ວຍ ຜູ້ຕາງໜ້າສະຫະພັນກຳມະບານ ແລະ ສະຫະພັນແມ່ຍິງ ຄຕພ ແລະ ສະມາຊິກຊາວໜຸ່ມ ຄະນະພົວພັນຕ່າງປະເທດສູນກາງພັກ ເຂົ້າຮ່ວມຢ່າງເປັນຂະບວນຟົດຟື້ນ.
ສະຫາຍ ບຸນຍັງ ໄຊຊະນະວົງ ໄດ້ໃຫ້ກຽດແລກປ່ຽນບົດຮຽນການເຄື່ອນໄຫວການທູດປະຊາຊົນ ໂດຍຍົກໃຫ້ເຫັນ ຂໍ້ສະດວກ ແລະ ສິ່ງທ້າທາຍຕ່າງໆທີ່ຕ້ອງໄດ້ເອົາໃຈໃສ່ ເພື່ອໃຫ້ສາມາດເຄື່ອນໄຫວວຽກງານຢ່າງຖືກຕ້ອງ, ສອດຄ່ອງກັບແນວທາງນະໂຍບາຍການຕ່າງປະເທດຂອງພັກເຮົາ ທັງໃຫ້ຍາດແຍ່ງໄດ້ການສະໜັບສະໜູນໃນເວທີສາກົນ ກໍຄືການຍາດແຍ່ງທຶນຮອນຈາກຕ່າງປະເທດ ມາຊ່ວຍສ້າງສາພັດທະນາປະເທດຊາດຂອງພວກເຮົາ. ຫຼັງຈາກນັ້ນ, ໄດ້ດຳເນີນກອງປະຊຸມສາກົນຈຳລອງ ໃນຫົວຂໍ້ ”ລະບຽບໂລກໃໝ່” ແລະ ”ການຫັນເປັນດີຈິຕັອນ” ໂດຍການນຳສະເໜີຂອງ 6 ໜ່ວຍຊາວໜຸ່ມ, ຄະນະບໍລິຫານງານຊາວໜຸ່ມ ຄຕພ.
ໃນຕອນທ້າຍ, ສະຫາຍ ສົມພອນ ສີຈະເລີນ, ຮອງເລຂາຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ, ປະທານກວດກາຄະນະພົວພັນຕ່າງປະເທດສູນກາງພັກ ໄດ້ມີຄຳເຫັນສະແດງຄວາມຊົມເຊີຍ ຕໍ່ຄວາມຄິດລິເລີ່ມທີ່ດີຂອງຄະນະບໍລິຫານງານຊາວໜຸ່ມ ຄຕພ ໃນການຈັດກິດຈະກຳ ເພື່ອພັດທະນາສະມາຊິກຊາວໜຸ່ມຂອງຕົນ ແລະ ເຫັນຄວນສືບຕໍ່ກິດຈະກຳລັກສະນະນີ້ ໃຫ້ໄດ້ດີກວ່າເກົ່າ ໃນຕໍ່ໜ້າ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20