ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບການເຂົ້າຢ້ຽມຂໍ່ານັບ ຂອງ ຄະນະຜູ້ແທນ ສະມາຄົມ ອິນເດຍ ເພື່ອການຮ່ວມມືວັດທະນະທຳ ແລະ ມິດຕະພາບ
ເຜີຍແຜ່ໂດຍ: editor ເວລາ: 25/07/2022 15:05:21 ຈຳນວນຢ້ຽມຊົມ 470 ຄັ້ງ ວັນທີ 04 ກໍລະກົດ 2022, ທີ່ ຄະນະພົວພັນຕ່າງປະເທດສູນການພັກ, ທ່ານ ທອງສະຫວັນ ພົມວິຫານ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ຮັບການເຂົ້າຢ້ຽມຂໍ່ານັບ ຂອງ ທ່ານ ພິໄຊ ກຸມາຣ ພາທິຮາຣິ (Bijay Kumar Padhihari), ເລຂາທິການສະມາຄົມ ອິນເດຍ ເພື່ອການຮ່ວມມືວັດທະນະທຳ ແລະ ມິດຕະພາບ ພ້ອມດ້ວຍຄະນະ ທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ. ໃນໂອກາດດັ່ງກ່າວ, ທ່ານ ທອງສະຫວັນ ພົມວິຫານ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຕີລາຄາສູງຕໍ່ການການມາຢ້ຽມຢາມ ສປປ ລາວ ໃນຄັ້ງນີ້ ຖືເປັນການປະກອບສ່ວນສຳຄັນເຂົ້າໃນການຮັດແໜ້ນ, ເພີ່ມພູນຄູນສ້າງສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສະມາຄົມມິດຕະພາບ ລາວ-ອິນເດຍ ແລະ ສະມາຄົມ ອິນເດຍ ເພື່ອການຮ່ວມມືວັດທະນະທຳ ແລະ ມິດຕະພາບ ກໍຄື ປະຊາຊົນສອງຊາດ ລາວ ແລະ ອິນເດຍ ໃຫ້ນັບມື້ໄດ້ຮັບການພັດທະນາ ແລະ ກ້າວຂຶ້ນສູ່ລະດັບໃໝ່. ພ້ອມນັ້ນ, ທ່ານຍັງໄດ້ສະເໜີໃຫ້ສອງສະມາຄົມ ສືບຕໍ່ເພີ່ມທະວີໃນການເຮັດບົດບາດການທູດປະຊາຊົນໃຫ້ເຂົ້າສູ່ລວງເລີກກວ່າເກົ່າ ເພື່ອສະໜັບສະໜູນການຮ່ວມມືດ້ານຕ່າງໆ ຂອງ ສອງປະເທດ ໃຫ້ມີປະສິດທິພາບ ແລະ ປະສິດທິຜົນຂຶ້ນເລື້ອຍໆ.
ພ້ອມດຽວກັນນີ້, ທ່ານ ພິໄຊ ກຸມາຣ ພາທິຮາຣິ ໄດ້ຕາງໜ້າໃຫ້ ສະມາຄົມ ອິນເດຍ ເພື່ອການຮ່ວມມືວັດທະນະທຳ ແລະ ມິດຕະພາບ ສະແດງຄວາມຂອບໃຈຢ່າງຈິງໃຈ ຕໍ່ການຕ້ອນຮັບອັນອົບອຸ່ນ ແລະ ໄດ້ແຈ້ງໃຫ້ຊາບກ່ຽວກັບການຈັດຕັ້ງ ແລະ ການເຄື່ອນໄຫວຂອງສະມາຄົມ ຂອງ ຕົນ ຕໍ່ທ່ານຫົວໜ້າຄະນະພົວພັນຕ່າງປະເທດສູນກາງພັກ. ພ້ອມທັງໃຫ້ຄຳຢືນຢັນວ່າ ສະມາຄົມ ອິນເດຍ ເພື່ອການຮ່ວມມືວັດທະນະທຳ ແລະ ມິດຕະພາບ ຈະສືບຕໍ່ຮັດແໜ້ນ ແລະ ຮ່ວມມືກັບ ສະມາຄົມມິດຕະພາບ ລາວ-ອິນເດຍ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມຂອງ ສອງປະເທດ ເພື່ອນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ອິນເດຍ ແລະ ລາວ.
ໃນວັນດຽວກັນ, ສະມາຄົມມິດຕະພາບ ລາວ-ອິນເດຍ ກັບ ສະມາຄົມ ອິນເດຍ ເພື່ອການຮ່ວມມືວັດທະນະທຳ ແລະ ມິດຕະພາບ ໄດ້ຈັດກອງປະຊຸມພົບປະສອງຝ່າຍ, ຝ່າຍ ລາວ ນໍາໂດຍ ທ່ານ ສຸທັມ ສາກົນນິຍົມ, ປະທານສະມາຄົມມິດຕະພາບ ລາວ-ອິນດຍ ແລະ ຝ່າຍອິນເດຍ ນໍາໂດຍ ທ່ານ ພິໄຊ ກຸມາຣ ພາທິຮາຣິ, ເລຂາທິການສະມາຄົມ ອິນເດຍ ເພື່ອການຮ່ວມມືວັດທະນະທຳ ແລະ ມິດຕະພາບ, ພ້ອມນັ້ນຍັງມີ ທ່ານ ດີກ້າ ອັດທານາ (Dinkar Asthana), ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ.ອິນເດຍ ປະຈໍາ ສປປ ລາວ ແລະ ຄະນະຜູ້ແທນຂອງສອງຝ່າຍເຂົ້າຮ່ວມ. ໃນກອງປະຊຸມຄັ້ງນີ້, ທັງສອງສະມາຄົມໄດ້ປຶກສາຫາລືກ່ຽວກັບກົນໄກຮ່ວມມື, ການແລກປ່ຽນຂໍ້ມູນຂ່າວສານ, ການແລກປ່ຽນການຢ້ຽມຢາມຄະນະຜູ້ແທນເຊິ່ງກັນ ແລະ ກັນ. ພິເສດ, ທັງສອງຝ່າຍສາມາດບັນລຸການຕົກລົງເຊັນບົດບັນທຶກຄວາມເຂົ້າໃຈ (MOU) ໄລຍະ 5 ປີ (2022-2027) ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດການພົວພັນຮ່ວມມືລະຫວ່າງສອງສະມາຄົມໃຫ້ມີບາດກ້າວອັນໃໝ່ໃນຕໍ່ໜ້າ.
ນອກຈາກການພົບປະເຮັດວຽກແລ້ວ, ຄະນະຜູ້ແທນສະມາຄົມ ອິນເດຍ ເພື່ອການຮ່ວມມືວັດທະນະທຳ ແລະ ມິດຕະພາບ ຍັງໄດ້ໄປຢ້ຽມຊົມສະຖານທີ່ທ່ອງທ່ຽວທາງປະຫວັດສາດ ວັດທະນະທຳ ແລະ ທຳມະຊາດ ຢູ່ພາຍໃນນະ ຄອນຫຼວງວຽງຈັນ ແລະ ແຂວງຫຼວງພະບາງ ຈຳນວນໜຶ່ງ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20