ເວົ້າເຖິງຄຸນສົມບັດ ແລະ ຄວາມພາກພຽນຂອງພະນັກງານ - ສະມາຊິກພັກ.
ເຜີຍແຜ່ໂດຍ: admin ເວລາ: 19/05/2022 22:29:27 ຈຳນວນຢ້ຽມຊົມ 263 ຄັ້ງ ການເຝິກຝົນຫຼໍ່ຫຼອມຫຼັກຫມັ້ນຊົນຊັ້ນກໍາມະກອນໃຫ້ແກ່ສະມາຊິກພັກເປັນບັນຫາສໍາຄັນຍິ່ງ. ພັກເຮົາບໍ່ໄດ້ລົດລະໃນການສຶກສາອົບຮົມລັດທິມາກ-ເລນິນ, ແນວທາງ, ແຜນນະໂຍບາຍ, ນະໂຍບາຍຂອງພັກໃຫ້ແກ່ສະມາຊິກພັກ, ພ້ອມກັນນັ້ນກໍໄດ້ຕັ້ງຫນ້າສູ້ຊົນກຳຈັດປັດເປົ່າບັນດາປະກົດການຂອງແນວຄິດໄຮ້ກຳມາຊີບ, ເປັນຕົ້ນແມ່ນແນວຄິດນາຍທຶນນ້ອຍ, ແນວຄິດຊາວນາທີ່ເຄີຍກະທົບເຂົ້າໃສ່ການຈັດຕັ້ງພັກຢູ່ເລື້ອຍໆ, ເດັດດ່ຽວປົກປັກຮັກສາຄວາມຜ່ອງໃສຂອງລັດທິມາກ-ເລນິນ, ເຮັດໃຫ້ລັດທິມາກ-ເລນິນ ກາຍເປັນລະບົບ, ແນວຄິດແຕ່ອັນດຽວຂອງພັກເຮົາ (ຄັດຈາກປື້ມ 30 ປີແຫ່ງການຕໍ່ສູ້ພາຍໃຕ້ທຸງຊະນະເລີດຂອງພັກ, ຫນ້າ30 ປີ 1985 ).
ພວກເຮົາໄດ້ເຊີດຊູນໃຈຮັກຊາດອັນແທ້ຈິງສົມທົບນ້ຳໃຈສາກົນກໍາມາຊີບອັນຜ່ອງໃສຢູ່ເລື້ອຍໆ, ເດັດດ່ຽວຕໍ່ສູ້ຕ້ານບັນດາປະກົດການຂອງແນວຄິດຊາດຄັບແຄບ, ເຫັນແກ່ຕົນເອງ, ເອື່ອຍອີງ, ຕີຕົວຕໍ່, ພ້ອມກັນນັ້ນ, ກໍໄດ້ເຮັດສຸດຄວາມສາມາດຂອງຕົນປະກອບສ່ວນເຂົ້າໃນການເພີ່ມທະວີກຳລັງແຮງປະຕິວັດ ແລະ ສັນຕິພາບໂລກ. ( ຄັດຈາກປື້ມ 30 ປີແຫ່ງການຕໍ່ສູ້ພາຍໃຕ້ທຸງຊະນະເລີດຂອງພັກ, ຫນ້າ 29 ປີ 1985 )
ພະນັກງານ-ສະມາຊິກພັກ ຈົ່ງເສີມຂະຫຍາຍມູນເຊື້ອອັນສະຫງ່າງາມຂອງພັກ, ຈິດໃຈປະຕິວັດເຖິງຖອງ ແລະ ນ້ຳໃຈເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ, ປົກປັກຮັກສາ ແລະ ເພີ່ມທະວີຄວາມສາມັກຄີເປັນເອກະພາບພາຍໃນພັກ, ຮັບໃຊ້ປະຊາຊົນ, ຜູ້ອອກແຮງງານເຜົ່າຕ່າງໆຢ່າງສຸດອົກສຸດໃຈ, ບາກບັ່ນພະຍາຍາມຮ່ຳຮຽນ, ຝຶກຝົນຫຼໍ່ຫຼອມເພື່ອຍົກລະດັບໃນທຸກດ້ານໃຫ້ສູງຂື້ນ, ເປັນແບບຢ່າງແວ່ນແຍງ, ນຳຫນ້າພາທາງໃນການປະຕິບັດທຸກຫນ້າທີ່ຂອງການປະຕິວັດ, ສົມກັບຄວາມໄວ້ເນື້ອເຊື່ອໃຈ ແລະ ຄວາມຮັກແພງຂອງປະຊາຊົນເຮົາ ແລະ ຂອງອ້າຍນ້ອງເພື່ອນມິດໃນທົ່ວໂລກ.
( ຄັດຈາກປື້ມ 30 ປີແຫ່ງການຕໍ່ສູ້ພາຍໃຕ້ທຸງຊະນະເລີດຂອງພັກ, ຫນ້າ 34 ປີ 1985 )
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20