ເວົ້າເຖິງການເລືອກເຟັ້ນເອົາພະນັກງານ ລົງກໍ່ສ້າງຮາກຖານ

ເຜີຍ​ແຜ່​ໂດຍ​: admin ເວ​ລາ: 19/05/2022 22:24:24 ຈຳ​ນວນ​​ຢ້ຽມ​ຊົມ 541 ຄັ້ງ ​

   ບັນຫາທີ່ຕັ້ງຂຶ້ນກ່ຽວກັບການກໍ່ສ້າງຮາກຖານນັ້ນ ແມ່ນຕ້ອງເລືອກເຟັ້ນເອົາພະນັກງານຜູ້ທີ່ດີເພື່ອສົ່ງລົງຮາກຖານຕ້ອງມີນະໂຍບາຍອັນເຫມາະສົມຕໍ່ພະນັກງານທີ່ລົງໄປຮາກຖານ ແລະ ພະນັກງານຢູ່ຮາກຖານ, ນັບແຕ່ພະນັກງານຂອງພັກ, ຂອງອໍານາດການປົກຄອງ, ຂອງອົງການຈັດຕັ້ງມະຫາຊົນ, ຕະຫລອດພະນັກງານສຶກສາ, ສາທາລະນະສຸກ. ອັນນີ້ເປັນບັນຫາທີ່ແທດຕົວຈິງ ແລະ ມີຄວາມສຳຄັນຍິ່ງ, ສະນັ້ນຕ້ອງມີວິທີແກ້ໄຂທີ່ຖືກຕ້ອງ, ກ່ອນອື່ນຫມົດຕ້ອງຫລີກເວັ້ນສະພາບທີ່ວ່າສ້າງກົງຈັກຂັ້ນຮາກຖານຂຶ້ນຢ່າງໃຫຍ່ໂຕ ເພື່ອດຶງເອົາຄົນອອກຫ່າງເຫີນຈາກການຜະລິດເປັນຈໍານວນຫລວງຫລາຍ, ແລ້ວມາປະກອບໃສ່ກົງຈັກ, ເຮັດແນວນີ້ມັນທັງເປັນການສິ້ນເປືອງ ວັດຖຸຊັບສິນ, ທັງພາໃຫ້ເກີດພະຍາດອາດຍາສິດອີກດ້ວຍ. ທິດນຳກ່ຽວກັບການຮັບປະກັນຊີວິດການເປັນຢູ່ຂອງພະນັກງານຢູ່ຮາກຖານນັ້ນ ກ່ອນອື່ນແມ່ນຕ້ອງໃຊ້ວິທີສ້າງເງື່ອນໄຂເພື່ອບໍ່ໃຫ້ເຂົາເຈົ້າຫ່າງເຫີນຈາກການຜະລິດຢ່າງສິ້ນເຊີງນັບທັງການຜະລິດຂອງລວມຫມູ່ ແລະ ຂອງຄອບຄົວ, ພ້ອມກັນນັ້ນ, ກໍ່ອີງໃສ່ການປະກອບສ່ວນຢ່າງສົມເຫດສົມຜົນຂອງປະຊາຊົນ ແລະ ການອຸດຫນູນໃນລະດັບທີ່ແນ່ນອນຈາກງົບປະມານຕື່ມ.

---