ຜົນສຳເລັດອັນຍິ່ງໃຫຍ່ ແລະ ບົດຮຽນລ້ຳຄ່າຂອງພັກບຸກບືນສູ້ຊົນເພື່ອຟື້ນຟູ.
ເຜີຍແຜ່ໂດຍ: admin ເວລາ: 11/03/2022 15:33:44 ຈຳນວນຢ້ຽມຊົມ 464 ຄັ້ງ ຜົນສຳເລັດອັນຍິ່ງໃຫຍ່ ແລະ ບົດຮຽນລ້ຳຄ່າຂອງພັກບຸກບືນສູ້ຊົນເພື່ອຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ ແລະ ພາລະກິດກ້າວໜ້າຂອງມວນມະນຸດ
(ໂດຍ: ທ່ານ ຈ່ຽງຈ່າຍຕົ່ງ ເອກອັກຄະລັດຖະທູດວິສາມັນຜູ້ມີອຳນາດເຕັມ ສປ ຈີນ ປະຈຳ ສປປ ລາວ)
ແບ່ງປັນແນວຄວາມຄິດຂອງຕົນໃນການເຊື່ອມຊຶມຈິດໃຈກອງປະຊຸມຄົບຄະນະ ຄັ້ງທີ 6 ສະໄໝທີ 19 ຂອງພັກກອມມູນິດຈີນ ກັບບັນດາເພື່ອນມິດໃນວົງການຕ່າງໆຂອງລາວ.
ເນື່ອງໃນເວລາສໍາຄັນທີ່ພັກກອມມູນິດຈີນສ້າງຕັ້ງຂຶ້ນຄົບຮອບ 100 ປີ ແລະ ໄລຍະຄົບຮອບທາງປະຫວັດສາດຂອງເປົ້າໝາຍສູ້ຊົນ “100 ປີສອງເຫດການ”, ພັກກອມມູນິດຈີນໄດ້ຈັດກອງປະຊຸມຄົບຄະນະຄັ້ງທີ 6 ສະໄໝທີ 19 ພິຈາລະນາ ແລະ ຮັບຮອງເອົາ "ມະຕິຕົກລົງຂອງສູນກາງພັກ ກອມມູນິດຈີນ ກ່ຽວກັບຜົນສຳເລັດອັນໃຫຍ່ຫຼວງ ແລະ ບົດຮຽນປະຫວັດສາດຈາກການບຸກບືນສູ້ຊົນຂອງພັກກອມມູນິດຈີນ ໃນໄລຍະ 100 ປີຜ່ານມາ", ຊຶ່ງໄດ້ສະແດງໃຫ້ເຫັນການສູ້ຊົນ ການເສຍສະລະ ແລະ ການປະດິດສ້າງໃໝ່ ຂອງພັກກອມມູນິດຈີນ ໃນໄລຍະ100 ປີຜ່ານມາ ເພື່ອການຈັດຕັ້ງປະຕິບັດອຸດົມການ ແລະ ພາລະໜ້າທີ່ຂອງຕົນທີ່ສະແຫວງຫາຄວາມຜາສຸກໃຫ້ແກ່ປະຊາຊົນຈີນ ແລະ ສະແຫວງຫາການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງຊົນຊາດຈີນ, ໄດ້ເປີດເຜີຍໃຫ້ເຫັນຢ່າງເລິກເຊິ່ງວ່າ "ເປັນຫຍັງຜ່ານມາພວກຂ້າພະເຈົ້າສ້າງຜົນສຳເລັດໄດ້ ແລະ ໃນອະນາຄົດຈະສືບຕໍ່ສ້າງຜົນສຳເລັດຄືແນວໃດ", ຈະມີຜົນສະທ້ອນສຳຄັນ ແລະ ເລິກເຊິ່ງເປັນໄລຍະຍາວຕໍ່ພັກກອມມູນິດຈີນ ໃນການສ້າງຄວາມສາມັກຄີ ເພື່ອນຳພາປະຊາຊົນ ຍຶດໝັ້ນ ແລະ ພັດທະນາສັງຄົມນິຍົມ ທີ່ມີສີສັນພິເສດຂອງຈີນ ໃນສະໄໝໃໝ່. ປະຈຸບັນ, ທົ່ວພັກ, ທົ່ວກອງທັບ ແລະ ປະຊາຊົນທົ່ວປະເທດຈີນກຳລັງຮ່ຳຮຽນ ແລະ ເຊື່ອມຊຶມຈິດໃຈຂອງກອງປະຊຸມດັ່ງກ່າວ ເພື່ອຮັບຮູ້ຜົນສຳເລັດອັນຍິ່ງໃຫຍ່ ທີ່ພັກນຳພາປະຊາຊົນສ້າງຂຶ້ນ ໃນການປະຕິວັດ ລັດທິປະຊາທິປະໄຕໃໝ່, ການປະຕິວັດ ແລະ ສ້າງສາສັງຄົມນິຍົມ, ການປະຕິຮູບ ແລະ ເປີດປະຕູສູ່ພາຍນອກ ແລະ ການສ້າງສັງຄົມນິຍົມທັນສະໄໝ ພ້ອມທັງກັບການສ້າງສັງຄົມນິຍົມ ທີ່ມີສີສັນພິເສດຂອງຈີນໃນສະໄໝໃໝ່, ໂດຍສະເພາະແມ່ນເຊື່ອມຊືມ ຢ່າງເລິກເຊິ່ງຕໍ່ແນວຄິດປະດິດສ້າງໃໝ່, ພຶດຕິກຳປະຕິຮູບ, ຄວາມຄືບໜ້າພົ້ນເດັ່ນ ແລະ ຜົນສຳເລັດທີ່ເປັນຂີດໝາຍພາຍຫຼັງກອງປະຊຸມໃຫຍ່ຄັ້ງທີ 18 ເປັນຕົ້ນມາ ແລະ ສ້າງຄວາມໝັ້ນໃຈຢ່າງໜັກແໜ້ນ ເພື່ອກ້າວໄປສູ່ຂະບວນການໃໝ່ ແລະ ສ້າງສາພັດທະນາສະໄໝໃໝ່.
ນັບແຕ່ກອງປະຊຸມໃຫຍ່ ຄັ້ງທີ 18 ເປັນຕົ້ນມາ, ພາຍໃຕ້ການນຳພາອັນໜັກ
ແໜ້ນຂອງສູນກາງພັກທີ່ຖື ສະຫາຍ ສີຈິ້ນຜິງ ເປັນແກນກາງ, ການພັດທະນາພາລະກິດຂອງພັກ ແລະ ລັດຈີນໄດ້ສ້າງຜົນສຳເລັດທີ່ມີລັກສະນະປະຫວັດສາດ ແລະ ມີການປ່ຽນແປງທີ່ມີລັກສະນະປະຫວັດສາດ, ສັງຄົມນິຍົມທີ່ມີສີສັນພິເສດຂອງຈີນໄດ້ກ້າວເຂົ້າສູ່ສະໄໝໃໝ່. ພວກຂ້າພະເຈົ້າໄດ້ສ້າງສັງຄົມອີ່ມໜຳສຳລານຢ່າງຮອບດ້ານ, ຍອດມູນຄ່າຜະລິດຕະພັນພາຍໃນ(GDP) ໄດ້ລື່ນກາຍ 100 ພັນຕື້ຢວນ, ສະເລ່ຍຕໍ່ຫົວຄົນລື່ນກາຍ 10 ພັນໂດລາ; ປະຊາກອນທຸກຍາກໃນຊົນນະບົດເກືອບ 100 ລ້ານຄົນ ຫຼຸດພົ້ນອອກຈາກຄວາມທຸກຍາກ ແລະ ໄດ້ແກ້ໄຂບັນຫາທຸກຍາກແບບເດັດຖານຄັ້ງປະຫວັດສາດ ທີ່ລົບກວນຊົນຊາດຈີນໃນຫຼາຍຮ້ອຍປີຜ່ານມາ; ໄດ້ສ້າງລະບົບປະກັນສັງຄົມຂະໜາດໃຫຍ່ກວ່າໝູ່ໃນໂລກ, ປະກັນໄພປົວພະຍາດພື້ນຖານ ແລະ ປະກັນໄພລ້ຽງຜູ້ເຖົ້າໄດ້ລື່ນກາຍ 1,35 ຕື້ຄົນ ແລະ 1,01 ຕື້ຄົນ. ພວກຂ້າພະເຈົ້າຕັ້ງໜ້າຊຸກຍູ້ການພັດທະນາທີ່ມີຄຸນນະພາບສູງ, ບໍ່ພຽງແຕ່ເປັນອົງກອນເສດຖະກິດໃຫຍ່ອັນດັບທີ 2, ຕະຫຼາດຊົມໃຊ້ໃຫຍ່ອັນດັບທີ 2 , ປະເທດຜະລິດໃຫຍ່ອັນດັບທີ 1, ປະເທດການຄ້າວັດຖຸໃຫຍ່ອັນດັບທີ 1 ແລະ ປະເທດທີ່ມີການສະສົມເງິນຕາຕ່າງປະເທດໃຫຍ່ອັນດັບທີ 1 ເທົ່ານັ້ນ, ຍັງມີຍອດມູນຄ່າຜະລິດຕະພັນຂອງຂະແໜງການບໍລິການກວມເອົາ 54,5% ຂອງ GDP, ຂະແໜງການຜະລິດເຕັກນິກສູງກວມເອົາ 15%, ການເພີ່ມຂຶ້ນຂອງການຊົມໃຊ້ພາຍໃນມີການປະກອບສ່ວນຕໍ່ການເພີ່ມຂຶ້ນທາງດ້ານເສດຖະກິດລື່ນກາຍ 100% ເຈັດປີລຽນຕິດ, ໂຕເລກດັດສະນີປະດິດສ້າງໃໝ່ຂອງຈີນໃນໂລກຈາກອັນດັບທີ 29 ຂຶ້ນສູ່ອັນດັບທີ 14, ໃນບາງຂົງເຂດປ່ຽນຈາກ "ຜູ້ຄຽງຄູ່ກັນ" ມາເປັນ "ຜູ້ພາທາງ", ລະບົບດາວທຽມເປດາວສ້າງຕັ້ງຂຶ້ນຢ່າງຮອບດ້ານ, ຍານອະວະກາດ"ທຽນວຸ້ນⅠ"ໄປຮອດດາວອັງຄານ, ເຮືອດຳນ້ຳທະເລເລິກບັນທຸກຄົນ "ຜູ້ສູ້ຊົນ" ໄປຮອດນ້ຳເລິກ 10 ພັນເມັດ, ຍານອະວະກາດບັນທຸກຄົນ ເຊີນໂຈ XIII ກຳລັງຢູ່ອະວະກາດ.ພວກຂ້າພະເຈົ້ານັບມື້ນັບກ້າວເຂົ້າສູ່ສູນກາງເວທີໂລກ, ໄດ້ສະເໜີການສ້າງປະຊາຄົມຮ່ວມຊາຕາກຳ, ສາຍພົວພັນສາກົນແບບໃໝ່ ແລະ ແນວຄິດ ອື່ນໆທີ່ໄດ້ຮັບການສະໜັບສະໜູນຢ່າງກວ້າງຂວາງ, ວັກຊິນ ແລະ ຜະລິດຕະພັນສາທາລະນະອື່ນໆຂອງຈີນ ໄດ້ຮັບຄວາມນິຍົມຊົມຊອບ, ຕາໜ່າງສາຍພົວພັນຄູ່ຮ່ວມມືທົ່ວໂລກເປີດກວ້າງຢ່າງບໍ່ຢຸດຢັ້ງ, ການສ້າງ "ໜຶ່ງແລວໜຶ່ງເສັ້ນທາງ" ທີ່ມີຄຸນນະພາບສູງມີຄວາມຄືບໜ້າຢ່າງໝັ້ນທ່ຽງ.
ການທີ່ກ່າວມາຂ້າງເທິງນີ້ແມ່ນລາຍລະອຽດບາງອັນທີ່ສະແດງເຖິງຜົນສຳເລັດອັນໃຫຍ່ຫຼວງຂອງ ພັກກອມມູນິດຈີນ ພາຍຫຼັງກອງປະຊຸມໃຫຍ່ຄັ້ງທີ 18 ເປັນຕົ້ນມາ ຊຶ່ງໄດ້ເຮັດໃຫ້ພວກຂ້າພະເຈົ້າໄດ້ເຫັນຮູ້ການບຸກບືນສູ້ຊົນອັນຍິ່ງໃຫຍ່ຂອງພັກກອມມູນິດຈີນ ທີ່ສະແຫວງຫາຄວາມສຸກ ໃຫ້ແກ່ປະຊາຊົນຈີນ, ສະແຫວງຫາການຟື້ນຟູຄວາມຈະເລີນຮຸ່ງເຮືອງຂອງຊົນຊາດຈີນ ແລະ ສະແຫວງຫາສັນຕິພາບ ແລະ ການພັດທະນາໃຫ້ແກ່ທົ່ວໂລກ. ເປັນຍ້ອນການບຸກບືນສູ້ຊົນອັນຍິ່ງໃຫຍ່ດັ່ງກ່າວ, ໄດ້ປ່ຽນແປງອະນາຄົດ ແລະ ຊາຕາກຳຂອງປະຊາຊົນຈີນຈາກຂັ້ນພື້ນຖານ, ໄດ້ບຸກເບີກເສັ້ນທາງອັນຖືກຕ້ອງໃນການບັນລຸເປົ້າໝາຍການຟື້ນຟູຄວາມຈະເລີນຮຸ່ງເຮືອງທີ່ຍິ່ງໃຫຍ່ຂອງຊົນຊາດຈີນ, ໄດ້ສະແດງໃຫ້ເຫັນເຖິງພະລັງຊີວິດອັນເຂັ້ມແຂງຂອງລັດທິມາກ, ໄດ້ສົ່ງຜົນສະທ້ອນອັນເລິກເຊິ່ງໃຫ້ກັບຂະບວນວິວັດປະຫວັດສາດຂອງໂລກ ແລະ ໄດ້ຝຶກຝົນຫຼໍ່ຫຼອມພັກກອມມູນິດຈີນໃຫ້ສາມາດກ້າວເດີນຢູ່ແຖວໜ້າຂອງຍຸກສະໄໝ. ຄວາມໝາຍທາງປະຫວັດສາດຫ້າຂໍ້ດັ່ງກ່າວໄດ້ຕັ້ງຕົວຢູ່ບົນຜືນແຜ່ນດິນປະເທດຈີນທັງມອງໜ້າໄປສູ່ອະນາຄົດຂອງມວນມະນຸດ, ໄດ້ສະແດງເຖິງສາຍສຳພັນລະຫວ່າງພັກກອມມູນິດຈີນ ແລະ ປະຊາຊົນຈີນຊົນຊາດຈີນ, ລະຫວ່າງພັກກອມມູນິດຈີນ ແລະ ລັດທິມາກ ລັດທິສັງຄົມນິຍົມສາກົນ ແລະ ການພັດທະນາຂອງສັງຄົມມະນຸດ, ໄດ້ເຊື່ອມໂຍງເຂົ້າກັນຕາມຕ່ອງໂສ້ລະຫວ່າງປະຫວັດສາດ, ທິດສະດີ ແລະ ພຶດຕິກຳ. ເປັນຍ້ອນການບຸກບືນສູ້ຊົນອັນຍິ່ງໃຫຍ່ດັ່ງກ່າວ, ໄດ້ສະສົມບົດຮຽນປະຫວັດສາດອັນປະເສີດນັ້ນກໍຄື: ຢຶດໝັ້ນການນຳພາຂອງພັກ, ຢຶດໝັ້ນຖືປະຊາຊົນສຳຄັນກວ່າຫມູ່, ຢຶດໝັ້ນການປະດິດສ້າງທິດສະດີໃໝ່, ຢຶດໝັ້ນຫຼກການເປັນເອກກະລາດເປັນເຈົ້າຕົນເອງ, ຢຶດໝັ້ນເສັ້ນທາງຈີນ, ຢຶດໝັ້ນໃນການຫ່ວງໃຍຊາຕາກຳຂອງ ໂລກ, ຢຶດໝັ້ນການບຸກເບີກປະດິດສ້າງໃຫມ່, ຢຶດໝັ້ນໃນການກ້າຕໍ່ສູ້, ຢຶດໝັ້ນແນວໂຮມເອກກະພາບ ແລະ ຢຶດໝັ້ນການປະຕິວັດດ້ວຍຕົນເອງ. ບົດຮຽນປະຫວັດສາດ 10 ຂໍ້ນີ້ໄດ້ສະແດງໃຫ້ເຫັນເຖິງການຄໍ້າປະກັນທາງຮາກຖານໃຫ້ແກ່ຜົນສຳເລັດອັນຕໍ່ເນື່ອງໃນພາລະກິດຂອງພັກກອມມູນິດຈີນ, ໄດ້ສະແດງໃຫ້ເຫັນແຫຼ່ງກຳເນີດພະລັງອັນບໍ່ປະລາໄຊຈັກເທື່ອຂອງພັກ, ໄດ້ສະແດງໃຫ້ເຫັນເຖິງຊ່ອງທາງພື້ນຖານທີ່ພາໃຫ້ພັກຮັກສາໄດ້ຄວາມກ້າວໜ້າຄວາມຜ່ອງໃສສະອາດ ແລະ ເດີນຢູ່ແຖວໜາຍຸກສະໄໝສະເໝີຕົ້ນສະເໝີປາຍຂອງພັກ ຊຶ່ງພວກຂ້າພະເຈົ້າຕ້ອງຖະນຸຖະໜອມຢຶດໝັ້ນຍາວນານ ແລະ ພັດທະນາໃຫ້ອຸດົມສົມບູນຂຶ້ນໃນພຶດຕິກຳຍຸກສະ ໄໝໃໝ່.
ປະຊາຊົນຈີນ ແລະ ປະຊາຊາດຈີນ ສາມາຍາດໄດ້ຜົນສຳເລັດອັນໃຫຍ່ຫຼວງ ແລະ ສະສົມບົດຮຽນປະຫວັດສາດອັນປະເສີດ, ສາເຫດຕົ້ນຕໍແມ່ນມີການນຳພາຂອງພັກກອມມູນິດຈີນ. ພາຍຫຼງກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ພາລະກິດຂອງພັກ-ລັດ ໄດ້ຮັບຜົນສຳເລັດທີ່ມີລັກສະນະປະຫວັດສາດ ແລະ ໄດ້ມີການຫັນປ່ຽນທີ່ມີລັກສະນະປະຫວັດສາດ, ສາເຫດຕົ້ນຕໍແມ່ນມີການນຳພາຂັບເຄື່ອນຂອງສູນກາງພັກ ທີ່ມີ ສະຫາຍ ສີຈິ້ນຜິງ ເປັນແກນນຳ, ມີແນວຄິດ ສີຈິ້ນຜິງວ່າດ້ວຍ ສັງຄົມນິຍົມ ທີ່ມີສີສັນພິເສດຂອງຈີນ ໃນຍຸກ ໃໝ່ເປັນເຂັມທິດຊີ້ນຳ. ເລຂາທິການໃຫຍ່ ສີຈິ້ນຜິງ ມີຄວາມເມດຕາຮັກແພງຕໍ່ປະຊາຊົນອັນດູດດື່ມ, ມີປັນຍາການເມືອງອັນຍອດຍ້ຽມ ແລະ ພາລະກຳອັນແຮງກ້າຈາກປະຫວັດສາດ, ໄດ້ນຳພາທົ່ວພັກ ແລະ ປະຊາຊົນທົ່ວປະເທດສົ່ງເສີມນໍ້າໃຈເປັນເຈົ້າການທາງປະຫວັດສາດອັນຍິ່ງໃຫຍ່, ບຸກເບີກຍຸກສະໄໝໃໝ່ສັງຄົມນິຍົມທີ່ມີສີສັນພິເສດຂອງຈີນ, ໄດ້ສ້າງສຳເລັດສັງຄົມອີ່ມໜຳສຳລານຢູ່ຜືນແຜ່ນດິນປະຊາຊາດຈີນຢ່າງຮອບດ້ານ, ສົມແລ້ວທີ່ເປັນແກນນຳໃຫ້ແກ່ພັກ,ຜູ້ນຳຂອງປະຊາຊົນ ແລະ ຜູ້ນຳຂອງກອງທັບ. ດ້ວຍຄວາມເກັ່ງກ້າທາງທິດສະດີ ເລຂາທິການໃຫຍ່ ສີຈິ້ນຜິງ ໄດ້ສັງເກດການຢ່າງຊັດເຈນຕໍ່ຍຸກສະໄໝ, ກຳແໜ້ນໂອກາດຂອງຍຸກສະໄໝ, ນຳພາກະແສຍຸກສະໄໝ, ໄດ້ສະເໜີອອກແນວຄິດທິດສະດີຍຸດທະສາດອັນໃໝ່ທີ່ມີລັກສະນະປະດິດສ້າງໃໝ່, ໄດ້ສ້າງຕັ້ງແນວຄິດ ສີຈິ້ນຜິງ ວ່າດ້ວຍສັງຄົມນິຍົມ ທີ່ມີສີສັນພິເສດຂອງຈີນໃນຍຸກໃໝ່. ແນວຄິດສຳຄັນດັ່ງກ່າວແມ່ນລັດທິມາກຍຸກປັດຈຸບັນ, ລັດທິມາກໃນສະຕະວັດ 21 ແລະ ເປັນຍອດກະທິຍຸກສະໄໝຂອງວັດທະນະທຳຊາດຈີນ ແລະ ນໍ້າໃຈຊົນຊາດຈີນ. ພັກກອມມູນິດຈີນໄດ້ລະບຸກຳນົດ ສະຫາຍ ສີຈິ້ນຜິງ ເປັນແກນນຳຂອງສູນກາງພັກ ແລະ ທົ່ວ ພັກ, ລະບຸກຳນົດແນວຄິດ ສີຈິ້ນຜິງ ວ່າດ້ວຍສັງຄົມນິຍົມ ທີ່ມີສີສັນພິເສດຂອງຈີນໃນຍຸກໃໝ່ ເປັນແນວຄິດຊີ້ນຳ, ໄດ້ສະແດງໃຫ້ເຫັນເຖິງຄວາມມຸ່ງມາດປາຖະໜາຮ່ວມຂອງທົ່ວພັກ ທົ່ວກອງທັບ ແລະ ປະຊາຊົນທຸກຊົນເຜົ່າທົ່ວປະເທດ ຊຶ່ງມີຄວາມໝາຍທີ່ມີລັກສະນະຕັດສິນຕໍ່ການພັດທະນາພາລະກິດຂອງພັກ-ລັດ ແລະ ຂະບວນວິວັດການຟຶ້ນຟູຄວາມຈະເລີນຮຸ່ງເຮືອງຊົນຊາດຈີນອັນຍິ່ງໃຫຍ່.
ພວກຂ້າພະເຈົ້າຫວນຄືນຜົນສໍາເລັດຍິ່ງໃຫຍ່ ຫຼື ສະຫຼຸບປະສົບການປະຫວັດສາດ ກໍແມ່ນເພື່ອເຊື່ອມຊຶມສະຕິປັນຍາ ແລະ ກໍາລັງໃຈໃນການກ້າວເດີນໄປໜ້າຊຸກຍູ້ພາລະກິດປະຫວັດສາດ ທີ່ຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນໃຫ້ດີກວ່າເກົ່າ. ຜ່ານການບາກບັ່ນສູ້ຊົນທີ່ພັກກອມມູນິດຈີນໄດ້ນໍາພາປະຊາຊົນດໍາເນີນໃນຮອບຮ້ອຍປີຜ່ານມາ ໂດຍສະເພາະແມ່ນຜົນສໍາເລັດຍິ່ງໃຫຍ່ນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ປັດຈຸບັນນີ້ ພວກຂ້າພະເຈົ້າໄດ້ຢູ່ໃກ້ກັນ ມີຄວາມເຊື່ອໝັ້ນໃຈ ແລະ ມີຄວາມສາມາດຫຼາຍກວ່າທຸກໄລຍະໃນປະຫວັດສາດ ໃນການບັນລຸເປົ້າໝາຍຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ. ພ້ອມກັນນັ້ນ ພວກຂ້າພະເຈົ້າກໍຮູ້ແຈ້ງດີວ່າ ຈີນຍັງຢູ່ ແລະ ຈະສືບຕໍ່ຢູ່ຂັ້ນຕອນເລີ່ມຕົ້ນສັງຄົນນິຍົມໃນໄລຍະຍາວ, ຈີນຍັງເປັນປະເທດກໍາລັງພັດທະນາ ທີ່ໃຫຍ່ທີ່ສຸດໃນໂລກ, ບັນຫາຂອງການພັດທະນາບໍ່ດຸນດ່ຽງ ບໍ່ເຕັມສ່ວນຍັງພົ້ນເດັ່ນຢູ່, ຄວາມສາມາດປະດິດສ້າງໃໝ່ຍັງບໍ່ທັນສອດຄ່ອງກັບຄວາມຕ້ອງການພັດທະນາທີ່ມີຄຸນນະພາບສູງ. ສະນັ້ນ, ພວກຂ້າພະເຈົ້າຈະຈື່ຈໍາອຸດົມການແຕ່ຫົວທີ ແລະ ພາລະໜ້າທີ່ຂອງຕົນ, ຈັດຕັ້ງປະຕິບັດແນວຄິດ ສີຈິ້ນຜິງ ກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ ຢ່າງຮອບດ້ານ, ຮັດແໜ້ນການພົວພັນກັບປະຊາຊົນແບບກາຍອິນຊີຕະຫຼອດໄປ, ຊຸກຍູ້ໂຄງການຍິ່ງໃຫຍ່ໃໝ່ຂອງການກໍ່ສ້າງພັກໃນຍຸກໃໝ່ຢ່າງຕໍ່ເນື່ອງ, ເລີ່ມຕົ້ນຈາກໄລຍະພັດທະນາໃໝ່ ຈັດຕັ້ງປະຕິບັດແນວຄິດພັດທະນາໃໝ່ ສ້າງສະພາບການພັດທະນາໃໝ່ ຊຸກຍູ້ພັດທະນາທີ່ມີຄຸນນະພາບສູງ, ບາກບັ່ນສູ້ຊົນຢ່າງບໍ່ລົດລະ ເພື່ອສ້າງຈີນເປັນປະເທດສັງຄົມນິຍົມທີ່ທັນສະໄໝເຂັ້ມແຂງເມື່ອຮອດກາງສະຕະວັດນີ້ ບັນລຸຄວາມໃຝ່ຝັນຂອງຈີນທີ່ຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ. ພວກຂ້າພະເຈົ້າເຊື່ອໝັ້ນຢ່າງໜັກແໜ້ນວ່າ, ພັກກອມມູນິດຈີນ ແລະ ປະຊາຊົນຈີນທີ່ໄດ້ຮັບໄຊຊະນະ ແລະ ກຽດສະຫງ່າທີ່ຍິ່ງໃຫຍ່ໃນຮອບຮ້ອຍປີຜ່ານມານັ້ນ ຍ່ອມຈະໄດ້ໄຊຊະນະ ແລະ ກຽດສະຫງ່າທີ່ຍິ່ງໃຫຍ່ກວ່າເກົ່າ ໃນຂະບວນການເດີນທາງໃນຍຸກ ໃໝ່ຢ່າງແນ່ນອນ. ການບຸກບືນສູ້ຊົນຂອງພັກກອມມູນິດຈີນໃນຮ້ອຍປີຜ່ານມາບໍ່ພຽງແຕ່ໃຫ້ອະນາຄົດ ແລະ ຊາຕາກຳຂອງປະຊາຊົນຈີນເກີດມີການປ່ຽນແປງຢ່າງເລິກເຊິ່ງ, ຍັງສ້າງຜົນສະທ້ອນຢ່າງເລິກເຊິ່ງໃຫ້ແກ່ຂະບວນການປະຫວັດສາດຂອງໂລກ. ໂດຍສະເພາະແມ່ນນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ວຽກງານການຕ່າງປະເທດຂອງປະເທດໃຫຍ່ທີ່ມີສີສັນພິເສດຈີນໄດ້ຮັບການຊຸກຍູ້ໄປໜ້າຢ່າງຮອບດ້ານ, ການສ້າງປະຊາຄົມຮ່ວມຊາຕາກຳຂອງມວນມະນຸດໄດ້ກາຍເປັນຄັນທຸງທີ່ໂດດເດັ່ນໃນການນຳພາກະແສຍຸກສະໄໝ ແລະ ທິດທາງກ້າວໄປໜ້າຂອງມວນມະນຸດ, ປະເທດຈີນໄດ້ກາຍເປັນຜູ້ສ້າງສາສັນຕິພາບຂອງໂລກ, ຜູ້ປະກອບສ່ວນເຂົ້າໃນການພັດທະນາຂອງໂລກ ແລະ ຜູ້ປົກປັກຮັກສາລະບຽບການສາກົນ. ສະຫາຍເລຂາທິການໃຫຍ່ ສີຈິ້ນຜີງ ໄດ້ຊີ້ນຳ ແລະ ເຂົ້າຮ່ວມວຽກງານການຕ່າງປະເທດຢ່າງຈົດຈໍ່, ດຳເນີນການຕ່າງປະເທດໃນຖານະເປັນປະມຸກລັດຢ່າງມີຫຼາຍຮູບຫຼາຍແບບ ແລະໄດ້ນຳພາພຶດຕິກຳການຕ່າງປະເທດທີ່ສະຫງ່າລາສີ. ເມື່ອປະເຊີນໜ້າກັບການແຜ່ລະບາດຂອງພະຍາດໂຄວິດ-19 ທີ່ເກີດກະທັນຫັນ, ສະຫາຍເລຂາທິການໃຫຍ່ ສີຈິ້ນຜິງ ໄດ້ດຳເນີນ “ວຽກງານການຕ່າງປະເທດແບບທາງອອນລາຍ”, ໄດ້ຕັ້ງຄັນທຸງທີ່ສາມັກຄີກັນໃຫ້ແກ່ການຕ້ານໂຄວິດ-19 ຂອງສາກົນ, ແລະ ໃຫ້ກຳລັງແຮງຢ່າງເຂັ້ມແຂງເຂົ້າສູ່ການຟື້ນຟູເສດຖະກິດ ຊຶ່ງໄດ້ສະແດງໃຫ້ເຫັນເຖິງນ້ຳໃຈທີ່ເອົາໃຈໃສ່ສູງຕໍ່ປະຊາຊົນທົ່ວໂລກຢ່າງໃຫຍ່ຫຼວງຂອງການນຳປະເທດໃຫຍ່. ສະຫາຍເລຂາທິການໃຫຍ່ ສີຈິ້ນຜິງ ກັບການນຳປະເທດລາວໄດ້ລົງນາມ "ແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳ ຈີນ-ລາວ", ສອງຝ່າຍມີຂໍ້ຕົກລົງສຳຄັນທີ່ຈະຮ່ວມກັນສ້າງທາງລົດໄຟຈີນ-ລາວ. ໃນຕົ້ນເດືອນນີ້, ທາງລົດໄຟຈີນ-ລາວ ເປີດນຳໃຊ້ຢ່າງເປັນທາງການ, ສະຫາຍເລຂາທິການໃຫຍ່ ສີຈິ້ນຜິງ ກັບ ສະຫາຍເລຂາທິການໃຫຍ່ ທອງລຸນ ສີສຸລິດ ໄດ້ເຂົ້າຮ່ວມພິທີເປີດນຳໃຊ້ທາງລົດໄຟ ຈີນ-ລາວ ແລະ ຈັດການພົບປະແບບທາງໄກ, ໄດ້ເປີດເຜີຍຢ່າງເລິກເຊິ່ງເຖິງຂໍກະແຈທີ່ເຮັດໃຫ້ສາຍພົວພັນຈີນ-ລາວ ນັບມື້ນັບແໜ້ນແຟ້ນຂຶ້ນ ແລະ ຮັບໝາກຜົນອັນໃໝ່ໃນໄລຍະ 60 ປີທີ່ຜ່ານມາ, ໄດ້ຊີ້ອອກຢ່າງຈະແຈ້ງເຖິງເອກະລັກທາດແທ້ຂອງການພົວພັນສອງປະເທດຄືຢຶດໝັ້ນການນຳພາຂອງພັກກອມມູນິດ ແລະ ທິດທາງສັງຄົມນິຍົມ, ໄດ້ອອກມາດຕະການອັນສຳຄັນຢ່າງຮອບດ້ານເພື່ອສືບຕໍ່ສ້າງຄູ່ຮ່ວມຊາຕາກຳຈີນ-ລາວ ທີ່ແຕກແຍກບໍ່ໄດ້ຢ່າງບໍ່ຢຸດຢັ້ງ, ໄດ້ຊີ້ອອກຢ່າງຈະແຈ້ງເຖິງຄວາມຮຽກຮ້ອງຕ້ອງການຂອງວຽກງານທີ່ຮັກສາ ແລະ ດຳເນີນການນຳໃຊ້ທາງລົດໄຟ ຈີນ-ລາວ ໃຫ້ດີ ຊຶ່ງເປັນບ່ອນອີງພື້ນຖານ ແລະ ທິດຊີ້ນຳໃຫ້ແກ່ ການພັດທະນາສາຍພົວພັນ ຈີນ-ລາວໃນຍຸກສະໄໝໃໝ່. ພວກຂ້າພະເຈົ້າຍິນດີຮ່ວມກັນກັບຝ່າຍລາວ ຈັດຕັ້ງປະຕິບັດຄວາມຮັບຮູ້ເປັນເອກະພາບກັນອັນສຳຄັນຂອງເລຂາທິການໃຫຍ່ຂອງສອງພັກຢ່າງຮອບດ້ານ, ຊຸກຍູ້ການພົວພັນສອງຝ່າຍກ້າວເຂົ້າສູ່ລະດັບໃໝ່, ສ້າງຄວາມຜາສຸກຫຼາຍກວ່າເກົ່າໃຫ້ແກ່ປະຊາຊົນສອງປະເທດ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20