ຊົມເຊີຍຂະບວນລົດໄຟລ້ານຊ້າງຄັ້ງທຳອິດຈາກ ສປ ຈີນ ມາເຖິງນະຄອນຫຼວງວຽງຈັນ ສປປ ລາວ

ເຜີຍ​ແຜ່​ໂດຍ​: admin ເວ​ລາ: 11/03/2022 13:45:28 ຈຳ​ນວນ​​ຢ້ຽມ​ຊົມ 594 ຄັ້ງ ​

ໂດຍ: ພູວັນ

ຊົມເຊີຍຂະບວນລົດໄຟລ້ານຊ້າງ ຄັ້ງທຳອິດ ລົດໄຟ EMU ຈາກ ສປຈີນມາເຖິງນະຄອນຫຼວງວຽງຈັນ ສປປລາວ ຖືເປັນໜຶ່ງໃນຄວາມພາກພູມໃຈຂອງຄົນລາວທຸກທົ່ວໜ້າ ແລະ ເປັນມື້ສຳຄັນ ມື້ງາມຍາມດີໃນວັນທີ 16 ຕຸລາ 2021 ນີ້, ທີ່ສະຖານີລົດໄຟນະຄອນຫຼວງວຽງຈັນຂອງໂຄງການລົດໄຟຟ້າລາວ-ຈີນ ຕັ້ງຢູ່ບ້ານໄຊ ເມືອງໄຊທານີ ນະຄອນຫຼວງວຽງຈັນ ຫ່າງຈາກຖະໜົນ 450 ປີ ປະມານ 3 ໂລແມັດ ຊຶ່ງເປັນສະຖານນີລົດໄຟທີ່ໃຫຍ່ ແລະ ມີຄວາມສວຍງາມທີ່ສຸດ ແລະ ສາມາດຮອງຮັບຜູ້ໂດຍ ສານໄດ້ເຖິງ 2.500 ຄົນ, ຊຶ່ງຖືເປັນມື້ເລິກງາມຍາມດີ ທີ່ສອງປະເທດລາວ ແລະ ຈີນໄດ້ຈັດຕັ້ງພິທີມອບ-ຮັບການມາຮອດ ມາເຖິງຢ່າງເປັນທາງການຂອງລົດໄຟຂະບວນທຳອິດທີ່ມີຊື່ວ່າ: “ຂະບວນລ້ານຊ້າງ.

ຂະບວນລົດໄຟດັ່ງກ່າວນໍາໃຊ້ຫົວຈັກລົດໄຟຟ້າ ເປັນຂະບວນລົດໄຟຟ້າຊະນິດ EMU ຊຶ່ງປະກອບມີຫ້ອງຂັບ ແລະ ຫ້ອງເຄື່ອງຈັກມີຢູ່ 2 ສົ້ນ. ສາມາດຂັບໄປ ແລະ ກັບໄດ້ໃນຂະບວນດຽວ, ສ່ວນຕູ້ສໍາລັບບັນຈຸໂດຍສານມີທັງໝົດ 7 ຕູ້, ໃນນັ້ນມີຕູ້ສໍາລັບບ່ອນນັ່ງ VIP, ມີຕູ້ບ່ອນນັ່ງທໍາມະດາ ແລະ ຍັງມີຕູ້ທີ່ມີບ່ອນນັ່ງກິນເຂົ້າ ແລະ ບ່ອນນັ່ງຜູ້ໂດຍສານນໍາ. ສ່ວນຕູ້ VIP ມີ 56 ບ່ອນນັ່ງ, ຕູ້ທໍາມະດາມີ 662 ບ່ອນນັ່ງ ລວມທັງຄົນຂັບແມ່ນ 720 ບ່ອນນັ່ງ, ລົດໄຟຂະບວນນີ້ມີຄວາມໄວແມ່ນ 160 ກິໂລ ແມັດຕໍ່ຊົ່ວໂມງ, ດ້ານການອອກແບບຮູບຊົງຂອງລົດໄຟ ແມ່ນຄະນະຊ່ຽວຊານໄດ້ອອກແບບດ້ວຍການນຳໃຊ້ສັນຍາລັກຂອງທຸງຊາດລາວ, ທີ່ເປັນແຮງບັນດານໃຈໃນການອອກແບບປະກອບມີ 3 ສີຄື: ສີແດງ, ສິຟ້າ ແລະ ສີຂາວ ຊຶ່ງສີແດງແມ່ນໝາຍເຖິງເລືອດເນື້ອຂອງນັກຮົບປະຕິວັດລາວ, ສີຟ້າໝາຍເຖິງຄວາມອຸດົມສົມບູນທາງດ້ານຊັບພະຍາກອນທຳມະຊາດ ແລະ ສີຂາວໝາຍເຖິງຄວາມສາມັກຄີຂອງຄົນລາວພາຍໃຕ້ການນຳພາຂອງພັກປະຊາຊົນປະຕິດລາວ.

ຂະບວນລົດໄຟສາຍດ່ວນຂະບວນທຳອິດນີ້ເອີ້ນວ່າ: ຂະບວນລ້ານຊ້າງ, ສ່ວນອີກຂະບວນລົດໄຟຟ້າສາຍດ່ວນທີ່ບໍລິສັດລົດໄຟລາວ-ຈີນ ມີແຜນຈະຈັດຊື້ໃໝ່ໃນຕໍ່ໜ້າອີກ 1 ຂະບວນນັ້ນມີຊື່ວ່າ: ຂະບວນແຄນລາວ, ຂະບວນລົດໄຟລາວ-ຈີນໄດ້ມາເຖິງລາວແລ້ວ ຄາດວ່າຈະເປິດຕົວໃນວັນທີ 2 ທັນວານີ້ ພ້ອມກັບການສະເຫຼີມສະຫຼອງວັນຊາດລາວ.

---