ໄຊສົມບູນ ສະຫຼຸບວຽກງານຊອກຄົ້ນອັດຖິທະຫານອາສາສະໝັກ ຫວຽດນາມ
ເຜີຍແຜ່ໂດຍ: admin ເວລາ: 11/03/2022 13:23:08 ຈຳນວນຢ້ຽມຊົມ 375 ຄັ້ງ ກອງປະຊຸມສະຫຼຸບຖອດຖອນບົດຮຽນ ການເຄື່ອນໄຫວຈັດຕັ້ງປະຕິບັດວຽກງານຊອກຄົ້ນ, ຂຸດຄົ້ນ, ທ້ອນໂຮມ ອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມ ຢູ່ຂອບເຂດແຂວງໄຊສົມບູນ ປະຈໍາໄຕມາດ III ແລະ ທິດທາງແຜນການ ປະຈໍາໄຕມາດ IV ປີ 2021 ຂອງຄະນະປະຕິບັດງານພິເສດ ແຂວງໄຊສົມບູນ ໄດ້ຈັດຂຶ້ນໃນວັນທີ 6 ຕຸລາ ນີ້ ທີ່ຫ້ອງປະຊຸມກອງບັນຊາການທະຫານແຂວງ ໂດຍການເປັນປະທານຂອງທ່ານ ພອຍຄໍາ ຮຸ່ງບຸນຍວງ ຮອງເລຂາພັກແຂວງ ຫົວໜ້າຄະນະປະຕິບັດງານພິເສດແຂວງ, ມີຮອງຫົວໜ້າ, ຄະນະປະຕິບັດງານພິເສດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ພັນເອກ ໝອນຄໍາ ດວງສະຫັວນ ຫົວໜ້າການເມືອງ ກອງບັນຊາການທະຫານແຂວງ ຮອງຫົວໜ້າຄະນະປະຕິບັດງານພິເສດແຂວງ ໄດ້ຜ່ານບົດສະຫຼຸບການຈັດຕັ້ງເຄື່ອນໄຫວວຽກງານຊອກຄົ້ນ, ຂຸດຄົ້ນ, ທ້ອນໂຮມຮ່າງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ປະຈໍາໄຕມາດ III ແລະ ທິດທາງແຜນການ ປະຈໍາໄຕມາດ IV ປີ 2021 ຊຶ່ງໄລຍະ 3 ເດືອນຜ່ານມາ, ຄະນະປະຕິບັດງານພິເສດແຂວງໄດ້ເອົາໃຈໃສ່ປະສານສົມທົບພົວພັນຮ່ວມມືກັບ ພາກສ່ວນທີ່ກ່ຽວຂ້ອງ ກໍຄືຄະນະປະຕິບັດງານພິເສດຂັ້ນຕ່າງໆ ລະຫວ່າງສອງປະເທດຢ່າງເປັນປົກກະຕິ ຕິດພັນກັບການສະຫຼຸບລາຍງານວຽກງານເປັນແຕ່ລະໄລຍະ. ຜ່ານມາໄດ້ເອົາໃຈໃສ່ປັບປຸງເຮືອນນອນໃຫ້ກອງຂຸດຄົ້ນອັດຖິ ສສ ຫວຽດ ນາມ ທີ່ປະຈໍາຢູ່ເມືອງລ້ອງແຈ້ງ ຈໍານວນ 1 ຄັ້ງ ພ້ອມທັງໄດ້ຮັບຕຽງນອນ ຈໍານວນ 13 ຕຽງ ຈາກທ່ານເຈົ້າເມືອງລ້ອງແຈ້ງ. ນອກນີ້, ຄະນະປະຕິບັດງານພິເສດ ໄດ້ພ້ອມກັນກໍານົດທິດທາງແຜນການ ແລະ ຄາດໝາຍຊູ້ຊົນ ປະຈໍາໄຕມາດ IV ຂອງປີ 2021 ຈະສືບຕໍ່ປະສານສົມທົບກັບກອງຂຸດຄົ້ນອັດຖິທະຫານ ແຂວງເຫງະອານ ທີ່ປະຈໍາຢູ່ເມືອງລ້ອງແຈ້ງ ເພື່ອກະກຽມແຜນການຂຸດຄົ້ນຮ່າງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນຂອບເຂດແຂວງ ໃຫ້ບັນລຸຕາມໂຕເລກຄາດໝາຍທີ່ຂັ້ນເທິງມອບໝາຍໃຫ້ ໃນຈໍານວນ 6 ອັດຖິ, ສືບຕໍ່ເພີ່ມທະວີໂຄສະນາ, ຂົນຂວາຍພະນັກງານບໍານານອາວຸໂສ, ພະນັກງານ-ລັດຖະກອນ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າ ໃຫ້ມີຄວາມເຂົ້າໃຈ ແລະ ມີສ່ວນຮ່ວມ ທັງອໍານວຍຄວາມສະດວກໃຫ້ແກ່ການເຄື່ອນໄຫວວຽກງານຂຸດຄົ້ນ ເພື່ອໃຫ້ວຽກງານຂຸດຄົ້ນດັ່ງກ່າວ ໃຫ້ສາມາດບັນລຸຄາດໝາຍທີ່ຂັ້ນເທິງມອບໃຫ້. (ຂ່າວ-ພາບ: ພາພອນ ນະວົງໄຊ)
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20