ກອງປະຊຸມໃຫຍ່ ຄັ້ງທີ II ຂອງ ໜ່ວຍແມ່ຍິງ ກົມການທູດປະຊາຊົນ ແລະ ກົມເອີຣົບ-ອາເມຣິກາ, ຄະນະພົວພັນຕ່າງປະເທດສູນກາງພັກ.
ເຜີຍແຜ່ໂດຍ: moderator ເວລາ: 17/07/2024 13:45:07 ຈຳນວນຢ້ຽມຊົມ 146 ຄັ້ງ ເພື່ອເປັນການກະກຽມໃຫ້ແກ່ການດໍາເນີນ ກອງປະຊຸມໃຫຍ່ ຄັ້ງທີ II ຂອງ ຄະນະບໍລິຫານງານສະຫະພັນແມ່ຍິງ ຄະນະພົວພັນຕ່າງປະເທດສູນກາງພັກ (ຄຕພ), ໃນຕອນເຊົ້າຂອງ ວັນທີ 16 ກໍລະກົດ 2024, ໜ່ວຍແມ່ຍິງກົມການທູດປະຊາຊົນ (ທປຊ) ແລະ ກົມເອີຣົບ-ອາເມຣິກາ (ອອ) ໄດ້ດໍາເນີນກອງປະຊຸມໃຫຍ່ສະມາຊິກແມ່ຍິງ ຄັ້ງທີ II ຂຶ້ນ ທີ່ ສໍານັກງານ ຄຕພ ພາຍໃຕ້ການເປັນປະທານຂອງ ສະຫາຍ ບຸນຍອງ ບຸດທະວົງ, ເລຂາໜ່ວຍພັກກົມ ທປຊ ແລະ ສະຫາຍ ນ. ສີຣິພອນ ຄູຫາເທບ, ຄະນະພັກ ຄຕພ, ປະທານສະຫະພັນແມ່ຍິງ ຄຕພ, ເລຂາໜ່ວຍພັກກົມ ອອ; ຕາງໜ້າບັນດາໜ່ວຍແມ່ຍິງອ້ອມຂ້າງພາຍໃນ ຄຕພ, ຕາງໜ້າໜ່ວຍຊາວໜຸ່ມ ແລະ ກໍາມະບານຂອງກົມ ທປຊ-ອອ ແລະ ສະມາຊິກແມ່ຍິງກົມ ທປຊ-ອອ ເຂົ້າຮ່ວມຢ່າງພ້ອມພຽງ.
ກອງປະຊຸມໄດ້ຜ່ານ ບົດລາຍງານການເມືອງ ແລະ ບົດສໍາຫຼວດການນໍາພາ ຂອງ ຄະນະໜ່ວຍແມ່ຍິງກົມ ທປຊ-ອອ ສະໄໝທີ I, ເຊິ່ງໄດ້ຕີລາຄາຜົນສຳເລັດ, ຈຸດດີ-ຈຸດຄົງຄ້າງ, ຂໍ້ສະດວກ-ຂໍ້ຫຍຸ້ງຍາກ ໃນການນໍາພາ-ຊີ້ນໍາວຽກງານແມ່ຍິງຂອງກົມ ທປຊ-ອອ ໃນໄລຍະ 5 ປີຜ່ານມາ ແລະ ທິດທາງຈຸດສຸມໃນໄລຍະ 5 ປີຕໍ່ໜ້າ. ຜົນງານຂອງ ໜ່ວຍແມ່ຍິງ ກົມ ທປຊ-ອອ ແມ່ນຕິດພັນຢ່າງສະໜິດແໜ້ນກັບຜົນງານຂອງໜ່ວຍພັກ, ຂອງກົມ ທປຊ-ອອ, ຖືເປັນກໍາລັງຫຼັກຂອງໜ່ວຍພັກກົມ ກໍ່ຄື ກົມ ທປຊ-ອອ ໃນການເປັນເສນາທິການໃຫ້ ຄະນະພັກ-ຄະນະນຳ ຄຕພ ແລະ ຄະນະບໍລິຫານງານສະຫະພັນແມ່ຍິງ ໃນການຄົ້ນຄວ້າ, ຕິດຕາມສະພາບການພາກພື້ນ ແລະ ສາກົນ, ສະພາບການຂອງບັນດາພັກການເມືອງ, ຂະບວນການພັກກອມມູນິດ ແລະ ກໍາມະກອນ, ຂະບວນການກ້າວໜ້າໃນທົ່ວໂລກ; ຄົ້ນຄວ້າແຜນຍຸດທະສາດ, ແນວທາງ-ນະໂຍບາຍການຕ່າງປະເທດຂອງພັກ ໃນແຕ່ລະໄລຍະ; ເປັນໃຈກາງປະສານງານ ແລະ ອໍານວຍຄວາມສະດວກໃນການຈັດຕັ້ງປະຕິບັດວຽກງານພົວພັນຕ່າງປະເທດ ການທູດປະຊາຊົນຂອງພັກ, ວຽກງານສັນຕິພາບ ແລະ ສາມັກຄີ ຂອງລາວ; ພ້ອມກັນນັ້ນ, ກໍ່ສາມາດຍາດໄດ້ນາມມະຍົດໜ່ວຍແມ່ຍິງ 3 ດີ ໄລຍະແຕ່ປີ 2019-2023, ເຊິ່ງຜົນງານເຫຼົ່ານີ້ ໄດ້ປະກອບສ່ວນອັນສໍາຄັນໃຫ້ແກ່ ສະຫະພັນແມ່ຍິງ ຄຕພ ໃນການຍາດໄດ້ທຸງໄຊ 3 ດີ ໃນຕໍ່ໜ້າ.
ກອງປະຊຸມໃຫຍ່ສະມາຊິກໜ່ວຍແມ່ຍິງ ກົມ ທປຊ-ອອ ຄັ້ງທີ II ໄດ້ປ່ອນບັດເລືອກຕັ້ງເອົາຄະນະໜ່ວຍຊຸດ ໃໝ່ເຊິ່ງປະກອບມີ ສະຫາຍ ນ ສົມປາດຖະໜາ ວົງປະຊາ, ເປັນຫົວໜ້າໜ່ວຍ; ສະຫາຍ ນ ດາວພະສຸກ ທໍາມະໂກດ, ເປັນຮອງຫົວໜ້າໜ່ວຍ, ທັງເປັນປະທານກວດກາໜ່ວຍ ແລະ ສະຫາຍ ນ ລັດຕະນະ ຫຼວງລາດ, ເປັນກໍາມະການໜ່ວຍແມ່ຍິງກົມ ທປຊ-ອອ.
ໃນກອງປະຊຸມ, ສະຫາຍ ບຸນຍອງ ບຸດທະວົງ, ເລຂາໜ່ວຍພັກກົມການທູດປະຊາຊົນ ແລະ ສະຫາຍ ນ. ສິຣິພອນ ຄູຫາເທບ, ຄະນະພັກ ຄຕພ, ປະທານສະຫະພັນແມ່ຍິງ ຄຕພ ໄດ້ໃຫ້ກຽດໂອ້ລົມຕໍ່ກອງປະຊຸມ, ໂດຍໄດ້ຊົມເຊີຍຜົນງານທີ່ຄະນະໜ່ວຍ ແລະ ສະມາຊິກແມ່ຍິງກົມ ທປຊ-ອອ ຍາດມາໄດ້ໃນສະໄໝຜ່ານມາ, ຮຽກຮ້ອງໃຫ້ຄະນະໜ່ວຍ.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20