ຄະນະພົວພັນຕ່າງປະເທດສູນກາງພັກ ສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າປະຈໍາປີ 2022
ເຜີຍແຜ່ໂດຍ: editor ເວລາ: 30/03/2023 15:30:06 ຈຳນວນຢ້ຽມຊົມ 1085 ຄັ້ງ ໃນວັນທີ 29 ມີນາ 2023, ຄະນະພົວພັນຕ່າງປະເທດສູນກາງພັກ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າປະຈໍາປີ 2022 ຂອງສະຫະພັນກໍາມະບານ ຄະນະພົວພັນຕ່າງປະເທດສູນກາງພັກ, ໂດຍໃຫ້ກຽດເຂົ້າຮ່ວມ ຂອງ ສະຫາຍ ວາລະໄຊ ເລັ່ງສະຫວັດ, ກໍາມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ; ຜູ້ຕາງໜ້າສູນກາງສະຫະພັນກໍາມະບານລາວ; ມີບັນດາສະຫາຍຄະນະບໍລິຫານງານສະຫະພັນ ກໍາມະບານຄະນະພົວພັນຕ່າງປະເທດສູນກາງພັກ, ຜູ້ຕາງໜ້າບັນດາໜ່ວຍພັກ, ອົງການຈັດຕັ້ງຊາວໜຸ່ມ ແລະ ແມ່ຍິງ ຕະຫຼອດຮອດບັນດາສະຫາຍ ສະມາຊິກກໍາມະບານຈໍານວນໜຶ່ງ ເຂົ້າຮ່ວມ.
ໃນກອງປະຊຸມສະຫາຍ ເກີລໍ່ ຢາງກໍ, ກໍາມະການຄະນະພັກ, ຄະນະບໍລິຫານງານສູນກາງສະຫະພັນກໍາມະບານລາວ, ປະທານສະຫະພັນກໍາມະບານ ຄະນະພົວພັນຕ່າງປະເທດສູນກາງພັກ ໄດ້ຜ່ານບົດສະຫຼຸບຕີລາຄາການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າປະຈໍາປີ 2022 ແລະ ທິດທາງແຜນການປະຈໍາປີ 2023 ຂອງສະຫະພັນກໍາມະບານ ຄະນະພົວພັນຕ່າງປະເທດສູນກາງພັກ ໂດຍໄດ້ຍົກໃຫ້ເຫັນເຖິງຜົນສຳເລັດໃນການເຄື່ອນໄຫວວຽກງານກໍາມະບານທີ່ພົ້ນເດັ່ນໃນໄລຍະ 1 ປີ ຜ່ານມາ ໂດຍສະເພາະແມ່ນວຽກງານການປະເມີນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 05 ເປັນເຈົ້າຂອງ 06 ກໍາມະບານຮາກຖານທີ່ຢູ່ພາຍໃຕ້ການຄຸ້ມຄອງຂອງສະຫະພັນກໍາມະບານ ຄະນະພົວພັນຕ່າງປະເທດສູນກາງພັກ ໄດ້ມີການປະເມີນຜົນຢ່າງຖືກຕ້ອງຕາມກົດລະບຽບຂອງສູນກາງສະຫະພັນກໍາມະບານລາວ ສະເລ່ຍໄດ້ 91,64%, ເພື່ອເປັນການຢັ້ງຢືນເຖິງຜົນງານທີ່ດີເດັ່ນດັ່ງກ່າວ ສະຫາຍ ນາງ ຈັນເພັງ ມະນີແສງ, ຫົວໜ້າກົມຂະບວນການແຂ່ງຂັນ ແລະ ຍ້ອງຍໍ, ໄດ້ຕາງໜ້າສູນກາງສະຫະພັນກໍາມະບານລາວ ມອບໃບຢັ້ງຢືນ 5 ເປັນເຈົ້າໃຫ້ແກ່ສະຫະພັນກໍາມະບານ ຄະນະພົວພັນຕ່າງປະເທດສູນກາງພັກ ແລະ ສະຫາຍ ວາລະໄຊ ເລັ່ງສະຫວັດ, ຮອງຫົວໜ້າຄະນະພົວພັນຕ່າງປະເທດສູນກາງພັກ ໄດ້ມອບໃບຢັ້ງຢືນ 5 ເປັນເຈົ້າໃຫ້ 06 ກໍາມະບານຮາກຖານຂອງຄະນະພົວພັນຕ່າງປະເທດສູນກາງພັກ .
ໃນຕອນທ້າຍ, ສະຫາຍ ວາລະໄຊ ເລັ່ງສະຫວັດ, ຮອງຫົວໜ້າຄະນະພົວພັນຕ່າງປະເທດສູນກາງພັກ ກໍ່ໄດ້ໃຫ້ກຽດໂອ້ລົມຕໍ່ກອງປະຊຸມ ເຊິ່ງໄດ້ຍ້ອງຍໍ-ຊົມເຊີຍຜົນງານທີ່ດີເດັ່ນຂອງ ສະຫະພັນກໍາມະບານ ຄະນະພົວພັນຕ່າງປະເທດສູນກາງພັກ ທີ່ໄດ້ສຸມສະຕິປັນຍາ, ເຫື່ອແຮງ ຊີ້ນຳ - ນຳພາການເຄື່ອນໄຫວວຽກງານ ຂອງສະຫະພັນກໍາມະບານ ມີຜົນສຳເລັດຫຼາຍດ້ານໂດຍສະເພາະການເຄື່ອນໄຫວວຽກງານກຳມະບານ ແລະ ວິຊາສະເພາະ ຊຶ່ງເປັນການປະກອບສ່ວນອັນສໍາຄັນຊ່ວຍຄະນະພັກ ຄະນະພົວພັນຕ່າງປະເທດສູນກາງພັກ ໃນການເຕົ້າໂຮມຄວາມສາມັກຄີ, ປຸກລະດົມ ແລະ ສຶກສາອົບຮົມສະມາຊິກກຳມະບານ ເຂົ້າຮ່ວມຂະບວນການຕ່າງໆ ເປັນຕົວແທນແຫ່ງການປົກປ້ອງສິດ ແລະ ຜົນປະໂຫຍດອັນຊອບທຳຂອງສະມາຊິກກຳມະບານ ກໍ່ຄືພະນັກງານ - ລັດຖະກອນທີ່ສັງກັດຢູ່ ຄະນະພົວພັນຕ່າງປະເທດສູນກາງພັກຕະຫຼອດໄລຍະຜ່ານມາ. ນອກຈາກນີ້, ສະຫາຍ ກໍ່ໄດ້ເນັ້ນໜັກໃຫ້ບັນດາສະຫາຍສະມາຊິກໃນສະຫະພັນກໍາມະບານ ຄະນະພົວພັນຕ່າງປະເທດສູນກາງພັກ ໃຫ້ສືບຕໍ່ຮັກສາຜົນງານທີ່ດີເດັ່ນທີ່ຜ່ານມາ ແລະ ໃຫ້ສືບຕໍ່ຊີ້ນຳ - ນຳພາວຽກງານກໍາມະບານຂອງຕົນ ໃຫ້ໄດ້ຮັບການພັດທະນາ ແລະ ມີບາດກ້າວອັນໃໝ່.
03/09/2024 15:39:45
30/08/2024 09:10:17
29/08/2024 11:16:22
27/08/2024 10:31:49
29/07/2022 15:17:46
13/06/2023 14:17:31
12/07/2023 14:43:30
30/05/2023 10:28:03
30/03/2023 15:30:06
14/07/2022 14:18:48
04/04/2023 15:42:25
14/07/2022 15:49:10
05/09/2022 15:20:13
09/05/2022 10:06:28
16/03/2022 08:33:46
24/05/2022 08:54:20